InfoHub Logo

Sabaqtyń taqyryby: Álemniń jaryǵyn syıladyń sen maǵan
Maqsaty: Balalardyń analaryna, bar adamzat anasyna súıispenshiligin oıatý.
Ananyń eńbegin aqtaýǵa, ardaqtaýǵa, qurmetteı bilýge tárbıeleý.
Kórnekilikter: Sýretter, shar, ınteraktıvti taqta, slaıd.

Muǵalim: - Qurmetti analar, ájeler sizderdi áıel janymen baılanysty tamasha kóktem merekesi – 8 Naýryzben shyn júrekten quttyqtaımyn! Búgingi synyp saǵatymyzǵa qosh kelipsizder! Keshimizdiń júrgizýshilerimizdiń ortaǵa shaqyraıyq, tanys bolyńyzdar – Saǵyndyq Asylan, Káden Erkenaz, Islam Álıhan jáne Kenjebek Baljan
Erkenaz - Alǵashqy kóktem merekesi Jer betine ómir syılaýshy názik, aqyldy, symbatty, meıirimdi jandarǵa arnalǵany qandaı tamasha mereke!
Asylan - Álemdegi eń asyl jan ol – Ana desek, júregimizde súıikti janǵa degen mahhabat sezimi oıanady. Ana bul aıaýly da meıirimdi jan.
Baljan - Balanyń tili shyqqannan – aq birinshi sózin ana dep aıtady. Ómirdiń esigin ashqannan soń osy ómirdegi ózińniń jan anańdy kóresiń.

Álıhan - Osy bir «ANA» degen úsh áriptiń aıasynda adamzat balasyn qýanysh syılar qanshalyqty qasıet bar deseńshi!
Erkenaz - Arý - ana,
Asylan - Arý - asyl jar,
Baljan - Arý – kóńildiń gúli,
Álıhan - Arý - ómirdiń jyry.
Erkenaz - Olaı bolsa, búgingi analarǵa, qyzdarǵa arnalǵan, synybymyzdyń daıyndaǵan «Álemniń jaryǵyn syıladyń sen maǵan!» keshimizge qosh kelipsizder!
Balalar bári: Quttyqtaımyz anashym, 8 - shi Naýryzben!!!
Álıhan
Toı perdesin ashaıyq,
Toıǵa shashý shashaıyq.
Analardy qurmettep,
Án marjanyn shashaıyq.
Hor: «Anashym»

Asylan:
Aq anashym, appaǵym.
Óziń jaıly taqpaǵym.
Arnalady sizderge.
Bar balanyń taqpaǵy.
(Balalardyń taqpaǵy aıtylady)

1 - shi oqýshy Beıbarys
Ana deımiz bárimiz de ańqyldap,
Ana deıdi jas sábı de jarqyldap.
Ana degen – báıteregi ómirdiń,
Ana degen – altyn qazyq, altyn baq.