InfoHub Logo

Saǵat – bul ýaqyt talǵamaıtyn klasıkalyq aksesýar. Búginde ony ýaqyttyń naqty qansha bolǵanyn bilý úshin ǵana emes, zamanaýı adamnyń beınesin tolyqtyryp turý úshin de paıdalanady. Olardyń keıbiri ádemiligimen ǵana emes, mehanızminiń kúrdeliligimen tańǵaldyrady. Mundaı óner týyndylary da az aqsha turmaıtyny sózsiz.

Nazarlaryńyzǵa quny 2 mıllıon dollardan asatyn 15 qalta jáne qol saǵattaryn usynamyz.

15-oryn: Parmigiani Fleurier Fibonacci – aq altynnan jasalǵan, lotos gúli sıaqty ınstrýkasıamen bezendirilgen, Fıbonachchı prınsıpi boıynsha teń ekige bólinýin kórsetetin qalta saǵaty. Gúl gaýhar, laǵyl, zúbarjat, jaqut jáne jartylaı qymbat tastarmen, jalpy salmaǵy 49,5 karatqa teń tastarmen kómkerilgen. Saǵat máńgilik kúntizbemen, mınýttyq repetırmen jáne aı fazasynyń kórsetkishimen jabdyqtalǵan. Parmigiani Fleurier Fibonacci tek tapsyrys boıynsha jasalady. Bul saltanatty aksesýardy jasatý 2,4 mln. dollardy quraıdy, al ony jasaýǵa shamamen 2 jyl qajet bolady.

 

 

14-oryn: Franck Muller Aeternitas Mega 4 – álemdegi eń kúrdeli mehanıkalyq qol saǵaty. Quny 2,7 mln. dollarǵa jetedi. Syrty aq altynnan jasalatyn bul óner týyndysy 1483 bólshekten turady. Olar 36 fýnksıamen jabdyqtalǵan, onyń 25-i sıferblatta oryn alǵan. Aeternitas Mega 4 úsh saǵattyq beldeýdiń ýaqytyn kórsetedi, 999-kúndizgi grıgorıandyq kúntizbege, artqa júrý hronografyna jáne Vestmınsterlik dabylǵa ıe. Bul erekshe saǵatty Nú-Iork pen Jenevada ǵana satyp alýǵa bolady.

 

 

13-oryn: Cartier Secret Watch with Phoenix – rodııden jasalǵan jáne 18 dúrkin aq altynmen qaptalǵan fenıks túrindegi qol saǵaty. Mıftik qustyń denesi jalpy salmaǵy 80,13 karat bolatyn 3010 gaýhar tastan qurastyrylǵan. Fenıkstiń kózin almurt pishindi zúbárjat pen 3,53 karat gaýhardan jasaıdy. Bul týyndynyń quny 2,755,000 shartty birlikke teń.

 

 

12-oryn: Sonaý 1942 jyly jasalǵan, áıgili Patek Philippe shveısarıalyq kompanıanyń qol saǵaty. 18 karat altynnan jasalǵan aksesýar aı fazasynyń kórsetkishimen jáne máńgilik kúntizbemen jabdyqtalǵan. Patek Philippe (1942) 2009 jyly Jenevada ótken Christie’s aýksıonynda 2,773,721 dollarǵa satylǵan.

 

 

11-oryn: Patek Philippe Model 2523 Heures Universelles (1953) – tanymal saǵat óndirýshi kompanıanyń taǵy bir týyndysy. Bul saǵat 2012 jyly Christie’s jenevalyq aýksıonda 2,990,154 dollarǵa satylyp ketken. Dızaıny kúrdeli altyn qol saǵaty 24 saǵattyq aımaqta kórsetedi. Saǵattyń sıferblaty Soltústik Amerıkanyń emaldan jasalǵan kartasymen bezendirilgen. 

 

 

10-oryn: Piaget Emperador Temple – naǵyz sán men jarqyraýdyń saltanatyn beıneleıtin qol saǵaty. 18 karat altynnan jasalǵan jáne kóptegen gaýhar tastarmen kómkerilgen aksesýar 2010 jyly jasap shyǵaryldy. Saǵattyń ústińgi beti 481 domalaq gaýhar taspen jáne 207 bagetpen bezendirilgen. Sıferblat 11 baget tas qyrnaýshy gaýhar taspen jáne 162 domalaq tas qyrnaýshy gaýhar taspen kómkerilgen. Piaget Emperador Temple-niń eki danasy ǵana shyǵarylǵan, biraq bireýi satylyp úlgergen. Saǵattardyń quny 3,3 mln. dollarǵa teń.

 

 

9-oryn: Patek Philippe Single-Button Chronograph Watch (1928) – 1928 jyly belgisiz bireýdiń tapsyrysymen jasalǵan jastyq pishindes bir batyrmaly hronograf. Olar 18 karatty aq altynnan jasalǵan jáne 28 qymbat tastarmen bezendirilgen. Saǵattar 2011 jyly Christie’s aýksıonynda satylady, olarǵa 3,637,408 dollar tólengen.

 

 

8-oryn: JB Champion's platinum observatory chronometer – amerıkalyq kolleksıoner J. B. Champion-nyń tapsyrysymen Patek Philippe kompanıasynyń sheberleri jasaǵan, 1952 jyly shyqqan platına saǵaty. 2012 jyly Jenevadaǵy Christie’s aýksıonynda ol 3,992,858 dollarǵa satyldy. Bul eshqandaı kúrdeli fýnksıasyz álemdegi eń qymabat saǵat. 

 

 

7-oryn: Patek Philippe Platinum World Time (1939) – uly jenevalyq saǵat sheberi Louis Cottier 1939 jyly jasaǵan eń iri shveısarlyq kompanıanyń retro-saǵaty. Onyń tetigi avtomatty túrde buralatyn bolǵan, ıaǵnı jer sharynyń qaı jerinde bolmasań da ýaqytty bilýge múmkindik beredi. Sonymen qatar mehanızmi sapaly jáne dızaıny erekshe. Patek Philippe Platinum World Time saǵaty 2002 jyly Antiquorum jenevalyq aýksıonda 4,026,524 shartty birlikke satylǵan.

 

 

6-oryn: Paris Precision Stopwatch by Breguet & Fils. – sekýndomery bar 18 karat altyn men platınadan jasalǵan, qymbat tastarmen bezendirilgen ádemi qalta saǵaty. Ol tájirıbe júzinde birinshi ret usynylǵan, rım jáne arab sandy sıferblattarmen jabydaqtalǵan Breguet hronometrinen turdy. Saǵatty birinshi bolyp Garsıa myrza 1814 jyly tamyzda London aýksıonynda 5000 frankqa satyp alǵan. Saǵatqa 2012 jyly Christie’s aýksıonynda berilgen qun 4,682,165 shartty birlikti qurady.

 

 

5-oryn: Patek Philippe Caliber 89 – 1989 jyly ataqty shveısarlyq kompanıanyń 150 jyldyǵyna oraı shyǵarylǵan eki sıferblatty qalta saǵaty. Ol Patek Philippe shyǵarǵan eń kúrdeli saǵat boldy. Saǵattyń jalpy tórt danasy shyqqan, árqaısynyń korpýsy qymbat metaldardan jasalǵan: sary altyn, alqyzyl altyn, aq altyn jáne platınadan. Bul tamasha aksesýardy jasaýǵa saǵat sheberlerine 9 jyl eńbek etý qajet boldy. Saǵat 126 qymbat tastarmen bezendirilgen, 1728 bólshekten turady jáne 33 fýnksıaǵa ıe. Salmaǵy 1,1 kg-ǵa teń. Caliber 89-diń basty ereksheligine: kúntizbe, aı fazasynyń ındıkatory, hronograf, termometr, qońyraý men juldyzdy aspannyń kartasy kiredi. Bul erekshe saǵattyń quny 5 mln. dollarǵa teń.

 

 

4-oryn: Patek Philippe Reference 1527 – 1943 jyly shyǵarylǵan, 23 qymbat tas jáne altynnan jasalǵan klasıkalyq qol saǵaty. Bastapqyda Patek Philippe brendiniń ıegeri Stern otbasynyń saǵaty bolǵan. Saǵat máńgilik kúntizbe men aı fazasynyń kórsetkishimen jabdyqtalǵan. 2010 jyly mamyrda bolǵan Christie’s aýksıonynda Patek Philippe Reference 1527 5,63 mln. shartty birlikke satyp alynǵan.

 

 

3-oryn: Patek Philippe Henry Graves Supercomplication – 1932 jyly eki baı amerıkalyq dostyń bástesýi saldarynan dúnıege kelgen úlgisi erekshe saǵat. Olar álemdegi eń kúrdeli saǵattyń ıesi kim bolar eken dep bástesken. Nátıjesinde Patek Philippe-ke tapsyrys bergen nú-ıorktyq bankır Genrı Greıvz jeńiske jetedi. Konstrýksıasy óte qıyn bul saǵatty jasaýǵa 5 jyl ýaqyt ketken. 18 karat altynnan jáne 900 bólshekten turatyn saǵat 24 fýnksıamen jabdyqtalǵan. Patek Philippe Henry Graves Supercomplication-tyń eń bir qyzyq ereksheligi – sıferblattaǵy juldyzdy aspan Greıvzdyń Nú-Iorktaǵy úıiniń terezesinen qalaı kórinse, solaı kórinedi. 1999 jyly Sotheby's aýksıonynda saǵat belgisiz bireýmen 11,002,500 dollarǵa satyp alyndy jáne qazirgi tańda Jenevadaǵy saǵattar mýzeıinde tur.

 

 

2-oryn: 201-carat Chopard – zergerlik jáne saǵat óneriniń barlyq jetistikterin óz boıyna toptastyrǵan eksklúzıvti bilezik-saǵat. Chopard kompanıasy ony 2008 jyly shyǵardy. Saǵattyń beti gaýhar tastarmen molynan kómkerilgen, onyń ortasynan kishkentaı sıferblatty kórýge bolady. Úsh negizgi júrek tárizdi gaýhar tas – aq, qyzyl jáne kók – sıferblattyń aınalasynda ornalasqan. Olardyń jalpy salmaǵy 38 karatqa teń, al saǵattaǵy 874 qymbat tastardyń salmaǵy 200 karat. Bul óner týyndysy 25 mıllıon dollarǵa baǵalanady.

 

 

Bul tizimdi Jaeger-LeCoultre - Joaillene Manchette shveısarlyq brendtiń saǵaty támamdaıdy. Onyń quny shamamen 26 mıllıon dollarǵa teń. Ol tetigi qolmen buralatyn Joaillerie 101 serıasynyń sońǵy úlgisi bolyp tabylady. Baýy aq altynnan jasalǵan saǵat 576 gaýhar tas pen 11 onıks krıstalymen bezendirilgen, al kúmis sıferblat Joaillene Manchette jaqut áınekpen jabylǵan.

 

---