InfoHub Logo

Jer sharynda shamamen 8 mıllıard adam ómir súrip jatsa, onyń 100 mıllıony álemdik muhıt jaǵalaýynda turady. Bul Shanhaı, San-Paýlý, Tokıo, Lıssabon, London jáne Nú-Iork sekildi alyp shaharlar turǵyndary. Álemdik muhıt dál qazirgi kezde óte jyldam lastanýda. Biz taý men jahan dalada ómir súrip jatyrmyz, bizdiń sharýamyz joq deseńiz qatelesesiz. Kez-kelgen jaýynnyń, jeldiń nemese tumannyń paıda bolýy álemdik muhıtpen baılanysty.

Álemdik muhıttyń lastanýy HH ǵasyrdyń bel ortasynan bastap kúnnen kúnge órship keledi. Ásirese hımıa ónerkásibi men munaı-gaz salasynyń damýy keri áserin qatty tıgizýde. Úndistan, Meksıka, AQSH, Brazılıa, Qytaı jáne Japonıa elderi álemdik muhıt sýyna orasan zor ekologıalyq problema týyndatyp otyr. Muhıttaǵy tirshilik ıeleri sońǵy elý jylda 70 paıyzǵa azaıyp ketken. Bul degenimiz óte sumdyq katastrofa. Muhıttaǵy tirshilik ıelerine plasık bótelkeler, selofan ónimderi qatty teris áser etýde. Bul qoqystar uzaq jyldarǵa deıin shirimeıtin qasıetke ıe. Álemdik muhıt sýynda 700 myń km kvadrat qoqys bar. Bul degenimiz eki Germanıa memleketiniń jer aýmaǵyn quraıdy. Qanshama tankler munaı tasyp lastap jatyr, atomdyq qaldyqtar tógilýde. Endi bul azdaı arktıkanyń túbinen munaı men gaz ónimin alamyz dep Reseı, AQSH jáne Kanada elderi jalma jan jarysyp turyp bastaǵaly otyr. Endi 20-30 jylda Antraktıda úshin halyqaralyq janjal týyndap talas-tartys bastalý qaýpi bar.

---