InfoHub Logo

Taqyryby: Al, qanekı, ónerli qyzdar!
Maqsaty: a) Bilimdilik: Qyz balalardyń pándik jáne salt-dástúrge baılanysty bilimderin tekserý, tolyqtyrý
á) Damytýshylyq: Qyz balalardyń boıyndaǵy qabileti men darynyn tanyp bilý, jan-jaqty ekenin kórsetýge múmkindik jasaý.
b) Tárbıelik: Ónerge degen qushtarlyǵyn arttyrý, jaýapkershilikke, uqyptylyqqa tárbıeleý. Mádenı óresi zor azamatshalar bolýyna yqpal jasaý.
Túri: Saıys
Kórnekiligi: Slaıdtar. Tárbıe, bilim, óner jaıly naqyl sózder jazylǵan plakattar.

Saıystyń barysy:
1. Ashylýy
2. Baǵdarlamamen tanystyrý
3. Ádilqazylar alqasyn saılaý
4. Saıys
5. Qorytyndy bólim
Ashylýy:
Muǵalim:
- Qaıyrly kún, qadirli qonaqtar! Sizderdi alda kele jatqan 8 naýryz Halyqaralyq analar jáne qyzdar merekesimen shyn júrekten quttyqtaımyz! Sizderge densaýlyq, baqyt, qýanysh tileı otyryp, 7-synyptyń qyzdary arasynda ótkeli otyrǵan «Al, kánekı, ónerli qyzdar!» saıysyn tamashalaýǵa shaqyramyz.
Syrdyń eli ónerlige kende emes,
Ór tulǵalar saralanǵan san jetpes.
Óner qýǵan myna jastar saıysta,
Báıge alǵan ekitalaı bolsa eges.
Arýlardyń bal bulaǵyn kól eter,
Sol úshin de sel nóserin seldeter.
Sýsyndatyp bilim atty bulaqtan,
Uly ónerge tabynatyn pende eter.- dep búgingi saıysta óz baǵyn synap kóretin arýlardy qoshemetpen ortaǵa shaqyraıyq.
Baǵdarlamamen tanystyrý
1. Tanystyrý
2. Óz ónerin kórsetý (án nemese bı)
3. Bilgenge marjan (Suraq-jaýap)
4. Oıý-órnek qıyp, úılestirip japsyrý
5. Túıme qadaý
6. Sán úlgisi
7. Salat daıyndaý
Ádilqazylar alqasyn saılap alý

Saıystyń barysy:
1. Tanystyrý
Saıysqa túsetin arýlar ózderin óleń shýmaqtarymen jáne vıdeorolık arqyly tanystyrýǵa bolady. Arýlardyń ózin ustaýy, sóıleý máneri, daýys yrǵaǵy barlyǵy baǵalanady.
2. Óz ónerin kórsetý
Kel bıle, kel bıle, bal dáýren,
Baǵynda bazarly ómirdiń.
Kóktemdeı qulpyryp jas dáýren,
Shalqytsyn kúılerin kóńildiń.
Saıyskerler án aıtyp nemese bı bılep óz ónerlerin kórsetedi.

3. Bilgenge marjan (suraq-jaýap)
«Bireý bilmegendi bireý biler» degendeı dástúrge baılanysty suraqtarǵa kezek bereıik.
1. Qazaqtyń salt-dástúrlerin ata?
2. Tórt túlikti ata?
3. Kıiz úıdiń súıekterin atap ber jáne ol qandaı aǵashtan jasalady?
4. Betashar degen ne?
5. «Sybaǵa» degendi qalaı túsinesiń?
6. «Qyzǵa qyryq úıden tyıym» degendi qalaı túsinesiń?
7. Qazaqtyń ulttyq taǵamdaryn ata jáne sen qaı taǵamdy dámdi ázirleısiń?
8. «Erýlik» degen sózdi qalaı túsinesiń?

4. Oıý-órnek qıyp, úılestirip japsyrý
Sheberlerim óner tamyp qolynan,
Jańylmaǵan ata-baba jolynan.
Sheber qyzdar óz ónerin kórsetsin,
Biz aıtaıyq tóreligin sońynan.
Saıyskerler oıý oıyp ony paraqqa úılestirip jelimdeý kerek.

5. Túıme qadaý
Túımem túsip qalǵanda,
Jalynbaımyn jalǵanda.
Ine, jipti alamyn,
Ornyna ákep taǵamyn-dep endigi saıys túri túıme qadaý.

6. Sán úlgisi
«Adam kórki-shúberek,
Aǵash kórki – japyraq» demekshi endi qyzdarymyz shash ásemdep, soǵan saı kıim úlgisin kórsetedi. Birge tamashalaıyq.

7. Salat jasaý
Oıly qyzy halqymnyń,
Otanym dep týady.
Bos jibermeı ár kúnin
Ana jolyn qýady-dep kelesi kezekte qyzdarymyzdyń analarynan úırengen salat túrlerin jasaýyna kóńil bóleıik.

Qorytyndy
Júzden júırik, myńnan tulpar jarysqanda,
Árdaıym bir-birińnen qalys qalma.
Beredi ádilqazy ádil baǵa
Qulaq salyp tyńdap tur alystama.
Ádilqazy alqasy óz baǵasyn berip, saıyskerlerge ár túrli nomınasıalar berip, marapattaıdy.