InfoHub Logo

Qabyl ǵyp Alla tilekti, qýanta bersin júrekti.
«Altyn toıym bolǵaı», dep tileýmen qansha kún ótti.
Tilekti Alla bergeni, toıyń ótip dúbirlep, osynsha jannyń kelgeni.
Baqytty jandar bolyńdar, mereıi bıik eldegi.
Arýaqtar qoldasyn, jamandyq eshbir bolmasyn.
Dáýletiń tasyp budan da, tepseń ketpes basyńa baıandy baqyt ornasyn.
Uzaq bolyp jastaryń, qyzyǵyn kórip urpaqtyń, ashyq bolsyn aspanyń.
Balalar qýanysh ákelsin, nemereler jubanysh ákelsin.
Oryndaryń tór bolsyn, dastarhanyń mol bolsyn.

*** *** *** ***

Altyn toıǵa jetken bar, jetpegen de bar! Alla ózi iriktep, bul kúnge altyn júrekti, altyn minezdi adamdardy ǵana jetkizedi eken! Tórdegi altyn adamdarymyz aman bolsyn! Altyn toı alǵa jeteleı bersin! Bárimizde altyn toıǵa jeteıik!

*** *** *** ***

Altyn toı tikken otaý qarǵa qonsyn,
Aq júziń alaqandaı nurǵa tolsyn.
Mustajap meniń batam qabyl bolsa,
Úıińe Qydyr ata kelip qonsyn.
Qara sý mal jerıdi laıyńnan,
Tileı kór kúnde tilek Qudaıyńnan.
Mal basyń dáýletińmen birdeı ósip,
Táńirim aıyrmasyn jubaıyńnan.
Shyraǵym qadirli eken kere basyń,
Aýyzda bal tatıdy bergen asyń.
Mustajap meniń batam qabyl bolsa,
Aldyńnan aı-kún týyp jarylqasyn.

*** *** *** ***

Altyn toıdyń dastarhany,
Dastarhany mol bolsyn.
Berekeli qol bolsyn,
Toıǵa kelgen qonaqtyń
Bárine sátti jol bolsyn.
Tilekteriń oń bolsyn,
Juqarmaıtyn qoń bolsyn,
Ekeýińniń kıgeniń
Altyn jaǵaly ton bolsyn.
Nemereńdi ósirip,
Shóbereńdi jetektep,
Shashqan Alla yrzyǵyn,
Tere bersin etektep.
Qut bolyp meken-turaǵyń,
Jaıqala bersin quraǵyń,
Laılanbasyn bulaǵyń,
Jarqyraı bersin shyraǵyń.
Jastaryń júzge jetkenshe,
Tarqamasyn qumaryń.

*** *** *** ***

Altyndaı baǵaly bolyńdar.
Qundyzdaı jaǵaly bolyńdar,
Kúmisten taǵaly bolyńdar.
Órkendegen urpaǵyńnyń
Úzilmes sabaǵy bolyńdar.
Júrekti týǵan uldardyń
Aqylshy jaraǵy bolyńdar,
Aı júzdi appaq qyzdardyń
Som altyn taraǵy bolyńdar.
Qaıda júrseń jolyń bolsyn,
Úıińe Qyzyr qonsyn.
Dáýletke dáýlet qosylyp,
Kóńiliń asyp-tolsyn.
Júdemeı júzge jetińder,
Ómirden armansyz ótińder.

---