InfoHub Logo

Erte zamanda bastalǵan antıkalyq Gresıada bilim alýshylardyń bilim deńgeıin baǵalaýda aqyl-oı órisiniń damýyn jáne dene ıkemin baqylaıtyn ártúrli synaqtar júrgizildi. Al b.z.b. VI ǵasyrlarda Qytaıda memlekettik qyzmetke alýda úmitkerlerdiń aqyl-oıynyń deńgeıin baǵalaıtyn alǵashqy testter paıda boldy.

Alǵash ret 1884 jyly AQSH-da test materıaldy qamtylǵan test kitaptary shyǵaryldy. Onyń negizgi mazmuny matematıka, tarıh, navıgasıa, gramatıka pánderinen jınaqtaldy jáne bes kórsetkish jaýaptardan turdy.

Testileý júıesiniń qalyptasýyna aǵylshyn ǵalymy Frensıs Galton úlken úles qosty. 1901 jyly AQSH-da Testileý júıesi memlekettik deńgeıde qoldaý tapty. 1901 jyly 17 shildede kolejge túsý úshin testileý júıesi quryldy. 1926 jyly orta mektepke arnalǵan testileý júıesi quryldy. Al 1933 jyly Keńes elinde alǵash ret test tapsyryldy. Keıin 1992 jyly Qazaqstanda testileý júıesi engizildi. 1995 jyldan bastap stýdentterge «rýbejka» testi keńinen qoldanyldy. Al 1999 jyly keshendi testileý engizildi. Bul bilim granttaryn ádil bólýge jol ashty. 2004 jyly Ulttyq biryńǵaı testileý engizildi. UBT mektep túlekterin qorytyndy atestattaýy men joǵarǵy bilim uıymdaryna qabyldaý emtıhandaryn biriktirdi.

Al 2004 jyly Bilim jáne ǵylym mınıstri bolyp Jaqsybek Kúlekeev taǵaıyndaldy. Ol 2003 jyldyń 13 maýsymnan 2004 jyldyń 14 jeltoqsan aıyna deıin basqardy.

---