Almaty oblysynda 8 jasar qyzdy qutqarǵan oqýshyǵa oblys ákiminiń bilim granty beriledi
Almaty oblysynda qyzdy pedofılden qutqarǵan oqýshyǵa oblys ákiminiń bilim granty beriledi. Bul sheshimdi oblys ákimdigi qabyldady.
Basyn qaýipke tigip, esh oılanbastan oqýshy qyzǵa arasha túsken Tımýrbek Jamalladınovtyń áreketine óńir basshylyǵy rızashylyǵyn bildirip otyr.
«Tımýrbek Jamalladınovtyń erligine barsha qazaqstandyqtar tánti. Ol jalǵyz ózi kishkentaı qyzdyń ómirin zorlyqtan saqtap qaldy. Mundaı batyl qadamdy biz nazarsyz qaldyra almaımyz. Túrgen aýylyndaǵy Qonaev atyndaǵy mektepte bilim alatyn balaǵa oblys ákiminiń bilim granty beriledi. Qazir ol 11-synypta oqıdy. Mektepti bitirip, qolyna atestatyn alǵannan keıin birden Qazaq ulttyq agrarlyq ýnıversıtetine qabyldanady», dedi Almaty oblysy ákiminiń orynbasary Jaqsylyq Omar.
Sondaı aq, óńir basshylyǵy pedofıldiń qurbany bola jazdaǵan 2-synyp oqýshysynyń jaǵdaıyn da nazarda ustaıtynyn jetkizdi. Qazir kishkentaı qyzǵa barlyq qajetti medısınalyq qyzmettiń kórsetilip jatqanyn aıtty.
Esterińizge sala keteıik, 14 sáýir kúni keshkisin Eńbekshiqazaq aýdanyna qarasty Túrgen aýylynda jantúrshigerlik jaǵdaı oryn ala jazdady. Abyroı bolǵanda, 11-synyp oqýshysy 8 jasar qyzdy zorlyqtan qutqaryp qaldy. Qazir aram pıǵylyn júzege asyrmaq bolǵan 32 jastaǵy kúdikti qolǵa túsip, qamaýǵa alyndy. Atalǵan fakti boıynsha QR QK 121-baby, 4-tarmaǵyna sáıkes sotqa deıingi tergeý jumystary júrip jatyr.
You Might Also Like
-
Májilis depýtaty Bekbolat Tileýhan UBT suraqtaryndaǵy óreskel qatelikterge jol bergenderdi jaýapkershilikke tartý boıynsha Bilim jáne ǵylym mınıstrine depýtattyq saýalyn joldady, dep QazAqparat...
-
Qarasy bar ákemde, Jańasy bar tátemde. Appaǵy bar anamda Ekeýi bar kókemde.
