InfoHub Logo

Áleýmettenýdiń áleýmettik - psıhologıalyq aspektisi

Adam balasy materıaldyq jáne rýhanı ómirdiń ortasynda tirshilik etedi de, ózi ómir súrip otyrǵan qoǵamnyń múshesi retinde ózindik aqyl - parasatymen, jeke bastyń ózine tán aqyl - oı, erik - jiger, minez - qulyq ereksheligimen kórinýge tyrysyp baǵady. Qoǵam músheleriniń bárine ortaq birkelki minez - qulyqtyq qasıettiń bolýy múmkin emes. Ár adam ózinshe daralanǵan tulǵa. Adamdar tulǵa bolyp birden dúnıege kelmeıdi. Árbir adamdy qalyptastyrý, tárbıelep jetildirý qajet. Tulǵa degenimiz - adamnyń minez - qulqyndaǵy, is - áreketindegi, kózqarasyndaǵy ereksheligimen daralanýy. Adamdardyń qorshaǵan tabıǵı ortadaǵy qubylystardy qabyldap túsinýi ártúrli. Ol ár adamnyń jeke basyna tán fızıologıalyq, psıhologıalyq, bıologıalyq erekshelikterimen tyǵyz baılanysty. Tulǵany damytý – kúrdeli proses. Onyń úsh mańyzdy aspektisi bar:
1. Áleýmettik - psıhologıalyq aspektisi. Ol óz kezeginde eki faktorǵa baılanysty bolady:
a) balanyń tanymy men minez - qulqyna qajetti belgili qondyrǵylar, baǵaly qundylyqtar, túsinikter men ustanymdardyń maqsaty, qoǵamdyq áseri.
b) adamnyń ómir jaǵdaıyn, onyń is - árekettegi jeke stılin, tulǵa aralyq qarym - qatynasty anyqtaıtyn tulǵanyń damýy.
2. Psıhologıalyq aspektisi tulǵanyń tanymdyq úrdisteriniń jeke erekshelikterin qamtıdy: este saqtaý, oılaý men sóıleý taǵy sol sıaqty minez - qulyqtaryn qarastyrady.
3. Aspekt tulǵanyń erekshelikteri men qabiletiniń psıhofızıologıalyq dárejesi negizinde naqtylanady. Tulǵanyń damý prosesi ekinshi jáne úshinshi aspektilerdiń kómegimen iske asyrylady.
Sonymen, “tulǵa” degenimiz adamnyń minez - qulqyn, is - áreketin bir sózben aıtqanda óz beınesin jasaýshy. Ár adamnyń tulǵa bolyp qalyptasýy syrtqy kúshke, tabıǵatqa jáne áleýmettik jaǵdaıǵa baılanysty.
Áleýmettenýdiń áleýmettik - psıhologıalyq aspektisi. júkteý