InfoHub Logo

Ádebıettik oqý 2 - klass
Mazmundama
Taqyryby: Balapan men mysyq
Maqsaty: Oqýshylardy daıyn mátin boıynsha tildik obektilerdi saqtaı otyryp mazmundama jazýǵa úıretý.
Mindetteri: 1. Jazbasha baılanystyryp sóıleýin jáne jazba tiliniń qalaı qalyptasqanyn tekserý. Óz oılaryn júıeli, mazmundy etip jetkize bilýge daǵdylandyrý.
2. Oılaý qabiletterin, zeıinin, este saqtaýyn damytý. Sózdik qorlaryn, til baılyǵyn arttyrý, saýattylyqqa baýlý.
3. Tabıǵatqa, qustarǵa qamqor bolýǵa, qaıyrymdylyqqa tárbıeleý.
Kórnekilikter: Kóktem mezgili, balapan, mysyq, qustardyń sýretteri.
Ádisi: suraq - jaýap, áńgimeleý, óz betimen jumys
Túri: jazba jumys
Sabaqtyń barysy: İ. Uıymdastyrý
1. Tynyshtyq sáti
2. Sabaqtyń maqsatyn habarlaý
İİ. Negizgi bólim.
Jazba jumysyna daıyndyq jumystaryn júrgizý
1. Sýretpen jumys. Berilgen sýret boıynsha kóktem mezgili jaıly áńgime júrgizý.
- Bul qaı jyl mezgili? Kóktemde tabıǵatta qandaı ózgerister bolady?
- Qustar qalaı, qaıdan ushyp keledi?
- Jyl qustary dep qandaı qustardy aıtamyz?
- Otyryqshy qustar degen she?
- Kóktemde eń alǵash qandaı qus ushyp keledi?
- Mynaý qandaı qus? (qaratorǵaı) t. b. suraqtar arqyly áńgimelesý.
Búgingi jazba jumysymyz osy qaratorǵaı týraly bolady. Qaratorǵaıdy sıpattaý.
2. Mazmundamany eki ret mánerlep oqý, mazmunyn taldaý.
Balapan men mysyq
Naýryz aıy keldi. Balalar qaratorǵaıǵa uıa jasady. Asan da qustarǵa uıa daıyndady. Bir kúni uıada úsh balapan paıda boldy. Shesheleri tamaq ákelýge ketkende ash balapandardyń bireýi jerge qulap tústi. Ony kórip ala mysyq balapanǵa jaqyndaı tústi. Qaratorǵaılar balapanyn aınala shyryldaı ushyp, Asannan kómek suraǵandaı boldy. Ol qolyna shybyq ala salyp mysyqty biraz jerge deıin qýyp tastady. Jerde jatqan balapandy aparyp uıasyna saldy. Qaratorǵaılar shat - shadyman bolyp ásem áýenge basty.
3. Mátin mazmunyn 2 - 3 oqýshyǵa aıtqyzý. Sózdik jumysyn júrgizý.
4. Suraqtar qoıý, áńgimedegi negizgi oıdy tapqyzý.
- Kóktemniń qaı aıy týdy? Balalar ne jasady?
- Kim qustarǵa uıa daıyndady?
- Uıada neshe balapan paıda boldy? Ash balapan qaıtti?
- Ne balapanǵa jaqyndaı tústi?
- Qaratorǵaılar qaıtti? Olar kimnen kómek suraǵandaı boldy?
- Asan ne istedi?
5. Mátinge jospar qurý
Jospar:
1. Uıa jasaý
2. Balapanǵa tóngen qaýip
3. Arasha túsken Asan
Tirekti sózder men sóz tirkesterin jazý: ash balapan, shybyq, shat - shadyman, ásem áýenge.
6. Mazmundamany jazý.
İİİ. Sabaqty bekitý.
İV. Úıge tapsyrma berý: mátin mazmuny boıynsha sýret salý
V. Baǵalaý