InfoHub Logo

Búgin memleket basshysy Qasym-Jomart Toqaev óziniń Jarlyǵymen Májilisti taratyp, aldaǵy Májilis depýttaryn kezekten tys saılaýyn 2023 jyldyń 19 naýryzy kúni ótkizýdi buıyrdy. Prezıdenttiń aıtýy boıynsha endi májilis depýtattarynyń 70 paıyzy partıalyq tizim arqyly, al qalǵan 30 paıyzy bir mandatty okrýgterden saılanatyn bolady. Onymen qosa oblystar men respýblıkalyq mańyzy bar qalalardaǵy máslıhat depýtattary da aralas júıe boıynsha saılanady. Depýtattardyń 50 paıyzǵa jýyǵy bir mandattyq júıe arqyly, qalǵany partıalyq tizim boıynsha ótedi. Al aýdan jáne oblystyq mańyzy bar qalalardaǵy máslıhat saılaýynda azamattar bir mandatty okrýgterden shyqqan kandıdattarǵa daýys beredi. Osylaısha, aldaǵy ýaqytta májilis pen máslıhattar quramy jańa úlgi boıynsha jasaqtalatyn bolady. 

Prezıdenttiń sózimen aıtar bolsaq «Munyń bári eldegi ádil saıası básekeni kúsheıtedi, saıası júıeniń ashyqtyǵyn qamtamasyz etedi. Sondaı-aq saıasatkerlerdiń jańa býynynyń qalyptasýyna jol ashady». Saılaý naýqanyn uıymdastyrý jáne ony ótkizý isinde aýmaqtyq saılaý komısıalary mańyzdy ról atqaratynyn da basa aıtyp ótti. Endi oblystyq saılaý komısıalary kásibı túrde turaqty jumys isteıtin bolady. Bul sheshim saılaýǵa qatysty is-sharalardyń sapaly atqarylýyn qamtamasyz etetini sózsiz.

Prezıdent saılaý naýqany eldegi saıası mádenıettiń joǵary ekenin kórsetip, qoǵamdy uıystyra túsetinine senim bildirdi. Shyn máninde saılaý qazaqstandyqtardyń jańa saıası mádenıetiniń artýyna taǵy da bir dem berip, belgili bir dárejege yqpal etetin mańyzdy saıası shara bolady dep úmittenemiz. Jalpy kez-kelgen saılaýdy ótkizý men oǵan qatysý barysyn halyqtyń saıası belsendiligin arttyrýdyń mektebi dep sanaǵa bolady. Saılaýǵa belsendi qatysyp, azamattyq paryzdy árdaıym ótegen saıyn halyqtyń saıası sanasy bir saty óse túsetinin esten shyǵarmaýymyz kerek. Iaǵnı, elde neǵurlym saıası úrdister kóp bolǵan saıyn saıası mádenıette soǵurlym shynyǵyp boıyna qan júgiredi.  

Aıtymbetov Núrken Ysqaquly

---