Memlekettik bilim berý jınaqtaý júıesine suranys bar - Sabılánov
QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine Memlekettik bilim berý jınaqtaý júıesi máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
«2013 jyldan beri jumys istep kele jatqan Memlekettik bilim berý jınaqtaý júıesi ár azamatqa tehnıkalyq jáne kásiptik, orta bilimnen keıingi joǵary, sondaı-aq joǵary oqý ornynan keıingi bilim beretin qazaqstandyq oqý oryndary men sheteldik bilim berý oryndarynda oqýyna aqy tóleý úshin aqshalaı qarajatyn ekinshi deńgeıli bankterdegi depozıtterde josparly túrde jınaqtaýǵa múmkindik berdi. Bilim berý jınaqtaý salymdary boıynsha jınaqtalǵan qarajatqa memleket tarapynan syılyqaqy jáne ekinshi deńgeıdegi bankter tarapynan syıaqy beriletindigi óte mańyzdy. Búgingi kúni Memlekettik bilim berý jınaqtaý júıesiniń qajettiligi jáne oǵan azamattardyń tarapynan suranystardyń bar ekendigin senimmen aıtýǵa bolady. Degenmen ózgerip jatqan jaǵdaılar men ártúrli saladaǵy qazaqstandyq zańnamanyń ózgerýine baılanysty ózderińizge usynylyp otyrǵan zań jobasyn ázirleý qajettigi týyndady», - dedi depýtat Nurtaı Sabılánov zań jobasyn tanystyrý barysynda.
Osy oraıda ol zań jobasy «Memlekettik bilim berý jınaqtaý júıesi týraly» QR Zańynyń qoldanylýy aıasyna kiretin qatynastardy quqyqtyq retteýdi jetildirý maqsatynda ázirlengenin atap ótti.
Bul rette salymshylardy basym sanatqa jatqyzýdy rastaýǵa ýákilettik berilgen memlekettik organdardyń tizbesin keńeıtý arqyly basym sanat boıynsha (jetim balalar men ata-anasynyń qamqorlyǵynsyz qalǵan balalar) memlekettiń syıaqysyn alý quqyǵyn iske asyrýdy kózdeıtin qadamdar qamtylǵan. Sonymen qatar memlekettik syılyqaqysy túrinde esepteletin búdjet qarajatyn tıimdi paıdalaný, sondaı-aq durys emes málimetter anyqtalǵan jaǵdaıda burynǵy kezeńderdegi artyq eseptelgen memlekettiń syıaqylaryn búdjetke qaıtarý eskerilgen.
«Memlekettik bilim berý jınaqtaý júıesine qatysýshy bankterge qoıylatyn oblys ortalyqtarynda jáne Astana men Almaty qalalarynda bank fılıaldarynyń bolýy talabyn alyp tastaý arqyly MBJJ-ge qatysýshy bankterdiń sanyn kóbeıtýdi kózdeıtin ózgerister enigizildi. Bul halyqtyń bilim berý jınaqtaý salymyn ashýyna múmikindigin arttyrady, qolaıly jaǵdaı týdyrady», - dedi depýtat.
You Might Also Like
-
Almaty oblysy, Uıǵyr aýdany №4 Shonjy orta mektebi Synyp jetekshisi: Kýdjakýlova Almagýl 4 synyp oqýshysy Ǵalym Aqmaral
-
Uıa saldy kóktemde, Qos qarlyǵash ushyp kep. Bitkenshe uıa tynbady, Ary-beri ushyp kóp.
