InfoHub Logo

Qazaqstan Respýblıkasynda 2015-2016 oqý jylynyń basyna 127 joǵary oqý orny jumys isteıdi, ondaǵy stýdentterdiń jalpy sany - 459 369 adamdy qurap otyr. Sonyń ishinde bakalavr dárejesine oqıtyndar sany - 414 772, joǵary arnaıy bilim alyp jatqandardyń sany 39 344 adamdy quraıdy. Bul týraly QR Ulttyq ekonomıka mınıstrligi Statısıka komıtetinen habarlandy.

Keltirilgen málimetterge qaraǵanda, menshik túrine qaraı joǵary oqý oryndarynyń 50-i memlekettik bolyp tabylady, olarda  216 879 stýdenttti quraıdy. Oqıtyndardyń jalpy sanynan qyzdardyń úlesi 55,9 paıyz, jigitterdiń úlesi 44,1 paıyzǵa teń.

Sonymen qatar, memlekettik bilim granttarynyń jáne bilim berý tapsyrysy esebinen 137 778 adam bilim alýda, bul stýdentterdiń 30 paıyzyn quraıdy, aqyly negizde  316 338 adam  oqıdy. Al kúndizgi bólimde bilim alatyndardyń úlesi 78 paıyz bolsa, 15,4 paıyzy - syrttaı, 6,6 paıyzy keshki túri boıynsha oqıdy.

«Memlekettik tilde oqıtyn stýdentterdiń úlesi 62,7 paıyzdy, orys tilinde 34,3 paıyzdy jáne aǵylshyn tilinde oqıtyndar 3 paıyzdy quraıdy. Sonymen qatar, respýblıkanyń joǵary oqý oryndarynda 85-ten astam ult ókili bilim alady. Olardyń ishinde qazaqtardyń úles salmaǵy 85,1 paıyz, orystar - 7,7 paıyz, ózbekter - 2,2 paıyz,  tatarlar jáne ýkraındar - 0,6 paıyz, ózge ulttar  3,8 paıyzdy qurap otyr», - delingen baspasóz baıanynda.

Aıta keterligi, joǵary oqý oryndarynda shtattaǵy profesorlyq-oqytýshylyq quramnyń sany 38 087 adam bolyp tabylady. Onyń ishinde qosa atqarýshylyq qyzmet boıynsha 5 250 oqytýshy jumys isteıdi. Jalpy profesorlyq-pedagogıkalyq quramnan ǵylym doktory - 9,4 paıyz, ǵylym kandıdaty - 37,7 paıyz, profesor dárejesi - 6,1 paıyz  jáne dosent ataǵy bar - 17,1 paıyz. Magıstr akademıalyq dárejesi bar oqytýshylardyń sany - 10 108 adam nemese 26,5  paıyz, fılosofıa doktory (PhD) jáne beıin boıynsha doktor - 1 273 adam nemese 3,3  paıyzǵa teń.

---