InfoHub Logo

Týý kórsetkishi joǵary elderdiń ál-aýqaty da joǵary bolý kerek. Alaıda álemniń kóptegen elderinde jastar kóp, biraq olardyń ómir súrý deńgeıi tómen.

Birinshiden, bul Afrıka qurlyǵynda ornalasqan keıbir memleketterge qatysty — onda jastardyń eń kóp sany turady, óıtkeni halyqtyń kóbeıýi jedel qarqynmen júrýde.

Afrıka: eń jas halqy bar elder

Sońǵy jyldary Afrıkanyń birqatar elderi aıtarlyqtaı qarqynmen damyp kele jatqanyna qaramastan,  Eýropa jáne Amerıkamen salystyrǵanda ómir súrý deńgeıi men ekonomıkalyq damý jaǵynan aıtarlyqtaı artta qalyp otyr. Bul óte úlken alshaqtyq, ony joıýǵa birneshe onjyldyqtar qajet.

Bul jaǵdaı problemaǵa aınalýda: jastardyń jaqsy ómirge umtylýy qaýipti turaqsyzdyqty týdyrady. Balalardyń týylýyna sanaly kózqarastyń bolmaýy, sapasyz bilim berý júıesi, jastardyń kóp bóligimen úılesken arzan jumys kúshine negizdelgen ekonomıkanyń saldarynan halyq sany tez ósýde.

Buǵan kóńili tolmaıtyn jastardyń kóbi, negizinen Batys Eýropadan jaqsy ómir izdeýge bel býady.

Statısıkaǵa sáıkes álemdegi eń jas halqy bar memleketterge mynalar kiredi:

1. Nıger

Nıgerde 15 jasqa deıingi balalar 23 mıllıonnan astam azamaty bar Batys Afrıkadaǵy eń úlken memelekettiń jartysyn quraıdy.

2. Malı

Bul Afrıka eliniń halqy shamamen 20 mıllıon adamdy quraıdy, olardyń 48 paıyzy 5 jasqa deıingi balalar. Sonymen qatar, Malı — jańa týǵan náresteler arasyndaǵy ólim-jitim deńgeıi joǵary memleketterdiń biri (10 balanyń 1-i).

3. Ýganda

2013 jyldan bastap Ýganda halqynyń sany 10 mıllıon adamǵa kóbeıdi. Búginde bul 44 mıllıon, 15 jasqa deıingi balalar 47 paıyzdy quraıdy.

4. Chad

Chad — Ortalyq Afrıkadaǵy el. Onyń halqy shamamen 16 mıllıon adamdy quraıdy, olardyń 47 paıyzy 15 jasqa deıingi balalar: ár áıeldiń ortasha eseppen 7 balasy bar. Biraq Chad áli de eń kedeı elderdiń biri.

5. Angola

15 jasqa deıingi balalardyń úlesi 47 paıyzdy quraıdy, al halyq sany 32 mıllıonǵa jetedi. Bul elde sábılerdiń ólimi óte joǵary: ómirdiń birinshi jylynda 1000 balanyń 178-i qaıtys bolady.

6. Somalı

Somalı halqy jyl saıyn 3 paıyzǵa ósip keledi. Týý koefısıenti bir áıelge 6,26 jáne álemde tórtinshi orynda. Qazirgi ýaqytta eldiń halqy 15 mıllıon adamdy quraıdy, onyń 46 paıyzy 15 jasqa deıingi balalar.

7. Kongo Demokratıalyq Respýblıkasy

Bul Afrıkadaǵy aýmaǵy boıynsha ekinshi úlken el jáne halyq sany boıynsha 11-orynda — onda 88 mıllıon adam turady, 15 jasqa deıingi balalardyń úlesi 46 paıyzdy quraıdy.

Kerimsal Jubatqanov tarıh ǵylymdarynyń kandıdaty

Oqýǵa keńes beremiz:

Álemdegi eń baqytty elder

Qurdymǵa ketken elder

---