InfoHub Logo

Bastysy — qol jetkizgen tabystaryńyzben toqtalyp qalmaý.

Tabysty jobany aıaqtaǵannan keıin ómirden lázzat alyp, tapqan tabysyńyzdy sanap ta ýaqyt ótkizýińizge bolady. Alaıda bosańsýǵa áli erte. Dál qazirgi jaǵdaıda úzdik marketıńtik strategıa — jańa jobany qolǵa alý. Eger siz jazýshy bolsańyz, jańa kitap jazýdy bastańyz. Eger aktór bolsańyz — jańa rol izdeńiz. Eger kásipker bolsańyz — jańa kompanıa ashyńyz.

«Kindik áke / The Godfather» fılmi tabysty bolar ma edi, eger ol trılogıa emes, kitaptyń bir bólimi ǵana bolsa? «The Lord of the Rings» kınotrılogıasy bolmasa «Hobbit» te sonshalyqty tanymal bolar ma edi? Marketologtar mundaı strategıanyń mańyzdylyǵyn burynnan-aq túsingen.

Uzaq tirshilik etetin bir dúnıe jasaý úshin ýaqyt jumsaý qajet. Alaıda qur otyryp kútpeý, alǵa qaraı qadam basyp, jańa dúnıe jasaý kerek.

Zertteýshiler mundaı qubylysty mýzykada zerttep kórgen. Oryndaýshylardyń árbir jańa álbomy shyqqan saıyn burynǵy jazbalarynyń satylymy arta túsedi eken. Bul jańa aqparttyń paıda bolýynyń arqasynda júzege asady. Tutynýshylar oryndaýshy jaıynda bilgennen keıin onyń eski jazbalaryn da satyp ala bastaıdy.

Bul fenomen ónermen ǵana shektelip qoımaıdy. Apple iPod pen iPhone-dy olar alǵash paıda bolǵannan keıin de usynýlaryn toqtatqan joq qoı. Tipten jyl saıyn osy ónimderdiń jaqsartylǵan nusqalaryn shyǵarýda. Jáne de árbir jańa nusqa shyqqan saıyn satyp alýshylardyń úmittenýi men BAQ-taǵy dúrligý tek artyp keledi. Tutynýshylardy burynǵydan da kóbirek tartý úshin kompanıa árbir jańa ónimin aldyńǵysymen baılanystyra ázirleıdi. Bul Stıva Djobstyń bıznes-strategıasynyń bir bóligi bolatyn.

Eger de siz bir nárse jasasańyz jáne ol óte sátti shyqsa, onda onymen toqtap qalmańyz — alǵa qaraı qadam jasap, taǵy da bireýin jasańyz. Mańyzdysy odan ári ne isteý keregin anyqtap alý.

Stıv Djobs

Výdı Allenniń de kózqarasy osyndaı. Mine ondaǵan jyldar boıy ol jyl saıyn derlik bir kınodan túsiredi. Ol sannyń kómegimen sapaǵa qol jetkizýge tyrysady. «Eger jıi-jıi fılm túsire berseń, keıde bir úzdik fılm shyǵady», — dep rejıssór óz oıymen bólisedi.

Árbir jańa talpynys jasaǵan saıyn siz óz sheberligińizdi shyńdaısyz jáne uzaqqa sozylatyn ári paıdaly nárse jasaý múmkindigin arttyrasyz. Bastysy —  jasaý, jasaý jáne taǵy da jasaý.

Tıse terekke, tımese butaqqa degen úmitpen barlyǵyna birdeı kelise berý qajet degendi bildirmeıdi. Kóptegen baspalar men leıbldar dál osyndaı qatelik jasaıdy. Onyń ornyna:

—  Talǵamyńyz bıik bolsyn.

—  Oıyńyzdy uzaq merzimdi bolashaqqa jumyldyryńyz.

—  Barlyq jańa nárselerge ashyq bolyńyz, alaıda tańdaýyńyzdy muqıat jasańyz.

—  Máńgilikke sozylýy múmkin ıdeıalarǵa basymdylyq berińiz.

Eger Photoshop-ta bir nárseniń sýretin salǵan bolsańyz, siz áli dızaıner emessiz. Kitap shyǵarǵandardyń bári jazýshy bola almaıdy. Ol jaı kitap shyǵarǵan adam.

Naǵyz jazýshy bolý úshin kóp kitap jazý qajet. Naǵyz kásipker bolý úshin de birneshe bıznes ashý kerek.

Árıne, bir ǵana nárse jasaǵan kóptegen talantty adamdar bar. Mark Sýkerberg báribir de kásipker, al Harper Lı báribir de jazýshy. Alaıda olar taǵy da birdeńe jasasa, álem odan da jaqsyraq bolmas pa edi?

Ózimizdi bir jobamen shektemeýimiz kerek.

Jaqsy bir-aq nárse jasaý jetkiliksiz. Kóbirek jasańyz. Artymda óz muramdy qaldyrdym degen oımen alǵashqy qadamnan keıin toqtap qalmańyz. Onymen shektelip qalmańyz. Siz jańa dúnıe jasaı beretindigińizdi álemge jáne óz ózińizge birneshe ret dáleldeńiz... jáne taǵy da birneshe ret.

---