InfoHub Logo

Búgin biz sizderge sporttyń oıyn túrlerine arnalǵan (fýtbol, amerıkalyq fýtbol, krıket) álemniń eń úlken alańdarynyń reıtıńin usynbaqpyz. Alań syıymdylyǵynyń kórsetkishteri 2014 jyldyń málimetterine sáıkes. 

Kóp adam Rıo-de-Janeırodaǵy Marakana stadıony jaıly suraıdy, reıtıń kirispesinde eń aldymen sol týraly aıtyp ótkendi qaladyq. Marakanaǵa kelýshiler sany boıynsha 1950 jyly álem chempıonatynyń fınaly kezinde rekord ornady. Brazılıa Ýrýgvaıdan 2:1 bolyp jeńilip qalǵan machta 199 myń 854 jankúıer bolǵan. Alaıda qaıta jóndeýden keıin Marakana 78 838 adamdy ǵana syıdyra alady, al 2014 jyly fýtboldan álem chempıonatyna odan da az adam qatysqan – 73 531. Qazir Marakana álemniń eń iri alańdarynyń elýligine de kirmeıdi. 

Biz sizderge 25 eń úlken alańdardyń tizimin usynamyz

25-oryn: Býrdj al-Arab / Borg El Arab (basqasha ataýy – Mysyr áskeriniń alańy). Syıymdylyǵy – 86 myń. Bul Mysyrdyń eń úlken alańy jáne Afrıkadaǵy eń úlken ekinshi alań. 2006 jyly Mysyr áskeriniń ınjenerlerimen salynǵan alań Aleksandrıa qalasyna jaqyn Býrdj al-Arab kýrorttyq qalasynda ornalasqan. Alań 2010 jyly fýtboldan álem chempıonatyn jeńý úshin salynǵan, biraq nátıjesinde Mysyr álem chempıonatyn ótkizý mártebesin OAR-dan jeńilip qalady. Alańda fýtboldan ulttyq quramanyń machtaryn, sonymen qatar Mysyr Kýbogynyń fınaldary men mysyr klýbtarynyń mańyzdy machtaryn ótkizý josparlanýda.

 

24-oryn: Memorıal Stedıým / Memorial Stadium. Syıymdylyǵy - 87 091. Alań 1923 jyly Nebraska (AQSH) shtatynyń Lınkoln qalasynda turǵyzylǵan. Munda Nebraska Ýnıversıtetiniń Nebraska Cornhuskers – amerıkalyq fýtbol komandasy oınaıdy.

 

23-oryn: Djordan-Heır / Jordan–Hare. Syıymdylyǵy - 87 451. Alań 1939 jyly turǵyzylǵan jáne Obern qalasynda (Alabama amerıkalyq shtaty) ornalasqan. Djordan-Heır jergilikti ýnıversıtettiń Auburn Tigers amerıkalyq fýtbol komandasynyń alańy bolyp tabylady.

 

22-oryn: Býng Karno / Bung Karno. Syıymdylyǵy - 88 083. Alań Indonezıa astanasy Djakartada 1960 jyly 1962 jyly ótetin Azıa oıyndaryna oraı turǵyzylǵan. Býng Karno – Indonezıanyń eń úlken alańy, munda osy eldiń fýtbol quramasynyń machtary ótedi.

 

21-oryn: Ben Hıll Grıffın / Ben Hill Griffin, halyq arasynda "The Swamp" (mı batpaq) dep atalyp ketken. Syıymdylyǵy - 88 548. Alań Geınsvıll qalasynda (Florıda shtaty) turǵyzylǵan. Ben Hıll Grıffın jergilikti ýnıversıtettiń Florida Gators amerıkalyq fýtbol komandasynyń alańy bolyp tabylady.

 

20-oryn: Ýemblı / Wembley. Syıymdylyǵy - 90 000. Alań Londonda 2007 jyly salynǵan jáne Anglıa fýtbol quramasynyń úı arenasy bolyp tabylady. "Ýemblıde" Anglıanyń fýtbol Kýbogy ótedi. Sonymen qatar "Ýemblıde" "Saracens" (Sarasınder) regbı komandasy óz machtaryn ótkizedi.

 

19-oryn: Azadı / Azadi (parsy tilinen aýdarǵanda "erkindik"). Syıymdylyǵy - 91 623. Alań 1971 jyly 1974 jyly ótken Azıa oıyndary úshin turǵyzylǵan. Bul alańda Iran quramasy fýtboldan úı machtaryn ótkizedi, sonymen qatar munda Persepolıs jáne Esteglál komandalary oınaıdy.

 

18-oryn: Kotton Boýl / Cotton Bowl. Syıymdylyǵy - 92 100. Alań 1930 jyly turǵyzylǵan jáne Dallasta (Tehas shtatynda) ornalasqan. Kotton Boýl amerıkalyq fýtboldan kóptegen komandanyń úı alańy bolǵan. Sonymen qatar munda 1994 jyly «jaı» fýtboldan álem chempıonaty ótken.

 

17-oryn: Taıger Stedıým / Tiger Stadium. Syıymdylyǵy - 92 542. Alań 1924 jyly turǵyzylǵan jáne Baton-Rýj (Lýızıana shtaty) qalasynda ornalasqan. Taıger Stedıým – Lýızıana shtaty Ýnıversıtetiniń amerıkalyq fýtbol komandasynyń úı arenasy.

 

16-oryn: Senford Stedıým / Sanford Stadium. Syıymdylyǵy - 92 746. Alań 1929 jyly Afınada turǵyzylǵan, biraq grek emes, amerıkalyq (Djordjıa shtaty) qalada. Munda jergilikti ýnıversıtettiń Georgia Bulldogs (Djordjıa búldogtary) amerıkalyq fýtbol komandasy úı machtaryn ótkizedi.

 

15-oryn: Los-Andjeles Memorıal Kolızeı / Los Angeles Memorial Coliseum. Syıymdylyǵy - 93 607. Alań 1923 jyly turǵyzylǵan jáne eki ret jazǵy Olımpıada oıyndaryn (1932, 1984) qabyldaǵan. Munda Ońtústik Kalıfornıa Ýnıversıtetiniń "Troıandar" (Trojans)»dep atalatyn amerıkalyq fýtbol komandasy oınaıdy.

 

14-oryn: Roýz Boýl / Rose Bowl. Syıymdylyǵy - 94 392. Alań 1922 jyly Pasadena qalasynda (Kalıfornıa shtaty) turǵyzylǵan. Alańda 1994 jyly fýtboldan álem chempıonaty oıyndary, sonyń ishinde fınaly ótken. Búginde Roýz Boýlda Kalıfornıalyq ýnıversıtettiń amerıkalyq fýtbol komandasy úı machtaryn ótkizedi.

 

13-oryn: Sokker Sıtı / Soccer City. Syıymdylyǵy - 94 736 (bul Afrıka qurlyǵyndaǵy eń iri alań). Alań Iohannesbýrgte (OAR) 1989 jyly turǵyzylǵan. 1996 jyly munda afrıkalyq ulttar Kýbogynyń fınaly ótti, al 2010 jyly Sokker Sıtı fýtboldan álem chempıonaty machtaryn (onyń ishinde fınaldy da) ótkizetin oryn boldy. Sokker Sıtı – fýtboldan OAR quramasy men OAR chempıonatynyń 11-dúrkin jeńimpazy bolǵan Kaızer Chıfs komandasynyń úı arenasy.

 

12-oryn: Kamp Noý / Camp Nou (katalondyq tilden aýdarǵanda "Jańa alań"). «Barselona» fýtbol klýbynyń úı arenasy bolyp tabylatyn bul alań 99 786 kórermendi syıdyrady jáne Ispanıada ǵana emes, Eýropadaǵy eń iri alań bolyp esepteledi. Alań 1957 jyly turǵyzylǵan, 1982 jyly fýtboldan álem chempıonatyn, al 1992 jyly – jazǵy Olımpıada oıyndaryn qabyldady.

 

11-oryn: Melbýrn Krıket Graýnd / Melbourne Cricket Ground. Syıymdylyǵy - 100 024. Bul Avstralıanyń eń iri alańy bolyp tabylady. Budan ózge, bul krıket oıyndarynan álemdegi eń úlken alań. Munda krıketten Avstralıanyń ulttyq quramasy oınaıdy. Sonymen qatar bul alańda fýtboldan Avstralıa quramasynyń úı machtary ótedi. Sonymen qatar munda avstralıalyq fýtboldy da oınaıdy. Alań sonaý 1854 jyly turǵyzylǵan jáne sodan beri jóndelmegen. 1956 jyly Melbýrn Krıket Graýnd jazǵy Olımpıada oıyndarynyń basty alańy bolady, al Olımpıada-2000 kezinde fýtbol machtaryn qabyldaıdy.

 

10-oryn: Darrell Roıal / Darrell K Royal (burynǵy ataýy - Tehas Memorıal Stedıým / Texas Memorial Stadium). Syıymdylyǵy - 100 119. Alań 1924 jyly turǵyzylǵan, Ostın qalasynda (Tehas, AQSH) ornalasqan. Alań amerıkalyq fýtbol bapkeri Darrell Roıaldyń esimin alǵan. Qazirde alań jergilikti ýnıversıtettiń Texas Longhorns amerıkalyq fýtbol komandasynyń úı arenasy bolyp tabylady.

 

9-oryn: Býkıt Djalıl /  Bukit Jalil. Syıymdylyǵy - 100 200. Bul alań Malaızıa astanasy Kýala-Lýmpýrde Birlestik oıyndaryn (Brıtan birlestigi, TMD-men shatastyrmańyz) ótkizý úshin 1998 jyly ashyldy. Malaızıanyń eń úlken alańy qazirde memlekettiń fýtbol quramasynyń úı arenasy bolyp tabylady, sonymen qatar fýtboldan Malaızıalyq Kýbok pen Sýperkýbok fınaldaryn ótkizý orny sanalady.

 

8-oryn: Braıan Dennı Stedıým / Bryant Denny Stadium. Syıymdylyǵy - 101 821. Alań 1928 jyly Týskalýsa qalasynda (Alabama shtaty, AQSH) turǵyzylǵan jáne bastapqyda 18 myń adamǵa arnalǵan bolatyn. Búginde bul jergilikti ýnıversıtettiń amerıkalyq fýtbol komandasynyń úı arenasy.

 

7-oryn: Ogaıo Stedıým / Ohio Stadium. Syıymdylyǵy - 102 329. Alań 1922 jyly Kolýmbýs qalasynda (Ogaıo shtaty, AQSH) turǵyzylǵan jáne bastapqyda 66 myń adamdy syıǵyzǵan. Qazirde bul jergilikti ýnıversıtettiń Ohio State Buckeyes amerıkalyq fýtbol komandasynyń úı arenasy. Bir aıta ketetini, bul alańda jaryq joq, sondyqtan barlyq machtar kúndiz ótkiziledi nemese alańǵa ýaqytsha jaryq qurylǵylary jetkiziledi.

 

6-oryn: Nııland Stedıým / Neyland Stadium. Syıymdylyǵy - 102 455. Alań 1921 jyly Noksvıll qalasynda (Tennesı shtaty, AQSH) turǵyzylǵan jáne bastapqyda bar-joǵy 3200 adamdy syıdyrǵan. Qazir bul jergilikti ýnıversıtettiń Tennessee Volunteers amerıkalyq fýtbol komandasynyń úı arenasy.

 

5-oryn: Asteka / Azteca. 105 064 adam syıatyn bul alań Latyn Amerıkadaǵy eń iri alań bolyp tabylady. Alań Meksıka astanasy Mehıkoda 1966 jyly turǵyzylǵan jáne fýtboldan álem chempıonatyn eki ret qabyldaǵan (1970, 1986). "Asteka" 22 maýsym 1986 jyly Dıego Maradonnanyń qolymen soǵylǵan golyna kýá bolǵan. Al úsh mınýttan keıin «Ǵasyr golyn» - fýtboldan álem chempıonaty tarıhyndaǵy eń úzdik goldy saldy. Ol Maradonnanyń aǵylshyn komandasynyń aıyp alańyna kirip ketip, qaqpashymen qatar alty oıynshyny aldap ketkennen keıin salyndy. Búginde "Asteka" – bul fýtboldan Meksıka quramasynyń úı arenasy. Sonymen qatar munda Meksıkanyń 10 dúrkin chempıony - «Amerıka» fýtbol klýby machtaryn ótkizedi.

 

4-oryn:  Bıver Stedıým / Beaver Stadium. Syıymdylyǵy 106 572 oryndy bul alań úlkendigi jaǵynan AQSH-taǵy ekinshi alań bolyp tabylady. Alań 1960 jyly turǵyzylǵan jáne bastapqyda 46 284 adamdy syıǵyzǵan. Bıver Stedıým Pensılvanıa shtaty ýnıversıtetiniń stýdentter qalashyǵynyń aýmaǵynda ornalasqan. Bıver Stedıým - ýnıversıtettiń Penn State Nittany Lions amerıkalyq fýtbol komandasynyń úı arenasy.

 

3-oryn: Mıchıgan Stedıým / Michigan Stadium. Syıymdylyǵy - 109 901. Mıchıgan Stedıým – AQSH-tyń, Soltústik Amerıkanyń jáne bútkil Batys jarty sharynyń eń úlken alańy, sonymen qatar amerıkalyq fýtboldan álemdegi eń iri alań. Ol 1927 jyly turǵyzylyp, bastapqyda 72 myń adamdy syıǵyzǵan. Mıchıgan Stedıým Enn - Arbor qalasynda (Mıchıgan shtaty, AQSH) ornalasqan. Alań Mıchıgan ýnıversıtetiniń Michigan Wolverines - amerıkalyq fýtbol komandasynyń úı arenasy bolyp tabylady. Sonymen qatar bul lakrosstan ýnıversıtet komandasynyń úı alańy. Mıchıgan Stedıým keıde hokeı machtaryn ótkizetin oryn bolady. 11 jeltoqsan 2010 jyly hokeı machyna kelýshiler sany boıynsha rekord ornady. Jergilikti eki ýnıversıtettiń komandalarynyń oıynyn kórýge 104 073 adam kelgen.

 

2-oryn: Úndi jastarynyń alańy / Stadium of the Indian Youth (basqasha ataýy - Salt Lake Stadium). Syıymdylyǵy - 120 myń adam. Alań 1984 jyly turǵyzylǵan jáne Úndistannyń Kalkýtta qalasynda ornalasqan. Bul alańda Úndistannyń qurama komandasy óz machtaryn ótkizedi, sonymen qatar "Ist-Bengal", "Mohýn Bagan" men "Mohammedan" fýtbol klýbtary da oınaıdy. Budan ózge, munda jeńil atletıkadan jarystar ótkizilip turady.

 

150 myń adamdyq Soltústik Koreıanyń Phenán qalasyndaǵy Birinshi Mamyr alańy Azıadaǵy jáne álemdegi eń úlken alań bolyp sanalady. Alań 1989 jyly jastar men stýdentterdiń Hİİİ-shi festıvalin ótkizý úshin salynǵan. Qazirde bul alańda fýtboldan Soltústik Koreıa quramasy úı machtaryn ótkizedi.

 

---