InfoHub Logo

Qazaq álipbıin latynǵa kóshirýde naýqanshyldyqqa jol bermeý kerek. Bul týraly búgin Aqordada QR Prezıdenti Ákimshiliginiń basshysy Ádilbek Jaqsybekov aıtty. 

«Qazirgi kezde «Rýhanı damý» baǵdarlamasy boıynsha kóp jumystar atqaryldy. Qajetti uıymdastyrý suraqtary tolyǵymen sheshildi. Baǵdarlamanyń barlyq baǵyttary boıynsha naqty nátıjeler bar. Eń bastysy, olar halyqtyń zor qoldaýyna ıe bolyp otyr. Búgingi otyrysta osy jasalǵan jumystardyń qorytyndysyn  shyǵaryp, aldaǵy josparymyzdy qaraımyz», - dedi QR Prezıdenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komısıanyń kezekti otyrysyn ashqan Ádilbek Jaqsybekov.

Sonymen qatar ol komısıa jumysynyń jańa kezeńi bastalǵanyn jáne munan ary da osyǵan deıingi qarqyndy saqtap, keleshekte atqarylatyn jumystarǵa qatysty naqty kórinistiń bolýy tıistigin bas aıtty.

«Birinshi baǵyt, qazaq álipbıin latynǵa kóshirý boıynsha mindetter qazirgi ýaqytta anyqtaldy. Memleket basshysy álipbı jobasyn bekitip, Úkimet janyndaǵy ulttyq komısıa quryldy. Jańa álipbıge kóshý jumystary Úkimet bekitken jospar aıasynda jalǵasatyn bolady. Degenmen, josparlanǵan sharalardyń logıkasyn qatań saqtaý qajettigine nazar aýdarǵym keledi. Naýqanshyldyqqa jol bermeý jáne popýlısik aksıalarǵa áýestenbeý mańyzdy. Úkimetke bul máseleni aıryqsha baqylaýǵa alýdy ótinemin. İs júzinde ol bar da. Premer-Mınıstrdiń ózi komısıaǵa basshylyq jasaıdy»,-  dep atap ótti Prezıdent Ákimshiliginiń basshysy.

---