InfoHub Logo

Keledi jyr syılaǵym, gúl syılaǵym,
Janymnyń jaıyp salyp tylsymdaryn.
Mahabbat bop mazdaǵan myna ǵalam,
Baqytty januıanyń bilsin baryn.
 
Ketken be shırek ǵasyr jyljyp ótip,
Qýantty qyzǵaldaqtaı ul-qyz ósip.
Aǵamyz alaqanda aıalaýda,
Aq gúldeı asyl jaryn úlbiretip.
 
Qabaǵynan túsinip er kóńilin,
Jabyrqatqan kezi joq janserigin.
Jeńgemiz jıyrma bes jyl boldy báıek,
Aǵanyń kóterýmen erkelegin.
 
Assaq ta tirshilktiń san asýyn,
Taýsylmas armany adam balasynyń.
Kúmbirli kúmis toılar aıǵaqtaıdy,
Júrek pen júrekterdiń jarasymyn.
 
Jyljyǵan bul ýaqytta daýa bar ma,
Jetelep bara jatyr zaman alǵa.
Aq bosaǵa esigin ımene ashqan,
Kúmis toı jas dáýrendi salady oıǵa.
 
Alda áli dýmandatar saıran kóp kún,
Kúlimdep kúmis toıǵa jaınap jettiń.
Kúmis toı – altyn toıǵa esik ashyp,
Kúnderiń shalqyp-tasyp toımen ótsin.

*****  *****  *****  *****  ******  ******

Kúmis toıǵa aman-esen jetý úshin er tózimdi temir, zaıyp minezi altyn bolý shart eken. Bul ekeýiniń boıyna da osy eki minez uıalaǵan. Dál osyndaı qarqynmen, tamasha qasıetterińdi sarqyp almaı, altyn toılaryńa jetýlerińe tilektespiz!

*****  *****  *****  *****  ******  ******

Qutty bolsyn kúmis toı –
Toı degeniń yrys qoı.
Altyn jamby bersem de
Ekeýińe durys qoı.
 
Kúmis toıdyń aıaǵy
Altyn toıǵa jalǵassyn,
Jarqyrasyn jandaryń
Júzindeı aq almastyń.
 
Tası bersin dáýletiń,
Jarasyp sán-sáýletiń.
Syıly bolyp bastaryń,
Júzge jetsin jastaryń.

*****  *****  *****  *****  ******  ******

Jıyrma bes jyl qut bop kelgen shańyraq,
Baq juldyzyń tursyn kókte jamyrap,
Altyn toıyń bolsyn taǵy osyndaı,
Bir Qudaıym tilegińdi qabyl ap.
Mereıleriń óse bersin budan da,
Jaqsylyqtyń kúte bersin kúni alda.
Altaıdaı sylańdasa jan jaryń,
Óziń uqsa shabyttanǵan qyranǵa.
Kóre bergeı urpaǵyńnyń qyzyǵyn,
Ǵumyr joldyń bersin Alla uzynyn,
Baq-dáýletiń darıadaı tasqyndap,
Berekesi bolsyn dám men tuzyńnyń.
Qýanyshpen ótsin barlyq toılaryń,
Oryndalsyn maqsattaryń, oılaryń,
Júzge jetip ajyramaı juptaryń,
Bal ómirdiń qyzyǵyna toımaǵyn.

*****  *****  *****  *****  ******  ******

Kúmis toıyń kúmisteı jarqyldasyn,
Dáýletińniń bulaǵy sarqylmasyn,
Arǵymaǵy armannyń alqynbasyn.
Qabyl bolyp tilegiń, jaqsy atyńmen
Alys-alys jerlerge dańqyń barsyn.
Aman bolsyn urpaǵyń, bala-shaǵań,
Ajyrama kúlkiden, tamashadan.
Úıir-úıir esepsiz jylqy bitip,
Kúmpildesin kúnimen qara sabań.
Eshqashanda ońbasyn dushpandaryń,
Ekeýińniń janyna jara salǵan.
Altyn toıyń taǵy da bola bersin,
Bastaryńa baq qusy qona bersin.
Toqsan asyp ekeýiń júzge jetip,
Kóńilderiń osylaı tola bersin!

---