InfoHub Logo

Sabaqtyń taqyryby: Kóz – adamnyń aınasy
Sabaqtyń maqsaty:
Bilimdilik: Oqýshylarǵa adamnyń sezim músheleri týraly jáne adamǵa qorshaǵan ortany baǵdarlaýǵa, kómekshi kóz ekeni týraly bilimderin keńeıtý.
Tárbıelik: Oqýshylardy kózdiń qadirin túsine bilýge, onyń gıgıenalyq talaptaryn saqtaýǵa tárbıeleý.
Damytýshylyq: Kózdi saqtaı otyryp, oılaý qabiletin, oıy men tilin damytý.
Sabaqtyń tıpi: Jańa bilim berý
Sabaqtyń túri: Aralas sabaq
Sabaqtyń ádisi: túsindirý, suraq - jaýap, toptastyrý, áńgimeleý
Sabaqtyń kórnekiligi: slaıd, sýretter

Sabaqtyń barysy:
İ Uıymdastyrý kezeńi
a/Oqýshylardy túgeldeý.
á/Psıhologıalyq daıyndyq
Balalar - gúlim meniń,
Balalar - kúıim meniń.
Balalar nur syılaıtyn,
Búgingi kúnim meniń,- deı otyryp, balalar senderdi ózime qýat alar shýaqty kúnge teńemekpin.
Oqýshylar:
Keýdemizde kún kúlsin,
Bizge shýaq nur quısyn.
Meıirimdi jan ózińmen,
Kóńilim jaınap qulpyrsyn!
Olaı bolsa jaqsy kóńil - kúımen sabaǵymyzdy bastaıyq.
Oı tolǵaý
1. Balalar qansha ýaqyt uıyqtaıdy?
8 - 9 10 - 12 5 - 6
2. Júıke júıesiniń jumys isteý rettiligin tap.
Qulaq - mı – adamnyń is - áreketi
3. Júıke júıesi neden turady? Mı, julyn, júıke talshyqtary

İİİ Jańa sabaqty meńgertý
a/ Jumbaq sheshkizý.
Jaqsy – jaman nárseniń
Ol bárin de kóredi.
Jaqsylaryn ishinen
Saǵan aıtyp beredi. (Kóz)

á/ Kóz týraly ne bilemiz?
kóremiz kıno qaraımyz
kitap oqımyz zattardy ajyratamyz

b/Oqýshylarǵa sezim músheleri týraly túsinik berý.
Mıǵa aqparatty jetkizetin qandaı múshe? Sezim músheleri
Sezim múshelerine nelerdi jatqyzamyz?
Kóz - Zattyń pishinin, túsin, mólsherin ajyratady. Kıno qaraıdy, kitap oqıdy.
Qulaq - Dybysty qabyldaıdy. shýdy, sybdyrdy, mýzykany t. b.
Muryn - Iisti sezedi, ajyratady.
Til - Dámdi ajyratady, qorǵanysh qyzmetin atqarady.
Teri - Qorǵanysh qyzmetin atqarady. Sıpap sezý múshesi.

v/ Kóz – kórý múshesi týraly túsinik berý.
Adam kózben zattyń pishinin, túsin, mólsherin ajyratady. Aınaladaǵy álemniń ásemdigin kóredi, kitap oqıdy, teledıdar qaraıdy. Adam syrtqy ortada bolyp jatqan túrli aqparattardyń 80 - 90 %- dan astamyn kózben kórip biledi. Kórý múshesi kóz almasy men qosymsha múshelerden turady. Kóz almasy 3 túrli qabaqtan turatyn shar tárizdi múshe.
Syrtqy qabyq: Kózge pishin beredi, jaryq sáýlesin ótkizedi.
Ortańǵy qabyq: qantamyrly nurly qabyq. Ortańǵy qabyqta qarashyq ornalasqan. Qarashyq arqyly kózdiń ishine jaryq ótedi. Nurly qabyq boıaǵysh zattarǵa baı. Boıaǵysh zaty azdaý kóz - kók nemese boz tústi bolyp keledi.
İshki qabyq: Torly qabyq ta jaryqty qatty sezetin jasýshalar ornalasqan.
Kózdiń qosymsha múshelerine – kirpik, qas, qabaq, bulshyqetter, jas bezderi jatady.
Qabaq pen kirpik Bulshyq etter Jas bezderi Qas
kózdi shań tozańnan, qoqymnan, suıyq tamshylardan qorǵaıdy.
Kózdi joǵary –
tómen, ishke - syrtqa qaraı qozǵaltyp turady. Udaıy jas bóledi.
Kózdi ylǵaldap, jylytady. Aqqan terdi kózdiń ishine jibermeı ustap,
qorǵap qalady.
Adamnyń kórý qabileti jasyna qaraı ózgerip otyrady. Mysaly: 10 jasta zatty 7 sm qashyqtyqtan jaqsy kórse, 45 - 50 jasta 33 sm qashyqtyqtan jaqsy kóredi. Al, 70 - te jaqyn turǵan zattar buldyrap anyq kórinbeıdi. Alystaǵy kórgishtik kóbinese qart adamdarda kezdesedi.

g/ Oqýshylarǵa kózdi kúte bilýdiń erejelerin tizbekteı oqytyp túsindirý.
- Jazǵanda jaryq sol jaqtan túskeni durys. Oqyǵanda kitap, dápter kózden 30 - 35 santımetr qashyqtyqta bolýy kerek.
- Jatyp oqý, jazý, alageýim jaryqta oqyǵan zıan.
- Kún sáýlesi, elektr shamynyń jaryǵyna tik qaraýǵa bolmaıdy. Kózdiń janaryn álsiretedi. Jasyl tús kózge paıdaly.
- Kózdi qolmen, kir oramalmen súrtýge bolmaıdy. Túrli mıkrobtar túsýi múmkin.
- Kózdi úshkir zattardan saqtaý. Qolyńda uzyn aǵash, qaıshy, pyshaq bolǵanda júgirme.
- Teledıdardy uzaq qarama. Ekrannan 3 - 6 m alys otyrý kerek.
- Kólikte kele jatyp kitap oqyma. Kóz tez sharshaıdy. Eger uzaq oqý kerek bolsa, árbir 20 mınýt saıyn kózdi demaldyryp otyrý kerek.
Kóz – adamnyń aınasy. júkteý