InfoHub Logo

Bilim berý salasy: Qatynas, tanym.
Bólimder: Til damytý, qurastyrý.
Taqyryby: Oıynshyqtar dúkeni.
Sabaqtyń maqsaty: Bilimdilik: Balalarǵa oıynshyqtardy atap, ajyratýǵa, sapasy men áreketin bildiretin sózderdi durys aıtýǵa úıretý. Dybystardy durys aıtýǵa jattyqtyrý. Tárbıeshiniń suraqtary boıynsha sýretten qysqa áńgime qurastyryp aıtýǵa yntalandyrý.
Damytýshylyq: Oıyn, taqpaqtar arqyly sózdik qoryn, til baılyǵyn, oılaý qabiletin damytý. Qıylǵan qaǵazben jumys jasaýǵa, túsi, pishinine qaraı ekinshi bóligin taýyp ornalastyrýǵa daǵdylandyrý.
Tárbıelik: Oıynshyqtar dúnıesine degen súıispenshligin oıatý. Uqypty qurastyryp, jumys jasaı bilýge tárbıeleý.
Kórnekiligi: Sóredegi oıynshyqtar, sýretter, taqta, tirek syzba, úntaspa, ár túrli qıylǵan qaǵaz bólikteri, úlgi kórnekilikter.
Ádis - tásilderi: túsindirý, kórsetý, qaıtalaý, áńgimeleý, suraq - jaýaptar.
Qostildilik komponetter: alma - ıabloko, sábiz - morkov, bal - med.

Motıvasıalyq qozǵaýshy
Shattyq sheńberi:
Alaqandy ashaıyq,
Kúnniń nuryn jasaıyq.
Taza aýaǵa qol sermep,
Júrek jylýyn jasaıyq.
Meıirimdilik shoǵyn biz,
Qonaqtarǵa shashaıyq.
Sálemetsizder me!

Uıymdastyrý – izdestirýshilik kezeńi
Balalar, men senderdiń bilimderińdi tekserý úshin birneshe suraqtar qoıaıyn.
- Qazir jyldyń qaı mezgili? – Kúz aılaryn ata?
- Kúzde aýa - raıy qandaı bolady?
Tirek syzba:

Jańbyr jaýady Qustar jyly jaqqa ushady
Kúz sýreti
Japyraqtar sarǵaıyp
Jel turady jerge túsedi

Durys aıtyp, sýretterdi ornyna qoıdyńdar.
Balalar, kúzgi japyraqtar qalaı shýlaıdy?
Saýsaq jattyǵýy arqyly, dybystaryn salaıyqshy
«Alaqandy úıkelep» sh - sh - sh - sh dep aıtamyz.
Endi alaqandaǵy japyraqty úrlep ushyramyz.

Kúz týraly taqpaqtar:
Japyraqtar ushady,
Aınalady dóńgelep.
Japyraqtar túsedi,
Jelmen birge jelbirep.

Kúzde dala jaýraıdy,
Kókte bulttar oınaıdy.
Butaǵynan úzilip,
Japyraqtar saýlaıdy.

Jaraısyńdar balalar, taqpaqty jaqsy aıtyńdar.
Qyzyqtyrý sáti:
( kóńildi áýenge dúkenshi keledi, ándetip)
Dúkenshi: Sálemetsińder me balalar!
Ashyldy dúken, munda báriń qarańdar.
Bar qyzyqty tamashalap, nazar salyńdar!
Kójek, mysyq, kúshikte,
Tyshqan otyr buryshta.
Sender jaqsy kóretin,
Oıynshyqtardyń bári osynda.

Dúkenshi: Balalar qarańdarshy, meniń dúkenimniń sórelerinde ádemi oıynshyqtar kóp, senderge unady ma? Bul jáı dúken emes, oıynshyqtary da
erekshe. Oıynshyqtarmen oınap, olar jaıly taqpaq aıtyp bergendi jaqsy kóredi.

Biz erekshe balamyz,
Aıtqan tildi alamyz.
Oıynshyqtardy kórgende,
Qýana qarsy alamyz.
Sálem, sálem.

Dosym maǵan oıynshyq
Mashınasyn syılady.
Biraq onyń ishine,
Saýsaǵym da syımaıdy.

Mashına, mashına keledi,
Bizderge belgi beredi.
Bıp - bıp - bıp - bıp.

Qalany aralap,
Avtobýs keledi.
Bárimiz qydyrsaq,
Bizge sol keregi.

Dúkenshi: Taqpaqtaryń ádemi eken, jaqsy aıttyńdar. Jumbaq jasyrý:

Pesh túbinde qumǵan,
Eki kózin jumǵan.
Mysyq qandaı janýar?
Endi mysyq týraly kim maǵan aıtyp beredi?

Tikireıgen eki qulaǵy bar. Júni jup - jumsaq mamyqtaı. Et jeıdi, sút ishedi, tyshqan aýlaıdy. Murty uzyn, tyrnaǵy ótkir. Erte urady, beti - qolyn jýady, kerilip boıyn jazady.

Tátti kórse bas salar,
Aınymaıdy baladan.
Úlken bolyp jasqanar,
Kip - kishkentaı aradan.

- Bizdiń aıý ádemi, ol úlken, jabaıy ań. Aıýdyń júni jup - jumsaq, kózi qap - qara. Onyń tórt aıaǵy, eki qulaǵy bar. Men aıýmen oınaǵandy jaqsy kóremin.

Tárbıeshi: Óte jaqsy balalar, barlyǵymyz ornymyzdan turyp, aıý týraly taqpaq aıtyp jáne onda kezdesetin dybystardy anyq aıtýǵa yrysaıyq: Iý - ıý - ıý - ıý qorbańdaıdy aıý.

Aıý otyr partada,
Eki qoly qaltada.
«A» deıdi, «B» deıdi, «R»- ǵa tili kelmeıdi,
Uıyqtap qapty partada,
Bul ne degen masqara.

Tárbıeshi: Balalar ornymyzdan turyp, bizdiń súıikti oıynshyqtarymyzǵa arnap án aıtyp, boıymyzdy bir sergitip alaıyq.
Sergitý sáti: «Oıynshyqtar» áni

Tárbıeshi: Balalar, qane durys otyryp taqtadaǵy sýretke nazar aýdaraıyq.
Sýretten ne kórip tursyńdar? Balalar qandaı oıynshyqpen oınap júr? Qandaı oıyn oınap jatyr?
Áńgimeleý:
Balalar dop oınap júr.
Qaqpashy kirpi dopty ustaýǵa úlgermedi. Asan dopty qaqpaǵa tepti. Dop aqpaǵa kirdi gol soǵyldy. Balalar qýandy.
Doptyń pishini qandaı?
Dop ne isteıdi? (túsin, kólemin suraý)

Dop týraly taqpaq kim biledi?
Dobym, dobym, domalap
Alǵa syrǵyp júgirdiń,
Qaqpaǵa sen kirdiń.

Al, myna sýretten ne kórip tursyńdar?
- Samat úı qurastyryp otyr. Qasynda kran oıynshyǵy bar. Samat óskende qurylysshy bolǵysy keledi.
Taqpaq:
Oıynshyqtarym kóp meniń,
Bárin jaqsy kóremin.
Keshke deıin jalyqpaı,
Birge oınap júremin.

Tárbıeshi: Seıdasheva Janar Atyrhanqyzy
Oıynshyqtar dúkeni. júkteý