Almatyda úsh balany órtten qutqarǵan 5-synyp oqýshysy marapattalady
Marapattaý rásimi 2016 jyldyń 2 aqpanynda Uljan-1 yqsham aýdanynda ornalasqan № 152 mektep-gımnazıasynda bolady.
«2015 jyldyń 11 qarashasynda 12 saǵat 04 mınýtta Almaty q. Alataý aýdanynyń, Uljan-1 yqsham aýdanyndaǵy Tákejanov kóshesi boıynda ornalasqan № 64 turǵyn úıde órt shyǵyp jatqandyǵy týraly habar kelip tústi. Úıde sol sátte 2004 jyly týǵan Satybaldy Danıar Aıdynuly, 2007 jyly týǵan Satybaldy Gúlmıra Aıdynqyzy, 2008 jyly týǵan Satybaldy Dınara Aıdynqyzy jáne 2012 jyly týǵan Satybaldy Damır Aıdynuly bolǵan. Al eresekterden eshkim bolmaǵan. Órt saldarynan bólmeler tútinge tola bastaǵan. Sol arada Satybaldy Danıar terezeniń áınegin syndyryp, baýyrlaryn osy tereze oıyǵy arqyly alyp shyǵyp, tilsiz jaýdan qutqaryp qalady. Eń sońynan tereze arqyly ózi shyǵyp jatqan sátte sol jaq jambasynan jaraqat alady. Kámeletke tolmaǵan Satybaldy Danıar Aıdynulynyń der kezinde jasaǵan batyl is-áreketiniń arqasynda kámeletke tolmaǵan úsh balanyń ómiri aman alyp qalyndy.
Adam ómirin qutqarýda erlik jáne janqıarlyq tanytqany úshin Satybaldy Danıar Aıdynuly QR İshki ister mınıstriniń 2016 jylǵy 8 qańtardaǵy buıryǵymen «Tótenshe jaǵdaıdaǵy erligi úshin» tósbelgisimen marapattaldy», - delingen habarlamada.
You Might Also Like
-
Qazaqstan Respýblıkasynda 2015-2016 oqý jylynyń basyna 127 joǵary oqý orny jumys isteıdi, ondaǵy stýdentterdiń jalpy sany - 459 369 adamdy qurap otyr. Sonyń ishinde bakalavr dárejesine oqıtyndar san...
-
Torontolyq rejıser Rob Spens ózin arnaıy beınekamera ornatylǵan kóz almasynyń protezine úıretti,-dep habarlaıdy NewYork Times
