InfoHub Logo

Kúndelikti sabaq jospary, geografıa 9 synyp
Taqyryptar:
26 - sabaq. Agroónerkásiptik keshen. AÓK - tiń quramy men mańyzy. Ósimdik sharýashylyǵy.
27 - sabaq. Mal sharýashylyǵy. Tamaq jáne jeńil ónerkásipteri.
28 - sabaq. Pavlodar oblysynyń AÓK - İ
29 - sabaq. №6 saramandyq jumys. Agroónerkásiptik keshen
30 - sabaq. Kólik kesheni. Áleýmettik ınfraqurylym kesheni.

Taqyryby: Agroónerkásiptik keshen. AÓK - tiń quramy men mańyzy. Ósimdik sharýashylyǵy.
Bilimdilik. Qazaqstandaǵy agroónerkásiptik keshenniń quramy men mańyzy týraly oqýshylardyń kózqarastaryn qalyptastyrý. Keshenniń býyndary týraly, erekshelikteri men salalarynyń damý faktorlaryn anyqtaý. Ósimdik sharýashylyǵynyń salalaryn qarastyryp, ereksheligin anyqtaý.
Damytýshylyq. Qazaqstannyń agroónerkásiptik keshenin fızıkalyq karta boıynsha sıpattaý arqyly jáne ony keskin kartaǵa túsirý arqyly kartamen jumys isteý ıkemdilikterin odan ári damytý.
Tárbıelik. Óz otany týraly bilimderin tereńdete kele, otansúıgishtik qasıetterin arttyrý, qorshaǵan ortany qorǵaý qasıetterin arttyrý, geografıalyq mádenıetke baýlý.
Sabaq túri: aralas sabaq
Sabaqty uıymdastyrý formasy: frontaldi
Sabaqty júrgizý ádis - tásilderi: reprodýktıvti, problemalyq
Qural - jabdyqtar: Qazaqstannyń fızıkalyq kartasy, taqyryptyq kartalar
Negizgi uǵymdar: aýyl sharýashylyǵy, tyńaıǵan jerler, jaıylymdar, keshendi melıorasıa, ósimdik sharýashylyǵy, agro klımattyq kartalar, dándi daqyldar, tehnıkalyq daqyldar, baqsha daqyldary

Sabaqtyń qurylymy:
İ uıymdastyrý kezeńi
İİ jańa taqyrypty meńgerý kezeńi
İİİ jańa taqyrypty bekitý kezeńi
İV sabaqty qorytyndylaý kezeńi
V baǵalaý kezeńi
Vİ úıge tapsyrma berý
Sabaqtyń barysy:

İ Oqýshylarmen amandasý. Túgendeý. Sabaqqa daıyndyǵyn tekserý.

İİ Eń aldymen kirispe suraqtar qoıady:
1. Adamdar jerdi ne úshin paıdalanady?
2. Qazaqstannyń aýyl sharýashylyǵynda qandaı mádenı ósimdik túrleri ósiriledi?
Keıin jańa taqyrypty kelesi jospar boıynsha meńgeredi:
1) AÓK - niń quramy men qurylymy. Aýyl sharýashylyq ónimderi buzylyp ketpeý úshin olardy ýaqytynda óńdep, halyqqa jetkizý kerek. Osynyń negizinde AÓK - á qurylady. Bul keshen asa iri salaaralyq keshen – jumyskerler sany 2, 4 mln adam. Jalpy ishki ónimniń 1/10 beredi.
2) AÓK - niń İ býyny. Bul AÓK - ke aýyl sharýashylyq mashınalaryn, qural - jabdyqtar jetkize otyryp, onyń ıntensıfıkasıasynyń jalpy deńgeıin anyqtaıdy. AÓK - i eski tehnıka paıdalanady. Óndirilgen ónimniń az ǵana úlesi óńdeledi.
3) Aýyl sharýashylyǵy. Aýyl sharýashylyǵy – AÓK - tiń ortalyq tizbegi bolyp tabylady, el ekonomıkasynyń dástúrli salasy. Qazaqstannyń barlyq aýmaǵy – 272 mln ga. Eń kóp aýmaqty jaıylymdyq jerler alyp jatyr. Aýyl sharýashylyǵyna qolaısyz faktorlar – qurǵaqshylyq, jel jáne sý erozıasy, topyraqtyń tuzdanýy men batpaqtanýy.
4) Ósimdik sharýashylyǵy. Ósimdik sharýashylyǵy egin sharýashylyǵy, baqsha sharýashylyǵy, júzim ósirýden turady. Egin sharýashylyǵyna tabıǵı faktorlar – jylý, jaryq, ylǵal qatty áser etedi. Elimizde eginshiliktiń basty salasy – dándi daqyldar – bıdaı, arpa, júgeri, kúrish, suly, qaraqumyq, tary, qarabıdaı ósirý.
taqyrypty meńgerý úshin oqýlyq mátini men taqyryptyq kartalar paıdalanylady.

İİİ Taqyrypty bekitý úshin 183 bettegi 1 - tapsyrma, 184 bettegi 2 - 5 tapsyrmalardy jáne 185 bettegi testerdi beredi.
İV Sabaqty oqýshylarmen birige otyryp qorytyndylaıdy.
V Oqýshylar sabaq barysynda belsendilik tanytýyna jáne tapsyrmalardy oryndaýyna qaraı baǵalanady.
Vİ 181 - 182 bettegi aqparattardy oqý; taqyrypty qaıtalaý. Tapsyrmalardy oryndap úlgermegen jaǵdaıda aıaqtaý.



Tolyq nusqasyn qaraý