InfoHub Logo

Matematıka 2 synyp
Taqyryby: Ótkendi pysyqtaý.
Sabaqtyń maqsaty:
Bilimdilik: Oqýshylardy esep shyǵarýǵa daǵdylandyrý, alǵan bilimderin jetildirý;
Damytýshylyq: Tez esepteý, este saqtaý, logıkalyq oılaý qabiletterin damytý;
Tárbıelik: Ásemdikke baýlý, alǵa qoıǵan maqsattaryna jetýge, uqyptylyqqa, izdenimpazdyqqa, tapqyrlyqqa, ózdiginen jumys jasaýǵa tárbıeleý.
Sabaqtyń tıpi: iskerlikter men daǵdylardy jetildirý sabaǵy
Sabaqtyń túri: dástúrli emes (saıahat sabaq)
Ádis - tásilderi: túsindirý, suraq - jaýap, ózindik, toptyq jumys
Kórnekiligi: slaıdtar, ınteraktıvti taqta, oqýlyq.
Pánaralyq baılanys: dúnıetaný, ana tili.

Sabaqtyń barysy:
1. Uıymdastyrý kezeńi:
- oqýshylarmen sálemdesý;
- túgendeý;
- oqýshylar nazaryn sabaqqa aýdarý;
- sabaqtyń maqsat - mindetterimen tanystyrý.

2. Psıhologıalyq daıyndyq:
Oıǵa tolyp sanamyz,
Bestik baǵa alamyz.
Balasyndaı bir úıdiń
Tatý bolsyn aramyz.

- Balalar búgingi sabaǵymyz saıahat sabaǵy bolmaq. Iaǵnı, Astana jas qalamyzǵa saıahat jasap, túrli tapsyrmalar oryndaımyz.
- Saıahatymyzdy bastaý úshin aldymen aýa – raıyn bilip alaıyq. Kún ashyq bolý úshin tapsyrma oryndaımyz. Iaǵnı, biz búgin kúnniń ústin basqan bulttardan aryltamyz. Ár bultty alyp, artyndaǵy tapsyrmany oryndaımyz. Kún bultty bolsa saıahatqa shyǵa almaı qalamyz.

19 + 9 = 28
37 + 7 = 44
55 + 8 = 63
50 - 8 = 42
64 + 16 = 80
30 - 7 = 23
28 + 32 = 60
46 + 14 = 60
60 - 5 = 55
75 + 5 = 80
- Biz qaı qalada turamyz?
- Bıyl Astanaǵa neshe jyl toldy?
- Bizdiń Elbasymyz kim?
Olaı bolsa, Qazaqstan Respýblıkasynyń Tuńǵysh Prezıdentiniń mýzeıine barý úshin avtobýsqa otyramyz. Biraq avtobýs júrgizýshisi bizge mynadaı shart qoıyp otyr: «úıge berilgen tapsyrmany oryndaǵandar ǵana avtobýsqa otyrady»- deıdi.

3. Úı tapsyrmasyn tekserý
- Barlyǵymyz tapsyrmany oryndadyq pa?
- Olaı bolsa balalar, senderge sáttilik!
Al, endi taqtadaǵy kúnge nazar aýdaraıyq, ne jetispeıdi? (kúnniń shýaqtary) Olaı bolsa, úıge berilgen esepterdiń jaýaptaryn aıtyp, kúnniń shýaqtaryn jabystyramyz. Saıahatymyzdy bastaıyq.
Qazaqstan Respýblıkasynyń Tuńǵysh Prezıdentiniń mýzeıine saıahat
(sıpattama berý)

4. Dáptermen jumys (kórkem jazý)
1 - tapsyrma
a) Bolǵany – 200 teńge.
Satyp alyndy: sút – 95 teńge
toqash – 45 teńge.
Qaldy -?
Sheshýi: 95+45=150
200 - 150=50
Jaýaby: Qaldy 50 teńge