InfoHub Logo

Ózin - ózi taný sabaq jospary
Taqyryp: Baqyt qushaǵynda
Qundylyq: Súıispenshilik
Qasıetter: Mahabbat, súıispenshilik.
7 synyp
Sabaqtyń maqsaty:
- oqýshylarǵa baqyttyń qundylyq retindegi maǵynasy týraly túsinik berý.
Mindetteri:
Bilimdiligi:
- oqýshylarǵa adam ómirindegi qýanyshty sátter, istegen ıgi isterden rahattaný, bardy qanaǵat tutý jáne jalpy adam baqyty týraly túsindirý.
Tárbıeliligi:
- oqýshylardyń rýhanı - adamgershilik qaǵıdalardy óz baqyty úshin durys qoldana bilýge, ómirdi baǵalaı bilýge tárbıeleý.

Sabaq barysy:
1. Uıymdastyrý kezeńi (sálemdesý, túgendeý, 5 - qural - jabdyq, oqýlyq dápter, kúndelik, qalam, beıdjık)

Tynyshtyq sáti:
Sý asty patshalyǵyna oısha saıahat.
Kózińizdi jumyńyz jáne birneshe ret tereń tynystańyz; deneńizdi bosatyńyz. Birneshe sekýndtan soń teńiz túbine saıahat jasaımyz.
Teńiz jaǵasymen kele jatqanyńyzdy elestetińiz. Tolqyndardyń jeńil shalpylyna, shaǵalalardyń shýylyna qulaq túrińiz. Jalań aıaqtaryńyzben qumdy sezinińiz. Shalǵaıdan qara núkte kórip tursyz: ol jaqyndaǵan kezde delfın ekenin túsindińiz. Ol sizdi teńiz túbine alyp ketý úshin keldi. Ol óte ádepti jándik, sizdi shydamdylyqpen kútip tur. Jaılap onyń arqasyna otyryńyz, myqtap ustap, jolǵa shyǵyńyz. Delfınniń arqasynda jaılanyp otyryp, ózińdi qaýipsiz seziný, sý astynda júzý qandaı keremet. Jan - jaǵyńyzǵa qarańyz: munda kempirqosaq tárizdi arly - berli jarqyraı qalqyǵan ásem balyqtar qanshama. Teńiz túbine boılaǵan saıyn aınala qalaısha ózgeredi, sýda terbelgen qanshama ǵajaıyp baldyrlar. Qarańyzshy, qandaı orasan zor balyqtar, al endi anaý jaqqa kóz tastańyz... bul orasan zor segizaıaq. Sý asty netken qyzyqty ári ǵajap álem. Siz bir nárseni baıqadyńyz ba? Munda netken tuńǵıyq, tolyq tynyshtyq. Osy tynyshtyq kúıde bolyńyz.(Muǵalim birneshe sekýnd únsiz qalady).
Al qazir joǵaryǵa, óz álemimizge keri qaıtýǵa daıyndalyńyz. Aınalaǵa jiti qarańyz. Ǵajap tústerge taǵy bir ret qarańyz jáne tynyshtyqqa qulaq túrińiz. Osyndaı tynyshtyq sizge samaldaı áser beredi. Endi delfın keri qaraı jolǵa shyqty. Siz sý betine shyqtyńyz, jaǵaǵa jaqyndadyńyz. Delfınniń arqasynan túsińiz, ony sıpalańyz jáne osyndaı ǵajap saıahatqa aparǵany úshin rızashylyq bildirińiz.
Synypqa oralyńyz jáne óz ornyńyzǵa kelińiz. Birneshe sekýndtan soń kózińizdi ashyńyz, osy túısingen tynyshtyqty óz boıyńyzda saqtaýǵa tyrysyńyz.

2. Úı tapsyrmasyn tekserý.
Úı tapsyrmasyn tekserý (esse)

3. Dáıeksóz:
• Baqytty bolashaqtyń eń basty negizderiniń – biri jalpyǵa birdeı jaqsylyq tileý
İ. Esenberlın

4. Áńgimeleý(suhbat):
1. Baqytty bolý degenimizdi qalaı túsinesińder?
2. Ómirdegi eń qýanyshty sáttiń máni nede?
3. Baqytqa jetýi úshin adam ne isteýi kerek?
 Sonymen, baqyt degenimiz – alǵa qoıǵan maqsatyń men kóksegen armanyńnyń oryndalýy.

Baqyt qushaǵynda. júkteý