InfoHub Logo

Taqyryby: «Álemdi terbetken meıirim»
Maqsaty: a) Ana jaıly ulaǵatty sózder, óleńder, maqal - mátelder arqyly anaǵa súıispenshilikpen qaraýǵa, ana meıirimin, mahabbatyn, jaqsylyǵyn túsindirý.
á) Anany súıý arqyly eline, jerine degen súıispenshiligin arttyrý.
b) oqýshylardy yntymaq pen birlikke, tatýlyq pen ujymdyqqa, anany qurmetteýge tárbıeleý.
Sabaqtyń túri: dóńgelek ústel.
Kórnekiligi: ınteraktıvti taqta.

Ulaǵatty sózder:
Ana - bizdiń gúlimiz,
Ananyń biz - gúlimiz.
Ulandardy qýantyp,
Uzaq ómir súrińiz.
Urpaqtarǵa baqyt jolyn ańsaǵan,
Tileıtuǵyn syrttaı júrip baq saǵan,
Tirshiliktiń tynysy men ajary
Ana degen - teńdesi joq jaqsy adam.

3. Ana! Ana dese tolqymaıtyn júrek, tasymaıtyn qan, terbelmeıtin sezim bolýy múmkin emes!
Júrý barysy
İ. Muǵalim sózi:
Armysyzdar, ana - analar, ustazdar!
Qazaq áıel zatyn erekshe qadirlegen. Ómirdiń ashshy - tushshysyn kórip, ysyla bilgen, tuıaǵy tasqa salsa ketiler, sýǵa salsa jetiler degen oımen ulyn jel ótinde ustasa, qyzyn az kúndik qonaǵym, altynnyń synyǵy, shuǵynyń qıyǵy dep bórkiniń tóbesine úki qadap, úlpildetip ósirgen.
Mine jyl aralatyp, kóktemniń aralatyp, kóktemniń alǵashqy kúnderimen keletin «8 naýryz meıramy qutty bolsyn!» demekpin. Osy jerde otyrǵan barlyq analarǵa, ustazdarǵa, qyzdarǵa otbastaryna bereke, birlik tileımin. Meıramdaryńyz qutty bolsyn!.

Ana - árbir adamnyń jaryq dúnıedegi eń jaqyny, janashyry, qadirlisi, qamqorshysy, aq sútin emizip aıalaǵan, janyn da aıamaǵan ardaqtysy. Ómirge kelgennen bastap janymyzdan tabylatyn meıirimdi jan - ana. Dúnıede anadan jaqyn kim bar balaǵa? Óziniń jaǵdaıyna qaramasa da, balasyna báıek bolady. Óz aýzynan jyryp bar tátti - dámdisin, jyly jumsaǵyn balasyna qoıady. Sál nársege qabaǵyń tússe, eń áýeli kórip qoıatyn, ne boldy dep, úreıi ushyp, tynym tappaı janyńnan tabylatyn - da sol ǵazız jan. Anaǵa teńeý jetpeıtini de sondyqtan. Abaı atamyz: «Bes nárseden qashyq bol, bes nársege asyq bol»- dep eskertkenin uqtyratyn ana bizdi bes nárseden qashyq, bes nársege asyq bolsyn dep beınettenedi. Úlgi kórsetip ónerge, jaqsyǵa baýlıdy. Ár ana óz balasyn tisimen tistep júrip, qanattyǵa qaqtyrmaı, tumsyqtyǵa shoqyttyrmaı, arly, namysty bolyp ósýge qolynan kelgenin aıamaıdy. Bar ana balasymen maqtanyp, balasymen myń jasaýdy armandaıdy. Ana - bizdiń sarqylmaıtyn bulaǵymyz. Ol bizderge móp - móldir, tunyq kúıinde úlgi ónegesimen sýsyndatýǵa jaralǵan erekshe jaratylys ıesi. Endeshe búgingi synyp saǵatymyzdy osy analarǵa arnaımyz.

İİ. Meıirim men ana sóziniń arasynda qandaı baılanys bar dep oılaısyzdar? (balalar óz oılaryn aıtady)
Muǵalim:
Ana – bul jel jaǵymyzǵa pana, bárimiz úshin dana, Ana – degende sózge kelmeıtin til, lúpil qaqpaıtyn júrek, móltildemeıtin janar joq. Balaǵa anadan artyq adam, anadan qymbat jan joq.
Rasynda da adamnyń ádeptiligi men jan dúnıesiniń sulýlyǵy eń aldymen balaǵa aq sútin berip,
álpeshtep ósirgen ana júreginiń jylýynan bastalady.
Qazir ár top ana týraly jyr shýmaqtaryn arnaıdy.
1 top:
Úsh árip, eki býyn ana degen
Qysqa sóz, maǵynasy tereń
Adamdy, jan - janýardy, maqulyqty
Bárin dúnıege ana ákelgen
Ósirip urpaqtaryn tárbıeleýdi,
Tabıǵat ózderine mindettegen.
2 top:
Ana - júrek, júrekti qudirette,
Ana - tirek, tirekti qurmette.
Ana - shyńyń, shyńyńa saǵynyp jet,
Ana - kúniń, kúnińe tabynyp ót.
3 top:
Balasyn qorǵaý úshin taısalmaıdy,
Qaharly jaýynan da qarsy kelgen
Solar ǵoı bul fánıge ómir bergen
Osylaı analarǵa baǵa bergem,
Ne qurmet kórsetse de urpaqtary

boryshy ana aldynda ótelmeıdi.
Muǵalim:
Rasynda da adamnyń ádeptiligi men jan dúnıesiniń sulýlyǵy eń aldymen balaǵa aq sútin berip, álpeshtep ósirgen ana júreginiń jylýynan bastalady.
Boıymyzdaǵy eń jaqsy qasıetter bizge aldymen anadan taraıdy. Ananyń názik úni, jumsaq ta aıaly alaqany, jan jylýymen aıalaýy bizdi áldılep jubatady, kóńilimizdi sergitedi. Qaıran ana óz perzentin ádemi ne usqynsyz, aqyldy ne aqymaq, meıirimdi ne raqymsyz, kesir - qyrsyq bolsa da báribir sheksiz súıedi.

Dúnıede ananyń kóz jasynan salmaqty, odan aýyr tarazy basyn basatyn eshteńe joq. Óıtkeni ananyń kóz jasy óziniń kıesimen aýyr. «At bıden týady, alyp anadan týady» deıdi halqymyz. Dúnıede anasyz adam joq. Qalamy júırik jazýshy da, danyshpan ǵalym da, el basqarǵan kósem de, kúmis kómeı ánshi men myń buralǵan bıshi de anadan týyp, sonyń kókireginen nár alyp ósken.
Ana - tirshiliktiń gúli, otbasynyń berekesi, búkil adamzattyń tárbıeshisi.
İİ. Danalar aıtqan eken. Top músheleri naqyl sózder aıtyp shyǵady.
Ǵulamalardyń aıtqan sózderi:
1) Dýlat Babataıuly: «Ata - ananyń aqyly - qarýly qara jolmen teń».
2) O. Balzak: «Ana kóregendiginiń teńdesi joq».
3) M. Gorkıı: « Adamdar - árqashanda óz analarynyń perzentteri. Ana bolmasa aqyn da, batyr da bolmaıdy».
4) B. G. Belınskıı: «Ana óz balasyn janymen de, qanymen de súıedi».
5) V. A. Sýhomlınskıı: «Ana zatynyń erligi men qajyrlyǵy er azamatqa bekzattyq, sulýlyq, aq nıettilik, adaldyq qasıetterin beretindigine men myń márte kóz jetkizdim».

İİİ. Beınetaspadan óleńdi tyńdap, ony taldaý. «Perzent syry», «Ana saǵynyshy».
Maqal - mátel jarysy.
1) Anasyn súıgenniń balasyn súı.
2) Ananyń kóńili balada,
Balanyń kóńili dalada.
3) Ananyń súti - bal,
Balanyń tili - bal.
4) Anańdy Mekkege úsh ret arqalap aparsań da qaryzyńnan qutyla almaısyń.
5) Atadan ósıet
Anadan qasıet.
6) Atasyz úı batasyz,
Anasyz úı panasyz.
6) Aǵaıyn altaý,
Ana bireý.
7) Ana sútin aqtamaǵandy
Eshkim jaqtamaıdy.
8) Ata - asqar taý,
Ana - baýyryndaǵy bulaq.
Bala - jaǵasyndaǵy quraq
4. Oqýshy:
8 Naýryz 2013 jyl kóktemi,
Qystyń ketti aıazynyń óktemi.
Merekeńiz qutty bolsyn hanymdar,
Kúndeı bolyp jarqyrańdar kóktegi!
Áıel, qyzdar sender kóktem gúlisiń,
Aqyndardyń óleń arnar jyrysyń.
Urpaq jalǵap, ómir syılap adamǵa...
Ǵasyrlarǵa jalǵasady bul isiń.
Qutty bolsyn analardyń meıramy!
Jarqyrańdar, jaz kúnindeı jaıdary!
Merekesi bul kóktemniń alǵashqy!
Baqyt bersin ár kóktemniń aılary
5. Muǵalim: Rahmet. Bizdiń de sharamyz aıaqtalýǵa jaqyn. Qazir sońǵy bólim «Avtor ústeli» dep atalady. Kez kelgen oqýshy myna oryndyqqa otyryp, anasyna degen sezimin jetkizýge bolady, nemese merekesimen quttyqtaýǵa bolady, tipti keshirim de suraýǵa bolady, eger renjitken bolsańdar. Al, kezek senderde.
6. Rahmet. Álemdi terbetedi ana alaqany, ana meıirimi jer betin jylytady, ana mahabbaty barlyǵymyzdy aıalaıdy. Endeshe, analaryńdy qurmetteńder, aıalańdar, renjitpeńder demekpin. Qazir analaryńdy merekesimen quttyqtap syılyqtaryńdy tabys etińizder.