InfoHub Logo

Kitaphana - bilim berý mekemesiniń aqparattyq ortalyǵy Adamzat balasynyń qol jetkizgen uly ıgilikteriniń biri – bilim qazynasy. Al bilim sıpaty alýan túrli. Ol urpaqtan – urpaqqa aýyzsha, jazbasha túrde nemese kórkem ádebıet arqyly da jetken. Kitap adam balasynyń san ǵasyrlyq aqyl – oıynyń jemisi, tarıhy men taǵylymynyń altyn sandyǵy. Onsyz, ıaǵnı kitapsyz ómir súrý XXI ǵasyrda múmkin emes ekendigi málim. Kitap qana dál mándi bilim beredi, sebebi ol adamdy tereń oılaýǵa jeteledi. Ár adam kitaptyń betin ashqan saıyn onyń áleminiń tylsym tabıǵattyn, jańa qundylyqtardy úırenedi. "Nadanmen dos bolǵansha, kitappen dos bol" dep tekke aıtylmaǵan. «Kitap degenimiz – aldyńǵy urpaqtyń artqy urpaqqa qaldyrǵan rýhanı ósıeti. Kitap oqýdan tıylsaq, oı oılaýdan da tıylar edik» - degen edi Ǵabıt Músirepov. Kitap tańdap talǵap oqı bilý, ony túsiný men túısiný, alǵan áserińdi ómir qajetińe jarata bilý – árbir adamnyń biligi men bilimin, paıymy men parasatyn aıqyndaıtyn alǵy sharttardyń biri. «Kitap maǵan taqtan da qymbat», - dep Shekspırdiń bergen baǵasy, búginde, osy asyl qazynany oqýǵa degen qulshynystyń tómendeýi kóńil qynjyltady. Jas urpaqtyń sanasynda týǵan halqyna degen qurmet pen maqtanysh sezim uıalatyp, ulttyq rýhty sińirý, sondaı-aq ana tili men ádebıetin, tarıhy men ónerin qasterlep, halyqtyń salt - dástúrin aıalaı, ardaqtaı bilýge tárbıeleý kitaptyń enshisinde. Ókinishke oraı kórkem ádebıetke degen óz betimen balalardyń qyzyǵýshylyǵy azaıdy. Ádebıetke degen qulyqsyzdyq paıda boldy. Onyń sebepterin kúndelikti qoldanysqa engen ǵalam tor, kompúter sekildi quraldardyń áseri dep bilemiz. Bala kitap oqyp, oıyn qorytýdyń ornyna teledıdardan daıyn ónimderdi kórýge beıim. Munyń barlyǵy balalardyń kitap oqýyna úlken kedergi keltiredi. Osy týraıda ádebı kitaptyń oqylýy úshin kim qandaı kúsh jumsaýy tıis degen qısyndy saýal týady. Kitaphanashylar jas urpaqty ádebıetten tys eleńdetetin aqparat túrleri kóp, qazaq tilinde balalarǵa arnalǵan ádebıetter tym az dep shyryldaıdy. Kimde de bolsa bilimdilikke sál-pál bolsada qushtarlyǵyn damytýǵa kómektesedi. Kitap oqyǵan adamnyń shette kalmasy anyq. Qoǵamymyzdyń rýhanı álemin jutańdatyp áketip bara jatqan osy máselege den qoıýymyz da tegin emes. Jurtshylyq arasynda kitaphanashylardy «rýhanıat shyraqshylary» dep te ataıdy. Oryndy sóz. Ońtaılandyrý tusynda kóp kedergilerge ushyraǵan salanyń qazirgi tańda basyna baqyt qusy qaıtadan qonǵandaı. Kitap qory molaıdy. Zamanaýı qondyrǵylarmen jabdyqtalýy da kóńil kónshitedi. Soǵan oraı kitaphanashylarǵa júkteler mindet te, qoıylar talap ta kúsheıdi. Búgingi áńgimemizdiń arqaýy 90 jyldan asa tarıhy bar qarashańyraq Maqtaaral gýmanıtarlyq –ekonomıkalyq jáne agrobıznes kolejiniń oqý bazasyndaǵy kitaphanada atqarylyp júrgen ıgi ister jaıynda bolmaq. Búgingi tańda kitaphana oqýshylardyń jáne turǵyndardyń jan-jaqty aqparattyq qajettiligin eskeretin áleýmettik oryn sanalady. Kitaphanada zamanaýı tehnologıalardyń kómegimen úrdisterdi damytý, elektrondy málimetter bazasyn jınaqtaý, anyqtamalyq jáne bıblıografıalyq qyzmette álemdik aqparat jınaýshy ǵalamtordy paıdalaný syndy qyzmetter usynylǵan. Kitaphana sońǵy ýlgidegi kompúterlermen qamtylǵan. Kitaphanashylardyń uıymdastyrýymen jergilikti aqyn-jazýshylar, tanymal tulǵalarmen kezdesý uıymdastyrý jolǵa qoıylǵan. Jańa kitaptyń tusaýkeseri, oqyrmandar konferensıasy, ózekti máselelerge qatysty dóńgelek ústelder, alýan taqyrypta ıntellektýaldy oıyndar, pikir-talastar kópshiliktiń qyzyǵýshylyǵyn týyndatatyn alýan túrli taqyrypta mádenı-qoǵamdyq is-sharalar ótkiziledi. Qandaı sala bolmasyn kásibı jetilý kitaphananyń kómeginsiz múmkin emes. Ómir ózgeredi, adamdar ózgeredi, kitaphana da jańa mazmunǵa ıe bolady. Jańa aqparattyq tehnologıalardy qoldaný tásilderi: elektrondy katalog, elektrondy oqýlyqtardy kompúter arqyly oqý, aýdıo-vıdeo materıaldar kómegimen aqparat alýda qolaıly jáne tez arada oqyrmandar suranysyn qanaǵattandyrýda. Ǵylym men bilimniń negizi bolyp tabylatyn kitap pen bilim oshaqtary - birinen-biri ajyraǵysyz rýhanı qazynalar. Óıtkeni oqý-tárbıe úrdisine kitaptyń qosar úlesiniń ólsheýsiz ekendigi aqıqat. Kitap-rýhanı progrestiń kepili, er men eldi , memleket pen memleketti jaqyndastyrar, túsinkke bastar asa mańyzdy rýhanı faktor. Kitap - álemdegi uly kúsh. Ol sanany nurǵa bóleýshi. Kitapqa qyzyqtyrý - bilimge qyzyqtyrý. Kolej kitaphanasy – oqý ornynyń júregi, bir bóligi. Jańa zaman kompúter dáýiri bolǵanymen rýhanı azyq izdegen, kózi ashyq, kókiregi oıaý árbir adamnyń keler shańyraǵy-kitaphana. Sondyqtan da, oqý ornynyń kitaphanasyn - bilim berý mekemeleriniń aqparattyq ortalyǵy dep aıtamyz. Qoldanylǵan ádebıetter tizimi: 1. Kárishalova K. Kitaphana jańa ǵasyr mádenıtetinde (balalar ádebıeti problemalary)// Saıasat. - №3. - 2006. - 28-29b. 2. Dútbaeva N. Kitap nege oqylmaıdy: sebep pen saldar// Qazaq ádebıeti. - 2009. - 30 qańtar. - 1-3b. 3. BAQ 4. Internet jelisindegi aqparat kózderi

---