InfoHub Logo

Taqyryby: Álippemen ashtyq bilim esigin,
Terbetemiz Táýelsiz el besigin.
Maqsaty: oqýshylardyń álippeden alǵan bilimderin tıanaqtaý. Álippe oqýlyǵyna oqýshylardyń erekshe qurmeti, baǵasy, mektep ómirindegi oqýlyqtyń ornyn túsinýge, Táýelsizdigimizdiń ulandary ekenderin uǵyndyrý. Ár oqýshynyń is - áreketteri arqyly qabiletterin kórsetý, shyǵarmashylyǵyn damytý. Jańa oqýlyqpen tanystyrý, qyzyǵýshylyǵyn arttyrý, oqýshylardyń ata - ana, Otan, el aldyndaǵy boryshyn sezinýge, elin súıýge tárbıeleý.
Kórnekiligi: Álippe, Ana tili maketteri, naqyl sózder, sharlar, áripter tańbalary men sıfrlar t. b.
Tehnıkalyq quraly: mýltımedıalyq qural
Júrý barysy: Qurmetti ata - analar, ustazdar. Egemendigimiz eskerilip, táýelsiz tulpardaı etek - jeńimiz keńeıip, atymyz alysqa jetip, Táýelsizdikke 21 jyl tolyp jatqan shaqta sizder úshin toılaryńyzǵa taǵy bir toı qosylmaq. Óıtkeni balańyzdyń, meniń oqýshylarymnyń tuńǵysh ret saýatyn ashqan Álippeni bitirdik. Keshe ǵana alańsyz shapqylap oınap júrgen búldirshinder, búginde boılarynda jaýapkershilik paıda bolyp, sanaly azamattyq boryshtarynyń alǵashqy asýyn aman - esen asyp, 4 aıǵa eseıip otyr. Búgingi «» atty erteńgiligimizde olar «Álippe» oqýlyǵynan alǵan bilimderin ortaǵa salmaq kez keldi. Álippeni bitirý aldaǵy ómirge jol bastaıtyn kóp belesterdiń biri. Endeshe biz búgingi kúni sol belestiń birinen astyq. Sondyqtan búgingi toı sizder men bizder úshin ortaq ta saltanatty mereke. Bizdiń qýanyshymyzda shek joq. Barshańyzǵa qosh keldińizder deı otyryp erteńgiligimizdi bastaımyz. Olaı bolsa qol soǵyp qoshemetteı otyryp, erteńgiligimizdiń ıegerlerin ortaǵa shaqyraıyq.
Ásem (Álippe):
Sálemetsizder me, qurmetti qaýym!
Bar kitapqa bas bolǵan,
Álippe – árip atasy.
Bar bilimniń bastaýy,
Álippe – ǵylym anasy, - deı otyryp, búgingi jıylyp otyrǵanymyzdyń sebebi menimen - «Álippemen» qoshtasyp, meniń aǵam – Ana tilimen tanysý, dostasý erteńgiligi.
Sanjar (Ana tili):
Kóz salyp qarańyzshy boıymyzǵa,
Ortaq bop búgingi ósken oıymyzǵa
Qosh kelipsiz ustazdar, ata - analar,
Álippemen qoshtasý toıymyzǵa.
Ásem (Álippe):
Mine, qyzyq. Menimen qoshtasatyn dostarym qaıda ketken?
Sanjar (Ana tili):
Men bilemin, olar oınap ketken ǵoı.
Ásem (Álippe):
Joq, Ana tili, olar aqyldaryna aqyl qosyp, sanaly oqýshy qataryna endi.
Sanjar (Ana tili):
Á, onda olarǵa bul jerge kirýge ruqsat bereıik.
Sanjar (Ana tili), Ásem (Álippe):
«Álippemen ashtyq bilim esigin, Terbetemiz Táýelsiz el besigin» atty saltanatty erteńgiligimizdi ashyq dep jarıalap, ortaǵa oqýshylardy shaqyramyz: (mýzyka áýenimen)
Sanjar (Ana tili):
Álippeni kóp oqıtyn,
Janyńa saıa bolatyn,
Jansaıa shyqty ortaǵa (Slaıdtan Jansaıany kórsetý).
Ásem (Álippe):
Sabyrly da salmaqty
Úırenip bárin júretin
Asqar keledi
Alshań basyp aıaqty (Slaıd).
Sanjar (Ana tili):
Kele jatyr Bekzat,
Anasyna qolǵanat (Slaıd).
Ásem (Álippe):
Keń mańdaıly Janerke,
Synyptyń ádemisi, erkesi (Slaıd).
Sanjar (Ana tili):
Darasy bolar qalanyń
Ábýbakir degen balańyz (Slaıd).
Ásem (Álippe):
Jaqsylyqty jaqtaıtyn
Bárin bilip jattaıtyn
Bolady ol ótkir tildi
Esimi onyń Almas dedi (Slaıd).
Sanjar (Ana tili):
Qylyǵy onyń súısinter
Erketotaı Merýertteı (Slaıd).
Ásem (Álippe):
Esimi Nursultan bolady
Esepti de shaǵady (Slaıd).
Sanjar (Ana tili):
Erke Damır keledi,
Ánde aıtyp, bı bıleıdi (Slaıd).
Ásem (Álippe):
Barmaǵynan bal tamǵan,
Baldaı tátti Bıbinur (Slaıd).
Sanjar (Ana tili):
Sabaqtan esh qalmaıtyn
Bolsyn bala Nursultandaı (Slaıd).
Ásem (Álippe):
Mine keledi Ernar,
Aı men kúni anasynyń,
Aqyldysy atasynyń (Slaıd).
Sanjar (Ana tili):
Jumsaǵanda baratyn
Aıtqan tildi alatyn
Onyń aty Damırjan (Slaıd).
Ásem (Álippe):
Sáýleli de symbatty
Sóılegeni tym tátti
Nazgúl degen qyzdaryń
Sizderge arnap til qatty (Slaıd taqpaq oqyǵanyn kórsetý).
Sanjar (Ana tili):
Dos qadirin bilersiń,
Birge júrseń Abzalmen (Slaıd).
Ásem (Álippe):
Shýaǵyn shashyp aınalaǵa
Nurdáýlet shyqty ortaǵa (Slaıd).
Sanjar (Ana tili):
Ortaǵa keldi Ahmad
Qylyqtary táp - tátti ed (Slaıd).
Ásem (Álippe):
Asyǵyp keledi ortaǵa,
Synyptyń ǵana erkesi Dánel bala (Slaıd).
Sanjar (Ana tili):
Úmit kútken shapaǵaty,
Qustaı sulý Qarlyǵashy (Slaıdtan án aıtqanyn kórsetý).
Ásem (Álippe):
Ósti mine oılaryń,
Ósti mine boılaryń,
Qýanyshqa ortaqpyz
Qutty bolsyn toılaryń!
Sanjar (Ana tili):
Shashý, shashý shashaıyq!
Aq sandyqty ashaıyq.
Bul mereke, bul toıdyń,
Bastańǵysyn jasaıyq (mýzyka oınalady, shashý shashylady).
Ahmad:
İshi tolǵan áripke
Jaqsy kitap álippe.
Álippeni alamyz,
Mektepke biz baramyz.
Hor: «Biz mektepke baramyz».
Bıbinur:
Jaqsy kitap – «Álippe»,
Úıretedi áripke.
Qýyrshaqpen qoshtastym,
«Álippemen» dostastym.
J. Nursultan:
Mynaý meniń Álippem,
Kógildir týym túsindeı.
Aqylshy jaqyn dosymdaı,
Qymbatty maǵan kisimdeı.
Dánel:
Birinshi betten elimniń,
Eltańbasyn tanydym.
Kók baıraqty qazaqtyń,
Urpaǵymyn, sánimin.
Án: «Biz shadyman balamyz».
Nurdáýlet:
Ásem oıý órnekpen,
Kómkerilgen Álippem.
Sen bolmasań bilimge,
Bastaıtyn joldy bilip pe em?
Nazgúl:
Endi jaza bilemiz,
Áripti qosyp áripke.
Rıza bolyp saǵan júremiz,
Súıikti bizdiń álippe.
Jansaıa:
Búkil qazaq balasy dáriptegen,
Qoshtaspaqpyz súıikti «Álippemen».
Rızamyz bárimizdi tanystyrǵan,
Sóz ben dybys, ártúrli áriptermen.
Án: «Baldyrǵandar áni».
Ásem (Álippe):
Raqmet, dostarym.
Almas:
Biz senimen birge eki toqsan boıy kóp eńbek ettik. 42 – áripti túgel jattap aldyq. Áripti áripke qosyp, býyn jasadyq, býynnan sóz, sózden sóılem qurap, búgingi kúni qysqa áńgimelerdi oqı alatyn boldyq. Endi sen ketip qalsań, biz ne isteımiz?
Ásem (Álippe):
Qoryqpa,......... Senderge ári dos, ári aǵamdy ertip keldim. Ol Ana tili. Endi onymen dos bolasyńdar.
J. Nursultan:
Al, ol sen sıaqty aqyldy ma?
Ásem (Álippe):
Árıne, ol menen de aqyldy.
Sanjar (Ana tili):
Rahmet saǵan dostym,
Búgin nıet qosqan kún.
Aıanbaımyn syrymdy,
Baıandaımyn ǵylymdy.
Talaptyǵa bári bar,
Menen oqyp alyńdar.
Biraq meniń bir shartym bar.
Ásem (Álippe)
Ol qandaı shart?
Sanjar (Ana tili):
Tapsyrmalardy durys oryndaǵan oqýshyǵa ǵana Ana tili álemine mynandaı joldama beremin (joldamany kórsetedi).
Dánel:
Jaqsy bilim kórimdik,
Bolsyn sizge halaıyq.
Ne úırendik ne bildik?
Qane, ortaǵa salaıyq.
Sanjar (Ana tili):
Olaı bolsa myna taqtaǵa nazar aýdaraıyqshy, balalar. Búgingi bizdiń erteńgiligimizge «Ana tili áleminen» hat jiberipti. Bul hatta senderge arnalǵan tapsyrmalar bar eken. Olaı bolsa, osy tapsyrmany oryndaıyq.
Slaıdtan «Álippe týraly jattaǵan óleńderiń bar ma?»
Ernar:
Bar kitapqa bas bolǵan
Álippe – ǵylym anasy.
Álippeden bastalǵan
Danalyqtyń danasy.
A. Nursultan:
Álippe degen altyn jol,
Aparady seni alysqa.
Jeńil emes, aýyr jol
Tyrysyp baq namysqa.
Nurdáýlet:
A - ny aıtqanda daýsym dirildedi,
Ustazym kóz aldynda kúlimdedi.
Kún saıyn áripterdiń atyn bilip,
Sóz oqımyn aıyryp býyndy endi.
Bekzat:
Ystyq árbir betteriń,
Jazýyńdy uǵamyn.
Aqyl berdiń Álippem,
Tárbıe berdiń Álippem.
Sanjar (Ana tili):
Jaraısyńdar, alǵashqy joldamany aldyńdar.
Slaıdtan «Kim Álipbıdi jatqa aıtady?»
Jansaıa:
Qazaq álipbıin jatqa aıtady (joldama alady).
Hor: «Álippe».
Slaıdtan «Oına da oıla».
Maqsaty: oqýshylardyń oılaý qabiletin damytý.
Sharty: oqýshylar úlestirme qaǵazdaǵy sýret, árip, t. b. tańbalar arqyly ózderiniń jubyn taýyp, tobyn quraıdy. Dáleldep sóıleıdi.
joldama alady
Án: «Pervyı klass».
Ahmad:
Kelgende alǵash mektepke
Bilmeýshi edik árip te
Oqımyz qazir ertekti
Úıretken ony Álippe.
Bıbinur:
Oqyǵan ony ǵalym da
Oqyǵan ony muǵalim de
Oqyǵan ony kósem de
Jazýshy, aqyn, daryn da
Qarlyǵash:
Keshegi sábı balańyz,
Jarady mine qarańyz.
Ǵylym bilim jolyna
Endi qaıyq salamyz.
Nazgúl:
Anamyzdaı aıalap
Aqylshy bolǵan ustazym
Ózińniń ǵana eńbegiń
Búginde bıik ushqanym
Asqar:
Dáneker bop damyl tappaı arada
Álippeni uıalatqan sanaǵa
Ustazymyz sizge alǵys aıtamyz
Úıretýden jalyqpaǵan balaǵa
Janerke:
Bárimizdi súıip ótken,
Balalarǵa úıretken.
Álippe men ustazǵa
Bas ıemiz qurmetpen.
Barlyǵy bas ıedi.
Hor: «Jarqyn júzdi ustazym».
Muǵalim sózi: aıaýly oqýshylarym, «Álippe» dosymyzben de qoshtasatyn sát keldi. Ony senderden kishi ini - qaryndastaryń kútip otyr. Álippege qandaı tilek aıtasyńdar?
Abzal:
Qosh bol qutty Álippem,
Kóp nárseni úırettiń.
Tanystyryp árippen,
Taqyldatyp sóılettiń.
M. Damır:
Qosh Álippem, bıiktetken asqarǵa,
Qanat bergen sharyqtaýǵa aspanǵa.
Qoshtassaq ta umytpaımyz ózińdi,
Tapsyramyz ini - qaryndastarǵa.
Merýert:
Barlyq árip baǵaly,
Aıttyq ádil baǵany.
Áripsiz sóz bolmaıdy,
Býyn onsyz tolmaıdy.
Adam barlyq áripti
Ardaqtaıdy, qoldaıdy.
Ásem (Álippe)
Bizge osylaı oqyp úırenýimizge kómektesken ata - analarymyzǵa ne der edińder?
Ábýbákir:
Álippemen qosh aıtysyp qalamyz,
Endi qolǵa basqa kitap alamyz,
Ata - ana qýanyshqa ortaq bol,
Saýatty bop shyqty, mine, balańyz.
Sanjar:
Sóz úlken anamyz –........... ájemizge beriledi.
Ásem (Álippe):
Rahmet dostarym oqýda alda bolyńdar. Menimen qoshtasqanda, alǵan bilimderińdi odan ári ana tili oqýlyǵymen jalǵastyrasyńdar. Meni qalaı súıip, uqypty, taza ustasańdar, ana tili oqýlyǵynda sondaı etip ustaıdy dep senderge úlken senim artamyn.
Án: «Amanat».
Ásem (Álippe):
Aınalaıyn balǵyndar,
Menen bilim aldyńdar.
Ár sózimdi jattaǵan,
Dostar úshin maqtanam.
Rahmet aıtyp shattanam,
Rıza bolyp attanam.
Alda uzaq jasym bar,
Oqýmen ósip, tolyńdar,
Aman - esen bolyńdar.
Barlyǵy: Qosh bol, súıikti Álippe!
Qorytyndy
Sanjar (Ana tili):
Týǵan eldiń tilimin,
Aqylymmen tanylamyn.
Túsindirer bárine,
Ana tili pánimin
Ana tili uranym
Ana tili bolmasa
Myqta bolmas turaǵym.
Balalar, endi meni oqıtyn bolasyńdar. Men senderge kóp nárseni úıretemin. Barlyq qazyna baılyq oqý - bilimde. Sondyqtan da kelesi tapsyrmany oryndaý úshin ortaǵa qolynda áripteri bar ata - analardy jáne oqýshylardy shaqyramyn.
1 - tapsyrma: osy áripterden sóz tirkesin qura.
2 - tapsyrma: sol sózdiń ár árpin saralap aıtyp kóreıikshi.
A – amanatty
N – namyspen
A – abyroımen
T – táýelsiz
İ – izgi
L – lebizben
İ – iske asyramyz.
Ý. Damır:
Ana tiliń – aryń bul,
Uıatyń bop tur bette.
Ózge tildiń bárin bil,
Ana tilińdi qurmette!
Sanjar: Ata - analar, sizder úshin! «Ata tilegi» ánin qabyl alyńyzdar.
Sanjar:
Qýanyshymyzǵa ortaq bolatyn,
Bizdi qorǵap oılaıtyn.
Mektep dırektory – Jumagúl Qosjanqyzyna sóz beriledi.
Mektep dırektory sóıleıdi.
Sanjar: Jumagúl Qosjanqyzy, «Dýdar - aı» ánin qabyl alyńyz.
Án: «Dýdar - aı».
Sanjar: qurmetti ustazdar men ata - analar, meniń dostarymnyń sazdy baǵdarlamasyn qabyl alyńyzdar.
1. «Qara jorǵa» bıi.
2. Án: «Oblaka».
3. Án: «Ýchat v shkole»
4. Án: «Bolaıyqshy osyndaı»
Muǵalim:
«Álippemen ashtyq bilim esigin, Terbetemiz Táýelsiz el besigin», sebebi (Sahnadaǵy kórnekilikti oqý).
Bárińizdi tabystyrǵan Álippe!
Áriptermen tanystyrǵan Álippe!
Bul ómirde bilim alǵan adamnyń,
Bolashaǵy árqashanda jaryq de! – dep meniń búldirshinderimdi shyǵaryp salaıyq.
Sanjar: osymen, «Álippemen ashtyq bilim esigin, Terbetemiz Táýelsiz el besigin» erteńgiligimiz aıaqtaldy.

Kelgenderińizge kópten - kóp rahmet!