InfoHub Logo

Sabaqtyń taqyryby: Alaqaı, men 5 - synypta oqımyn!
5 - synyp oqýshylaryna arnalǵan trenıń sabaq
Sabaqtyń maqsaty:
5 - synyp oqýshylaryna orta býynda (orta mektepte) oqý jaǵdaıyna beıimdelý kezeńinde psıho - pedagogıkalyq qoldaý kórsetý.
Sabaqtyń mindeti:
 5 - synyp oqýshysynyń jańa áleýmettik statýsy týraly túsinigin damytý;
 Óziniń múmkindikterine jáne jetistikterge umtylýǵa degen durys qatynas qalyptastyrý;
 Basqalarmen tatý ómir súrýdiń qajettiligin jáne ózara túsinistiktiń mańyzdy ekendigin túsindirý;
Qajetti quraldar: dápter, qalam, karandash, jumsaq oıynshyq nemese dop.

Jumys jospary:
1. Tanysý. «Ózińdi maqta!» jattyǵýy.
2. Jattyǵý «Ornymyzdy aýystyramyz».
3. Toptyq ereje qabyldaý.
4. «Oı qozǵaý». «Sóılemdi jalǵastyr» jattyǵýy.
5. «Men kimmin? Men qandaımyn?» jattyǵýy.
6. Jattyǵý «Men úshin ne mańyzdy?».
7. «Dos izdeımin» jattyǵýy.
8. Keri baılanys. Qorytyndylaý.
9. Úıge tapsyrma.

1. Tanysý. «Ózińdi maqta!» jattyǵýy.
Qazir bizder balalar, sheńberge turamyz. Sizdermen óte qyzyqty jattyǵý oryndaımyz. Ataýy da erekshe – «Ózińdi maqta!». Ózimizdi maqtaýǵa bizge sıqyrly dop kómektesedi. Árbir oqýshy qolyna sıqyrly dopty alǵannan keıin ózin maqtaýy kerek. Sizderden uıalmaýlaryńyzdy suraımyn. Endeshe, oıyndy ózimnen bastaıyn. «Men ózimdi aqyldymyn jáne meıirimdimin dep maqtaǵym keledi, sebebi men árqashan ózimniń oqýshylaryma jáne olardyń ata - analaryna, sonymen birge basqa da adamdarǵa kómektesemin». Osylaı dopty kelesi adamǵa beredi. Bul jattyǵý oqýshylarda ózine degen senimdilikti jáne batyldyqty damytady.

2. Jattyǵý. «Ornymyzdy aýystyramyz».
Bul oıyn kishkene qımyldaýǵa, kóńil - kúıdi kóterýge, sonymen qatar bir - biri týraly qosymsha aqparat alýǵa múmkindik beredi. Bir oryndyq alynyp tastalady da, júrgizýshi bosaǵan orynǵa otyryp alý úshin kelesideı tapsyrma beredi: «kimniń dostary kóp, almurtty jaqsy kóretinder, oqýdy jaqsy kóretinder, dombyra tarta alatyndar, balmuzdaqty jaqsy kóretinder, ata - anasyna kómektesetinder jáne t. b. oryndaryn aýystyrsyn».

3. Toptyq ereje qabyldaý.
Júrgizýshi tanystyqtan keıin toptyq ereje qabyldaýdy usynady, eger qatysýshylar erejemen kelisken bolsa qoldaryn shapalaqtaıdy, eger kelispese – aıaqtarymen jerdi tysyrlatady.
 Ashyq áńgimelesý
 Belsendi bolý jáne ázildese bilý
 baǵalamaý
 sózdi bólmeý
 kóp qatynasý

4. «Oı qozǵaý». «Sóılemdi jalǵastyr» jattyǵýy.
Oqýshylarǵa sóılemdi jalǵastyrý tapsyrylady. Jazbasha oryndaý kerek.
«Bastaýysh mektepte maǵan bárinen de este qalǵany...»
«5 - synypta men (meniń).... keledi».
Oqýshylarǵa 5 - synypqa kelgende olardyń ómirinde qandaı ózgeristerdiń, jańalyqtardyń bolǵandyǵy týraly áńgimeleý usynylady.
• 5 - synypta qandaı qıyndyqtar boldy?
• Kelispeýshilikter týyndaǵan sátter boldy ma?
• Qandaı qyzyqty oqıǵalar boldy?

5. «Men kimmin? Men qandaımyn?» jattyǵýy.
Oqýshylarǵa sóılemdi jalǵastyrý tapsyrylady. Jazbasha oryndaý kerek.
 «Meniń oıymsha, men...».
 «Basqalar meni... oılaıdy».
 «Men... bolǵym keledi».
Árbir sóılemge 5 - 6 sózden jazýǵa bolady.
Sózder tizimi:
Uqypty, belsendi, qonaqjaı, tártipti, bilimdi, jaýapty, eńbekqor, keshirimdi, taza, shydamdy, batyl, senimdi, qarapaıym, mádenıetti, qamqor, meıirimdi, sabyrly, jyly júzdi, adal, sypaıy, bilimge qushtar, keńpeıil,... t. b.
Oqýshylardyń jaýaptary tyńdalady. Oqýshylardyń kópshiligine ortaq, sáıkes kelgenderi sanalady.

6. Jattyǵý «Men úshin ne mańyzdy?»
Balalar ata - analarymen birge demalysty elsiz aralda ótkizýge kóp ýaqytqa ketip bara jatyrmyz dep oılaýy kerek. Ata - analary balalaryna ózderimen birge chemodan jáne onda salatyn ózderine eń mańyzdy degen tek úsh nárseni ǵana alýǵa ruqsat beredi. Siz ne alyp keter edińiz? Sol nárselerdi qaǵazǵa jazyńyzdar. Ári qaraı balalar tizimdi oqyp jáne osy úsh nárseni ne úshin tańdap alǵandyqtaryn áńgimelep berýi kerek.
Pedagog - psıholog: Bokýsheva A. N.
Alaqaı, men 5 - synypta oqımyn! júkteý