InfoHub Logo

Ertede bolystyqqa talasyp júrgen, tili ótkir, sózge sheshen Ábilqas degen kisi arnaıy kelip, Qarajan aýlyna at basyn tirepti. Qarajan osy óńirdegi aty shýly barymtashy, ury ustaıtyn adam bolsa kerek.

Kelgen qonaqty ol qol qýsyryp qarsy alyp, jolynan jyǵylmaı qoı soıyp, kútip alypty. As ústindegi áńgime-dúkenge Ábilqas tis jaryp aralaspaıdy. Qonaq attanǵaly jatqanda bul kelistiń tegin emes, salmaǵy bar ekenin sezgen jyryndy Qarajan:

— Ábeke, ádeıi kelgende buıymtaıyńyzdy aıtyp ketpeısiń be? — degen eken.

Sonda atqa yrǵyp qonǵan Ábilqas:

— Shyraǵym, alǵanyńdy bilseń, bergeniń sol emes pe? — dep attanyp ketipti. Qarajandy qaýmalap turǵan aýyldas, ıgi jaqsylary ań-tań bolyp, ańtarylyp qalypty. Tek úıge kirip jaıǵasqan soń ǵana Qarajan aqsaqaldarǵa qarap:

— Ábilqas bizdi qatyrdy. «Alǵanyńdy bilseń, bergeniń sol emes pe» degeni — talaı ret jylqymdy barymtalap aldyńdar. Úndegenim joq. Almaqtyń da salmaǵy bar. Endi saılaýda maǵan shar salasyńdar degeni, — dep jastyqqa jantaıa ketken eken.

---