InfoHub Logo

1958 jyly  21 mamyrda  KSRO Joǵary bilim mınıstrliginiń Jarlyǵy negizinde  Qazaq SSR tarıhy  kafedrasy  sol kezdegi Qazaq memlekettik ýnıversıtetiniń rektory T. Darqanbaevtyń jarlyǵymen 1958 jyly 30 qyrkúıekte quryldy. Kafedra qurylǵan 1958 jyldan bastap 1966 jylǵa deıin kórnekti tarıhshy QazSSR Ǵylym akademıasynyń korespondent múshesi, tarıh ǵylymdarynyń doktor, profesor Ermuhan Bekmahanuly Bekmahanov basqaryp, kafedranyń damýyna zor eńbek sińirgen.  Sol kezden beri kafedrany basqarǵan birneshe basshylar boldy. Atap aıtsaq, 1967-1970 jyldary tarıh ǵylymdarynyń kandıdaty, dosent Habıev Hakim, 1971-1980 jyldary tarıh ǵylymdarynyń doktory, profesor Kenjebaev Sáken Mamajanovıch, 1981 jyldan kafedra meńgerýshiligine tarıh ǵylymdarynyń doktory, profesor Qadyr Jamanbaevıch Jamanbaev, 1987-2001 jyldary tarıh ǵylymdarynyń doktory, profesor D.I. Dýlatova. 2001 jyldan bastap tarıh ǵylymdarynyń doktory, profesor Talas Omarbekuly Omarbekov qolyna alady. Al, 1997-2003 jyldar aralyǵynda «Qazaqstannyń jańa jáne qazirgi zaman tarıhy» kafedrasyn tarıh ǵylymdarynyń doktory, profesor Mámbet Quljabaıuly Qoıgeldıev basqarady. 2003 jyly kafedra meńgerýshiligine tarıh ǵylymdarynyń doktory, profesor Qýanysh Súleımenuly Qarajan keledi. 2011-2016 jyldar aralyǵynda profesor T.Omarbekov basqardy. 2016 jyldan  kafedra meńgerýshisi qyzmetin tarıh ǵylymdarynyń doktory, profesor, QR UǴA korespondent-múshesi Bereket Bahytjanuly Káribaev atqaryp keledi.

Tarıh, arheologıa jáne etnologıa fakúlteti qurylymynda jetekshi oryn alatyn Qazaqstan tarıhy kafedrasy 1993 jyly tarıhı hronologıalyq kezeńderge sáıkes birneshe kafedralarǵa bólinip ketti. Olar 2017 jyldan bastap Qazaqstannyń ejelgi jáne ortaǵasyrlar tarıhy, Qazaqstannyń jańa jáne Qazaqstan Respýblıkasynyń tarıhy kafedralaryn biriktirý negizinde Qazaqstan tarıhy kafedrasy bolyp qaıta quryldy.

2013 jyldyń tamyz aıynan kafedra janynda Ortalyq Azıadaǵy dástúrli órkenıetterdi zerdeleıtin Respýblıkalyq ortalyq ǵylymı-zertteý jumysyn júrgizýde.

Búgingi kúnderi kafedra Túrkıa, Qytaı, Japonıa, Polsha, Germanıa, Reseı t.b memleketterdiń aldyńǵy qatarly joǵarǵy oqý oryndarymen baılanys ornatyp, bilim berýdiń ǵylym salasyndaǵy zamanaýı úderisterge óz úlesin qosýda.

B. S. Saılan  t.ǵ.doktory., Ál-Farabı atyndaǵy QazUÝ-niń tarıh, arheologıa jáne etnografıa fakúltetiniń  profesory,

G. D. Chabdenova magıstrant, Ál-Farabı atyndaǵy QazUÝ-niń tarıh, arheologıa jáne etnografıa fakúlteti

---