InfoHub Logo

Bir kisi saqalyn aldyrý úshin shashtarazǵa barady. Oryndyqqa jaıǵasyp saqalyn aldyryp otyryp áńgimelese ketedi. Ártúrli taqyrypta sóz qozǵalyp, sózden sóz shyǵyp, bir mezette Allah, din týraly áńgime ashylady. Sonda shashtaraz aıtady:

— Men sen aıtqandaı Allahqa senbeımin. Eger Allah bar bolǵanda munshalyqty dert qıynshylyqtarǵa dýshar, ómiri mashaqatqa toly adamdar bolmas edi. Tastandy sábıler, jesirler bolmas edi. Allah bar bolǵanda eshkimge qıynshylyq tarttyrmas edi...

Kelgen kisi qajetsiz pikirtalasqa kirgisi kelmegendikten úndemeı qoıa salady. Saqalyn aldyryp bolǵan soń ornynan turyp terezeden syrtqa qaraıdy. Dál sol mezette syrtta shashy saqaly ósip ketken adamdy kóredi. Shashtarazǵa qarap:

— Bilesiń be? Menińshe shashtaraz degen nárse joq, — deıdi.

— O ne degenińiz? Jan-jaqtyń bárinde shashtaraz qaptap tur.

— Joq. Óıtkeni shashtaraz bar bolǵanda kóshede shashy ósip ketken adamdar bolmas edi.

— Aldyńyzda turmyn emes pe shashtaraz bolyp, olar maǵan kelmese, meniń ne jazyǵym bar?

— Óte durys aıttyń! Sózdiń túıini de osy jerde. Allah bar, al adamdar oǵan bet burmaǵan bolsa, bul Oǵan burylmaǵandardyń tańdaýy. Dúnıede munshalyqty dert qıynshylyqtardyń bolýynyń sebebi de osy... Sondaı-aq sen aıtqan dertsiz, qıynshylyqsyz, urys-kerissiz, mashaqatsyz ómir jánnatta bolady. Bul dúnıe — synaq...

---