InfoHub Logo

Mektepti bitirgen soń, qaı ýnıversıtetti tańdaıtynymdy bilmedim. Men kóptegen  ýnıversıtetter týraly barlyq aqparatty oqydym, biraq men QazUÝ-dy tańdadym. Bul ýnıversıtteti tańdaǵanyma óte qýanyshtymyn. QazUÝ Qazaqstannyń memlekettik joǵary oqý oryndarynyń arasynda  myqty ýnıversıtetterdiń biri bolyp tabylady. Sebebi,biz birinshiden ýnıversıtetke eń jaqsy jáne sapaly bilim alý úshin túsemiz.

1934 jyly irgesi qalanǵan bilim mekeni kúnnen- kúnge álemdik bilim berý júıesinde ózindik ornyn aıqyndap keledi. Búgingi kúni ýnıversıtetimizde 20 000-ǵa jýyq stýdent bilim alady. Onyń dáleli retinde, belgili QS World University Ranking halyqaralyq reıtıń agenttiginiń 2018 jyly jarıalaǵan zertteý qorytyndysyna sáıkes, ál-Farabı atyndaǵy Qazaq Ulttyq Ýnıversıteti álemdegi úzdik 800 ýnıversıtet arasynda 165 orynǵa ıe . Bul deńgeıde TMD elderi boıynsha eshqandaı oqý orny kirmeıdi

Jalpy damý baǵyty halyqaralyq bilim berý standarty boıynsha qabyldanǵan ýnıversıtet bilikti mamandardy daıarlaýǵa, óndiriske engiziletin irgeli jáne qoldanbaly zertteýlerdi damytýǵa baǵyttalǵan keń kólemdegi ǵylym, bilim, rýhanı-tárbıelilik, ınovasıalyq jáne óndirýshi negizine ıe. Bul oqý orny erteńgi el tiregi jas urpaqty bilikti maman retinde ǵana emes, qoǵamda ózindik ornyn taba biletin sanaly azamat etip qalyptastyrýda da aıryqsha ról atqaryp otyr. Ýnıversıtette jastardyń jarqyn bolashaǵy úshin barlyq jaǵdaı jasalǵan. Atap aıtsaq, elimizdegi eń iri kitaphanalardyń biri- Ál-Farabı kitaphanasy, Internet ortalyǵy, «Keremet» stýdentterge qyzmet kórsetý ortalyǵy, Ó.Joldasbekov atyndaǵy stýdentter saraıy – bári de bilim alýshy stýdentterdiń ıgiligi úshin erekshe oryndar bolyp sanalady. Sonymen birge, ýnıversıtet quramynda 20 ǵylymı-zertteý ınstıtýty, 14 fakúltettiń quramyndaǵy 98 kafedra jáne Tehnopark jumys isteıdi.  Odan da basqa bizdiń ýnıversıtetimiz stýdentterdi shetelge oqýǵa jiberedi. Osynyń bári oqý ordasynyń mereıin odan ári asqaqtata túsetini sózsiz.

 QazUÝ - Syılastyq pen shynaıy dostyqtyń mekeni. QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beredi. Sondyktan, men QazUÝdyń stýdenti bolǵanymdy maqtan tutamyn jáne de ómirimdegi jetistigim dep sanaımyn.

Ál-Farabı atyndaǵy Qazaq Ulttyq Ýnıversıteti Shyǵystaný fakúlteti, qytaıtaný kafedrasynyń 3 kýrs stýdenti

Kalıeva Nazym

Jetekshisi: Sharypqazy Nurtálip

---