InfoHub Logo

Maqsaty: oqýshylardy qoǵamdyq ortada ózin - ózi ustaı bilýge, izettilikke, mádenıettilikke, úlkendi sylaýǵa, kishige úlgi bola bilýge, jaman ádetterden aýlaq bolýǵa tárbıeleý.
Túri: dóńgelek ústel
Kórnekiligi: kúnniń, bulttardyń maketi, sýretter, naqyl sózder.

Barysy:
İ. Kirispe
Búgingi dóńgelek ústelimiz «Ádepten ozbaıyq» degen taqyrypta bolǵandyqtan áńgimemiz ádeptilik, mádenıettilik, izgilik jaıynda bolmaq.
Ádeptilik, ar, uıat
Adamdyqtyń belgisi.
Ádepsiz ósken adamnan,
Tártippen ósken tal jaqsy,-
degendeı, ádepti bolý degen sózdiń maǵynasy óte keń. Olaı deıtinimiz, adamnyń árbir is - qımyly, júris - turysy, sóıleý máneri, ózin - ózi ustaı bilýi onyń ádeptiliginen, mádenıettiliginen habar berip turady. Endi qazir men senderdiń osy ádeptilik jaıly oılaryńdy tyńdaǵym kelip tur.
1. Ádeptilik degen sózdiń balamalaryn tabyńdarshy.
2. Ádepti adam, ádepti bala, ádepti qyz. Olardy qalaı tanýǵa bolady?
3. Ádeptilikti bizge kim úıretedi?

İİ. «Oı jalǵastyrý» oıyny.
Bastapqy sózderi jazylǵan oıdy ózderiń oılanyp aıaqtańdar.
1) Ádepsiz bolmaımyn dese, ne isteýge bolmaıdy?
2) Ádepti bala degen atqa saı bolý úshin, ne isteý kerek?

İİİ. Tirshilik oıanýdan bastalady. Tańerteń oıanǵan ádepti adam qýanady, jaqyndarymen amandasady.
Ádeptilik sálemnen bastalady. Sálemdesý – izettilik qaǵıdasy. Al izettilikten ádeptilik týyndaıdy. Ol adamdardyń meıirbandyq belgisi.
1. Sálemdesýdiń qandaı túrlerin bilesińder?
Daýystap sálem berý, qol alysyp amandasý, ıilip sálem berý, alystan qol kóterip amandasý, qas - qabaqpen, qımyl, is - árekettermen, ymmen sálem, izet kórsetý.
2. Amandasý úshin aıtylatyn sóz: sálemetsiz be, assalaýmaǵaleıkým, qaıyrly tań, qaıyrly kún, kesh jaryq.
3. Kim birinshi amandasady? (amandasý tártibi)
Úlkendermen jastar birinshi bolyp amandasady.
4. «Sálem» dep kimderge aıtqan jón?
Teń qatar qurbylarǵa, joldastarǵa.
5. Qol berip amandasý kimge tán?
Er adamdarǵa, úlken kisilerge.
6. Alysta ketip bara jatqan adamdarmen qalaı amandasý kerek?
«Sálemetsiz be» dep aıqaılaýdyń qajeti joq, ol seni kórse, basyńdy ıip amandas.
Túıin: «Adamdyqtyń belgisi – ıilip sálem bergeni» degendeı, halqymyz adamgershiliktiń basty qaǵıdasy retinde amandasý erejelerin qoıady. Dostyǵyna, jattyǵyna qaramastan sálem beredi, amandasý – adamdyq paryz, borysh dep sanalady.