Ál-Farabı murasyndaǵy izgi adam, qaıyrymdy qoǵam jáne zamanaýı etıka
2023 jyly 24 qazanda Ál-Farabı atyndaǵy Qazaq Ulttyq Ýnıversıtetiniń qabyrǵasynda http://www.kaznu.kz Iran Islam Respýblıkasynyń Ǵylym mınıstrliginiń mádenıettaný jáne qoǵamtaný ǵylymı-zertteý ınstıtýtynyń Iran Islam Respýblıkasynyń mádenıet uıymy men Bas konsýldyǵynyń qoldaýymen «Ál-Farabı murasyndaǵy izgi adam, qaıyrymdy qoǵam jáne zamanaýı etıka» atty halyqaralyq ǵylymı-tájirıbelik konferensıa uıymdastyryldy.
Konferensıa ashylý rásiminde fılosofıa jáne saıasattaný fakúltetiniń dekany, qaýymdastyrylǵan profesor Bekjan Meıirbaev quttyqtaý sóz sóılep, Memleket basshysy Qasym-Jomart Toqaevtyń Iranǵa resmı sapary barysynda bekitilgen QR Mádenıet jáne sport mınıstrligi men Islam Respýblıkasy mádenıet mınıstrligi arasyndaǵy 2022-2025 jyldarǵa arnalǵan mádenı almasý baǵdarlamasynyń mindetterine toqtaldy.
Olardyń biri – eki el ǵalymdarynyń farabıtaný salasyndaǵy birlesken jumysy. Osy qyzmet aıasynda Ál-Farabı kitaphanasynyń katalogyn qazaq jáne parsy tilderinde daıyndap, basyp shyǵarý boıynsha aýqymdy jumys júrgizildi. Sonymen qatar, Ál-Farabı ortalyǵy QR Ǵylym jáne joǵary bilim mınıstrliginiń 2023-2025 jyldarǵa arnalǵan «Ál-Farabı murasyndaǵy izgi adam jáne túrki ǵalymdary: komparatıvıstik dıskýrs» jáne «Ábý Nasyr Ál-Farabı ilimindegi til fılosofıasy jáne fılosofıa tili» ǵylymı jobalary boıynsha granttyq qarjylandyrýǵa baıqaý ótkizedi.
Konferensıada sondaı-aq Iran Islam Respýblıkasynyń Bas konsýly Faganı Mýhsın sóz sóılep, QazUÝ basshylyǵy tarapynan kórsetilgen qoldaýǵa, jyly qabyldaǵany úshin alǵysyn bildirdi. «Uly oıshyl Ál-Farabı Iranda joǵary qurmetke ıe. Ótken jyly Islam Respýblıkasy men Qazaqstan kóshbasshylarynyń kezdesýinde Prezıdent Qasym-Jomart Toqaev eki el arasyndaǵy tarıhı jáne mádenı baılanystardyń qundylyǵyn atap ótip, birlesken Ǵylymı komıtet qurýdy usyndy. Bul bastama eki eldiń joǵary laýazymdy tulǵalarynyń qoldaýyna ıe boldy, atalǵan komıtet quryldy, Farabıdiń tulǵasy men ǵylymı eńbekteriniń tereń aspektilerin zerdeleýge jáne damytýǵa arnalǵan birneshe baǵdarlama taldanyp, bekitildi», – dep atap ótti Faganı myrza.
Kelesi kezekte plenarlyq basqosýda Iran ǵylym akademıasynyń múshesi, Iran fılosofıasy qaýymdastyǵynyń prezıdenti Shahıd Beheshtı ýnıversıtetiniń profesory Avanı Gýlamreza, mádenı, áleýmettik jáne órkenıettik zertteýler ınstıtýtynyń basshysy, gýmanıtarlyq ǵylymdar jáne mádenıettaný ǵylymı-zertteý ınstıtýtynyń qaýymdastyrylǵan profesory Golamı Reza, Nur-Múbarak Egıpet ıslam mádenıeti ýnıversıtetiniń ǵylym jáne ınovasıalar departamentiniń dırektory Yqtıar Paltóre jáne t.b. baıandama jasap, sóz sóıledi
Plenarlyq májilis kezinde qurmetti qonaq, Iran fılosofıasy qaýymdastyǵynyń prezıdenti, Shahıd Bahshtı ýnıversıtetiniń profesory Avanı Gýlamreza myrzany Ál-Farabı atyndaǵy Qazaq ulttyq ýnıversıtetiniń «Ereń eńbegi úshin» medalimen marapattaý rásimi ótti
Konferensıa seksıalyq otyrystar aıasynda jalǵasty, onda ǵalymdar men tanymal sarapshylar qazirgi farabıtanýdyń ózekti máselelerin talqylady.
«8D03102 - Mádenıettaný» mamandyǵynyń 2 kýrs doktoranty Sarıeva P.M.
Ǵylymı jetekshi: f.ǵ.d., profesor Abısheva A.K.
Ál-Farabı atyndaǵy Qazaq Ulttyq Ýnıversıteti http://www.kaznu.kz
You Might Also Like
-
Syrym áıeldi ózi izdep, súıgenin alǵysy kelip, el aralap shyǵyp ketedi. Bir kúni kele jatyp bir kedeı kisiniń úıine qonady. Kedeıdiń boıjetken bir qyzy bar eken. Syrym ekenin bildirmeı, tún ortasy b...
-
Ǵylym jáne joǵary bilim mınıstri Saıasat Nurbek Fransıa men Qazaqstan prezıdentteriniń Aqordadaǵy kezdesýi aldynda Qazaq-fransýz ýnıversıteti ashylatynyn aıtty.
