InfoHub Logo

Kúndelikti sabaq jospary, geografıa 9 synyp
Taqyryptar:
16 - sabaq. Pavlodar oblysynyń otyn - energetıkalyq kesheni
17 - sabaq. Qazaqstannyń sharýashylyǵy. Otyn - energetıkalyq kesheni
18 - sabaq. Mashına jasaý kesheni. Mashına jasaý
19 - sabaq. №3 saramandyq jumys
20 - sabaq. Metalýrgıa kesheni. Qara metalýrgıa

Taqyryby: Pavlodar oblysynyń otyn - energetıkalyq kesheni

Bilimdilik. Pavlodar oblysynyń kómir ónerkásibiniń ereksheligi men mańyzy týraly kózqarastaryn qalyptastyrý. Pavlodar oblysynyń OEK - niń quramy týraly, kómir alaptary týraly, elektr qýaty týraly bilimderin tereńdetý.
Damytýshylyq. Pavlodar oblysy sharýashylyǵyn karta boıynsha sıpattaý arqyly ıkemdilikterin odan ári damytý.
Tárbıelik. Óz ólkesi týraly bilimderin tereńdete kele, otansúıgishtik qasıetterin artyrý, geografıalyq mádenıetke tartý.
Sabaq túri: jańa taqyryp
Sabaqty uıymdastyrý formasy: frontaldi
Sabaqty júrgizý ádis - tásilderi: suraq - jaýap
Qural - jabdyqtar: Pavlodar oblysynyń ákimshilik jáne fızıkalyq kartasy
Negizgi uǵymdar: otyn - energetıka kesheni, otyn ónerkásibi, kómir alaptary, MAES, JES, JEO, MÓZ, elektroenergetıka
Nomenklatýra: Qazaqstan, Petropavl, Pavlodar, Semeı, Rıdder, Kókshetaý, Aqtóbe, Oral, Túrkistan, Taraz, Qaraǵandy, Astana, Almaty, Atyraý

Sabaqtyń barysy:
1. Uıymdastyrý kezeńi
Oqýshylarmen amandasý. Túgendeý. Sabaqqa daıyndyǵyn tekserý. Psıhologıalyq daıyndyǵyn tekserý.
2. Jańa taqyrypqa kóshý kezeńi
Kirispe suraqtar:
1. Kómir ónerkásibi Qazaqstannyń qaı oblystarynda damyǵan?
2. Negizgi kómir alaptary men kesindilerin atańdar.

3. Jańa taqyrypty meńgerý kezeńi.
Otyn ónerkásibi – oblystyń basty energıasynyń kózi. Pavlodar oblysynda kómirdi shyǵaratyn 8 oryn bar. Eń irileri – Ekibastuz ben Maıkúbi baseınderi. Ekibastuz kómir alańy – Qazaqstandaǵy eń iri alańnyń biri. Onyń jalpy qory – 1208 mlrd. t. Ol HİH ǵ. ekinshi jartysynda ashyldy. 1899 j. Voskresensk taý - ken ónerkásiptik aksıonerlik qoǵam kómirdi óndire bastady. 1903 j. Kómir óndirý toqtaldy. 1913 j. Jumysty aǵylshyndar qaıta bastady. 1916 j. 64 myń tonna kómir óndirdi. 1925 j. Jumys toqtalyp, ken orny nasıonalızasıalandy, 1948 j. Birinshi kómir kesindisi jumys isteı bastady. Ekibastuz kómiri álsiz janady, kúli kóp, kúkirti kóp, qyzý shyǵarý múmkindigi ortasha. Eń iri kómir kesindisi – Bogatyr. Naǵyz tehnıkamen jabdyqtalǵan kesindisi «Vostochnyı».
Maıkúbi kómir alaby 1982 j. Igerile bastady. Onyń jalpy qory – 109 mlrd. t. onyń kómiriniń kúli az, kúkirti az, jylý joǵary, jaqsy janady. Kómiri metalýrgıa jáne hımıa ónerkásibinde shıkizat retinde paıdalanylady.
Qazaqstandaǵy munaı ónerkásibiniń damýy Pavlodar oblysyndaǵy munaı óńdeýshi zaýyttarsyz damýy múmkin emes. Zaýyttyń qýattylyǵy – 7, 5 mln. t. 1978 j. MÓZ alǵashqy: mazýt, benzın, dızeldik otyn suıyltý gazdarynyń ónimin berdi. Qazir zaýyt jańa quraldarmen jabdyqtalǵan, munda mazýtty tereńnen óńdep shyǵarýdyń kúrdeli tehnologıalyq kesheni qurylǵan.
Energetıka – Pavlodar oblysynyń sharýashylyǵynyń ózekti salalarynyń biri. 1994 j. Oblystyń energetıkasy 27, 6 mlrd. kvt/saǵ. elektr energıasyn óndirgen. Aqsýda MAES, Ekibastuzda eki MAES jáne bir JEO, Pavlodarda 3 JEO bar. Óndirilgen elektr energıasy oblys pen respýblıkada da paıdalanylady, biraq onyń kóp bóligi joǵary vóltti elektr jelisi arqyly Oralǵa, Batys Sibirge eksporttalady.

4. Jańa taqyrypty bekitý kezeńi
Bekitý suraqtary: 1) Pavlodar oblysyndaǵy óndiriletin kómirdiń dıagramsyn syzý; 2) Ekibastuz ben Maıkúbi kómir ken oryndaryna salystyrmaly sıpattama ber; 4) Keshenniń sharýashylyqtaǵy mańyzy men túrleri; 5) Keshenniń qurylymy, onyń bólshekteri men erekshelikteri; 6) Keshenniń negizgi problemalary men olardy sheshý joldary; 7) Keshendi óńdeıtin salalardyń ornalasý faktorlary; 8) Óndiristiń shoǵyrlanǵan aýdandary men terıtorıalyq qurylymy; 9) keshenniń damý bolashaǵy

5. Sabaqty qorytyndylaý kezeńi
1. Pavlodar oblysynyń otyn - energetıkalyq kesheni qandaı salalardan turady?
2. Negizgi kómir kesindilerin atańdar.
3. Pavlodar oblysynda óndiriletin elektr qýaty qaıda paıdalanylady?

6. Baǵalaý kezeńi
Oqýshylar sabaq barysynda belsendilik tanytýyna jáne tapsyrmalardy oryndaýyna qaraı baǵalanady.
7. Úıge tapsyrma berý
Mátin sońyndaǵy suraqtar men sabaq ústinde úlgermegen suraqtarǵa jaýap berý.



Tolyq nusqasyn qaraý