InfoHub Logo

Ǵalymdar shaı, kofe jáne sútti tamaqtan keıin eń az 45 mınýt ótkennen soń ishý kerektigin aıtady. Tamaqtyń artynsha nemese tamaqpen birge ishiletin shaı, kofe jáne sút temir azdyǵyna, (ıaǵnı anemıaǵa) sebep bolýy múmkin. Mamandar shaı jáne kofeniń quramyndaǵy elementterdiń temirmen birigýi sebepti, astaǵy temirdńǵ denege sińýiniń azaıatynyn aıtýda. Mamandardyń bergen málimetteri boıynsha temir elementiniń organızmdegi mólsheri júkti jáne etekkiri kelgen áıelderde óte azaıyp ketedi eken. Taǵy bir mańyzdy jaıt, besiktegi nárestelermen jetkinshek jastaǵy balalar organızminiń ósýinde de temirdiń asa qajetti element ekendigi.kendigi.

Biz tamaqtaný daǵdymyz arqyly temirdiń denemizge sińýin arttyryp-azaıta alamyz. Mamandar: «Shaı ishpeńder demeımiz árıne. Shaıdy tamaqtan 45 mınýt ótkennen keıin ishken jaqsy. Lımon qosyp ishý de óte paıdaly. Sondaı-aq sútti de tamaqtan 45 mınýttan keıin ishken jaqsy bolady. Óıtkeni sút te temirdiń denege sińýin azaıtatyn faktor» deıdi.

Anemıanyń alǵashqy belgisiniń álsizdik pen tez sharshaý ekenin aıtqan mamandar: «Keıin bas aýrýy, bas aınalýy sıaqty belgileri shyǵýy múmkin. Ottegini qanda alyp júretin gemoglabın azaıǵandyqtan júrek buny jetkizý úshin kóp eńbek etedi, tipti júrektiń úlkeıýi jáne júrek jetimsizdigi sıaqty belgiler paıda bolýy múmkin» dep málimdeıdi.

Tamaqty ystyq shaımen ishýge daǵdylanǵandar tamaqtaný kezinde shaıdyń ornyna jyly sý tutynsa bolady. Sondaı-aq temirdiń aǵzaǵa sińýin arttyrý úshin S vıtamıni turǵysynan baı azyqtardy tutyný mańyzdy eken. Mysal keltirý kerek bolsa, tańǵy asty isher kezde shaıdyń ornyna apelsın shyrynymen ishý nemese quramynda S vıtamıni bar salattarmen birge jeý de denege temir elementiniń alynýyn arttyrady.

Oqýǵa keńes beremiz:

Shaıdyń zıany: ǵalymdardyń 6 tujyrymy

Shaı týraly qyzyqty derekter

Shaı týraly

---