InfoHub Logo

Atyraýda alǵash ret sheteldik «International Education Fair» JOO-nyń iri kórmesi ótýde. Eki kúndik bilim kórmesiniń alǵashqy kúninde 2 myńǵa jýyq atyraýlyq bilim granttarymen tanysty.

Kórmeniń ashylý saltanatyna QR Bilim jine Ǵylym mınıstrliginiń jaýapty hatshysy Aryn Órsarıev, Halyqaralyq baǵdarlamalar ortalyǵynyń prezıdenti Janbolat Meldeshov qatysty.

Kórmeniń maqsaty - halyqaralyq bilim berý jobalaryn iske asyrýda tájirıbe almasý, jastar men mamandardyń bilim sapasyn arttyrý jáne halyqaralyq yntymaqtastyqty keńeıtý.

Kórmede 40 memleketten kelgen 200 sheteldik ýnıversıtet ókilderi 20 myńǵa jýyq sheteldik granttar usynýda. Sharaǵa AQSH, Ulybrıtanıa, Eýropa, Azıa jáne TMD elderi, til mektepteri, bilim berý agenttikteri jáne halyqaralyq baǵdarlamalardyń ókilderi, sondaı-aq oqýshylar, stýdentter, ata-analar jáne ózge de shet elde bilim alýǵa nıet bildirýshiler qatysty.

«Halyqaralyq baǵdarlamalar ortalyǵy, ıaǵnı, «Bolashaq» baǵdarlamasynyń basty ákimshiligi jyl saıyn Astana, Almaty qalalarynda halyqaralyq bilim jármeńkesin ótkizedi. Atyraýda bul kórme alǵash ret ótýde.

Ár ýnıversıtettiń ózindik ereksheligi, ózindik talaptary bar. Qatysýshylar ózderiniń bilim alýǵa degen qyzyǵýshylyqtaryn kórsetip, kórme óte joǵary deńgeıde ótýde. Barlyq stýdentterdi, oqýshylardy, bakalavr, magıstratýra, doktorantýra baǵdarlamasy boıynsha sheteldiń eń úzdik ýnıversıtetterine tegin bilim alýǵa shaqyramyz,- deıdi «Halyqaralyq baǵdarlamalar ortalyǵy» AQ Halyqaralyq jobalar iske asyrý basqarmasynyń basshysy Aıdana Sádibekova.

Aıta keteıik, kórmeniń Atyraýdaǵy jumystary 13 qarashaǵa deıin sozylady. Sonymen qatar, Astana qalasynan bastaý alǵan bilim kórmesi 17 qarashaǵa deıin Almaty, Shymkent qalasynda jalǵasyn tabady.

---