InfoHub Logo

Almatylyq pedagogtar jańartylǵan bilim mazmunyna sáıkes bolý úshin biliktiligin kóterip jatyr.  Muǵalimderdiń biliktiligine qatysty máselelerdi  búgin Almaty óńirlik komýnıkasıalar qyzmetinde «Órleý» biliktilikti kóterý ulttyq ortalyǵy AQ Almaty bólimshesiniń tóraıymy Raısa Sadýaqasova aıtty.

Byltyrǵy jańalyqtardyń biri retinde fızıka, hımıa, ınformatıka, bıologıa pánderin aǵylshyn tilinde júrgizýge basymdyq berilgen bolatyn.

Osy oraıda ustazdar aǵylshyn tiliniń kýrsyn oqydy.

Olarǵa eki baǵdarlama boıynsha: jańadan úırenip jatqan 36 adamǵa - 640 saǵat, jalǵastyratyn 18 adamǵa 470 saǵat berilgen bolatyn.

«18 muǵalim 2010 jyldan beri eksperımentte boldy. Bizben birge bastaǵan bolatyn. Olardyń deńgeıi qazir V1-ge jetip qaldy. Keıbir tereń biletin muǵalimder S1 deńgeıin baǵyndyrdy. 640 saǵatty oqyp shyǵý úshin 4 aı ýaqyt kerek. Tek qana teorıa emes, praktıkalyq sabaqtar ótedi. Oqý bitken soń túlekter bizdiń ınstıtýtta aptasyna eki ret trenıń, semınarlarǵa qatysyp turady. Bizdiń ınstıtýtta  aǵylshyn tilinde sóıleıtin mamandar bar», - dedi Raısa Sadýaqasova.

Osy baǵytta atalǵan ınstıtýt 2010 jyldan beri jumys jasap keledi.

Qazir bilim alǵan muǵalimder sabaqtaryn  CLIL metodıkasy boıynsha júrgizip keledi.

Olar www.almaty-pkso.kz saıtynan oqytý vıdeolaryn, sabaq ýaqyttaryn, ádistemelik nusqaýlyqtardy kóre alady.

Órleý ınstıtýty byltyr 120 kýrsta 3642 muǵalimdi oqytty. Alǵashqy jartyjyldyqta 2475 muǵalim oqytyldy.

Al bıyl jańa bilim mazmuny boıynsha 81 kýrsta 2 241 adam oqydy.

«2018 jyly mektepke deıingi synyptardy Býkvar men Álippeden beretin 125 muǵalimdi oqytý týraly,  matematıka, fızıka, hımıa, bıologıadan beretin 125 muǵalimniń kásibı biliktiligin damytý, «Ólketaný» sabaǵy boıynsha muǵalimderdi daıarlaýǵa memlekettik tapsyrys tústi»,- dedi Raısa Sadýaqasova.

Al jekemenshik mektep muǵalimderine kelsek, olar biliktiligin aqyly túrde arttyrady. Olarǵa memlekettik tapsyrys qarastyrylmaǵan.

Búginde 400 jekemenshik mektep muǵalimi  biliktiligin arttyrýdan ótken.

QazAqparat

---