InfoHub Logo

Sabaq taqyryby: Kóktemgi gúlder
Maqsaty:
1. Kóktem mezgilin sıpattaý, balalardy tabıǵat tamashalyǵymen tanystyrý, jyl mezgilderi týraly bilimderin bekitý.
2. Tabıǵat erekshelikteri men ózgeristerin baqylaý arqyly tilderin damytý, tabıǵatty aıalaýǵa, sýboıaqty durys paıdalanýǵa, alaqanmen jumys jasaýǵa úıretý.
3. Tabıǵattaǵy gúlderge degen súıispenshilikterin arttyrý.
Sózdik jumys: kóktemgi gúlder.
Pedagogıkalyq tehnologıa: oıyn tehnologıasy
Ádis tásilderi: áńgimeleý, suraq - jaýap, túsindirmeli - ıllústratıvty
Kórnekilikter: gúlderdiń sýreti, sýboıaq, slaıd, beıne - rolık, óleń.
Áreket kezeńderi: tárbıeshiniń is - áreketi, balalardyń is - áreketi, motıvasıalyq qozǵaýshy.
Kútiletin nátıje: balanyń bilýi kerek kóktem mezgiliniń erekshelikterin
Bolýy kerek: kóktemgi gúlder jaıly túsinikteri
Qolynan kelýi: saýsaqpen uqypty boıaýy

Sabaqtyń barysy:
Uıymdastyrý kezeńi:
Qaıyrly tań dostym,
Qaıyrly kún bolsyn.
Sabaǵymyzdyń ár kezi,
Sáttilikke tolsyn!

Balalar, búgin erekshe kún! Bizderge qonaqtar kelip otyr. Qonaqtarmen amandasaıyq:
Úlkenge siz, kishige siz,
Barshańyzdy qurmettep,
Bas ıemiz biz.
Endi balalar, shattyq sheńber jasap bir - birimizge jaqsy tilekter aıtaıyq.
- Meıirimdi bolaıyq!
- Árqashan ádemi bolaıyq!
- Analarymyz aman bolsyn!
- Kúnimiz jaryq bolsyn!

İzdený kezeńi (kirispe áńgime):
Jaqsy, endi balalar ornymyzǵa jaıǵasyp otyraıyq.
Qazir jyldyń qaı mezgili?
Kóktem neshe aǵaıyndy?
- Óte jaqsy. Kóktem mezgiliniń erekshelikterin jaqsy biledi ekensińder. Kóktem mezgilinde dalada, qyrda ádemi kóktem gúlderi shyǵa bastaıdy.

Kóktemniń alǵashqy gúli báısheshek, sodan keıin qyzǵaldaq, sarǵaldaq aq gúlder shyǵa bastaıdy.

Kóktemde, kóktemde
Kún nuryn tókkende,
Kók shybyq byltyrǵy
Kóktedi, gúldedi
(beınefılm, báısheshek, sarǵaldaq, qyzǵaldaq, aq gúl ósip shyǵýy)
- Men kóktemde ósip shyǵatyn gúlderdiń sýretin salǵan edim, salaıyn desem boıaýym taýsylyp qalypty. Senderde boıaý bar ma, balalar?
- Iá, bar.
- Maǵan kóktem gúlderin salýǵa kómektesesińder me?
- Iá, kómektesemiz.
- Balalar, búgin ótetin taqyrybymyz «Kóktemgi gúlder»
- Balalar, biz sýret boıaǵanda qylqalam paıdalanatyn edik, biraq búgin alaqanmen boıap jumys jasaımyz. Aq qaǵazda qumyranyń sýretiń salamyz. Qumyrany kóktem gúlderimen toltyramyz. Alaqanmen qalaı boıaıtyńdarymyzdy kórseteıin. Alaqanymyzdy sýboıaqqa batyryp, aq qaǵazǵa alaqanymyzdy basamyz. Saýsaǵymyzdy ylǵaldy súrtkishpen súrtemiz.