InfoHub Logo

Osy apta da ál-Farabı atyndaǵy Qazaq Ulttyq ýnıversıteti, jýrnalısıka fakúlteti, Baspasóz jáne Elektrondy BAQ kafedrasynyń uıymdastyrýymen "Altyn qalam" 1 jáne 4 kýrs stýdentteri qatysýymen saltanatty keshi ótti.

Jyldaǵy dástúrli úrdis boıynsha 1 kýrs stýdentteri óz ónerlerin kórsetti.

Bul sharada Respýblıkalyq aıtystardyń jeńimpazy Beksultan Daryn óz jyr shashýymen sharany ashyp, tóbe kórsetse, Madıar Bolysbek qazaqtyń qara dombyrasymen "Álqıssa" kúıin naqyshyna keltirip oryndap, Gúlaına Amangeldi Rınat Zaıytovtyń "Qazaqpyn men dep maqtanamyn" óleńin erekshe tebirenispen oqydy. 
 
Shara barysynda Aqparat jáne komýnıkasıalar departamentiniń mamandary, dekannyń ǵylymı-ınnovasıalyq jumys jónindegi orynbasary Q.N.Mysaeva, Baspasóz jáne Elektrondy BAQ kafedrasynyń meńgerýshisi G.S.Sultanbaeva, kafedra oqytýshylary 1 kýrs stýdentterine júrekjardy tilekterin tilep, úlken úmit artyp otqandarynan habardar etti.
 
Jańadan ashylǵan Farabı teatry bul keshten kende emes edi. Teatr jetekshisi Álqýat Talǵatuly stýdentterge áser etetin qoıylym qoıyp, sóz sońynda "Armandaryńyzdan bas tartpańyzdar!"-dep túıindedi.
 
Kesh sońynda, 4 stýdentteri Meıirjan Jibek pen Zıneshov Jaqsylyq 1 kýrs stýdentterin  qara shańyraqqa qadam basýlarymen quttyqtap, jazarlaryńyz taýsylmaı, qalamdaryńyz muqalmasyn degen izgi nıetpen "Altyn qalamdy" tabys etti.1 kýrs stýdentteri "Altyn qalamdy" qabyl alyp, bilim shyńynan kórinýge, el ıgiligi úshin básekege qabiletti maman bolyp shyǵýǵa ýáde berdi.

Baqbergen Nuraı 
Ál-Farabı atyndaǵy QazUÝ  Jýrnalısıka fakúltetiniń 1 kýrs stýdenti

---