InfoHub Logo

Almatyda uzaq ýaqyttan beri alǵash ret 1-9 synyptardyń oqýshylary úshin sabaqtar toqtatylady, dep qalalyq ákimdiktiń baspasóz qyzmeti habarlaıdy.

Almaty qalasynyń Bilim basqarmasynyń habarlaýynsha, 26 qańtar kúni Almaty mektepterinde 1-9 synyp oqýshylary arasynda sabaqtar toqtatylady.

«2018 jyldyń 26 qańtarynda aýa temperatýrasynyń 25 gradýstan tómen bolýy saldarynan Almaty qalasynyń mektepteriniń 1-9 synyptarynda sabaqtar toqtatylady», delingen Bilim basqarmasynyń habarlamasynda.

Aıta keteıik, búgin 25 qańtar kúni Almatynyń birqatar mektepterinde bastaýysh synyptardyń sabaqtary toqtatylǵan bolatyn. Olar: Alataý aýdany «Zará-Vostok» yqsham aýdanyndaǵy №150 mektebi, Bostandyq aýdany Nurlytaý yqsham aýdanyndaǵy №190-shy jáne «Qazaqfılm» yqsham aýdanyndaǵy №88, №70 mektepteri. Sonymen qatar, Bilim basqarmasynyń sheshimimen Naýryzbaı aýdany Qaraǵaıly yqsham aýdanyndaǵy №192 mektep pen Medeý aýdany Alataý aýylyndaǵy №7 mektepte bastaýysh synyptary mektepke barmady.

Lázzát Jylqybaevanyń aıtýynsha, bul mektepter Almatynyń taýǵa jaqyn yqsham aýdandarynda ornalasqan. Keshe Almaty qalasy boıynsha TJD baspasóz qyzmetiniń jetekshisi Sandýǵash Baımýhambetova -25 gradýs aıazǵa ekpindi jel qosylǵanda Almaty mektepterindegi bastaýysh synyptarda sabaq toqtatylatynyn eskertken bolatyn.

---