InfoHub Logo

Balalarǵa 8 - naýryz halyqaralyq meıramy ekeniń uǵyndyra otyryp, analaryn eshqashan renjitpeýge, qolǵanat bolýǵa, árqashan qurmetteı bilýge tárbıeleý.

Júrgizýshi: Qymbatty balalar, súıikti apalar, analar!
Búgin biz kóktemniń alǵashqy merekesi kúni ásem zalǵa 8 - naýryz analar merekesin toılaýǵa jınalyp otyrmyz. Merekelerińiz qutty bolsyn!
Ana, ana osy qasıetti sózde qanshama mol meıirim, asyp tógiler mol qýanysh bar! Kóktem báısheshegindeı qulpyryp, kúndeı kúlip júre berińizder!
Bala, bala, bala dep,
Túnde shoshyp oıanǵan
Tún uıqysyn tórt bólip,
Túnde besik taıanǵan.
Qaımaqty sútteı qalqytqan
Sýyq bolsa jórgegi
Qorǵasyndaı balqytqan
Aınalasyna as qoıyp,
Ózendi kóldeı shalqytqan.
Qolyn qatty tıgizbeı,
Iisin jupar ańqytqan

Júrgizýshi: Qurmetti apalar, qadamdaryńa gúl bitsin, sizderge arnalǵan merekemizdi bastaımyz.
Búgin naýryzdiń 8 - i
Sulýlyqtyń negizi
Ádemi sóz adamnyń
Anaǵa aıtar lebizi.
Taqpaqtar:
Nurasyl: Sizderden ósken balalar
Batyrlar men danalar
Quttyqtaımyz meırammen
Qurmetti bizdiń analar
Aıajan: Toı perdesin ashaıyq
Toıǵa shashý shashaıyq
Analardy qurmettep
Án marjanyn shashaıyq
Qushaǵyna kirgende
Jylynamyn bir demde
Ne jetedi kózińe
Meıirimdi kúnnen de

Sanjar Jóleken: Qutty bolsyn, anashym,
Qutty bolsyn merekeń!
Darıa: Anam meniń «Kúnim» deıdi
Men qýansam kúlimdeıdi.
Qaınar: Aq anashym, appaǵym,
Óziń jaıly taqpaǵym,
Óziń jaıly ánim de,
Arnadym saǵan bárin de.
Amına: Anam meniń «Aıym»deıdi
Men muńaısam «ýaıym» jeıdi.
Bı: Shójelerim.
Júrgizýshi: Búgingi mereke kúni ájelerimizdi de merekelerińizben quttyqtaımyz. «Qarıasy bar úıdiń, qazynasy bar» dep beker aıtylmaǵan. Kelesi quttyqtaýlarymyz sizderge arnalady qurmetti ájeler.
Taqpaqtar:
Káýsar: Meni jaqsy kóredi,
Kúndeı kúlip júredi,
Kóp ertegi biledi,
Maǵan aıtyp beredi.
Nurjan: Álpeshtegen aıalaǵan
Aq sút bergen apataıym.
Sálem jazyp búgin saǵan,
Meıramyn men quttyqtaımyn.
Maǵzum: Meniń ájem meıirban,
Meni jaqsy kóredi.
Qajetine jarasam,
Jas balasha kúledi.
Sanjar Joldyǵalı: Ár sózimdi jattaǵan,
Júregimde saqtaǵan,
Anashym dep maqtanam,
Aınalaıyn aq mamam.
Bekjan: Aq qabaqty anashym,

Oıyn:»Kim tez gúl teredi?»
Esik qaǵylyp kók kóılek kıgen Arý kóktem kirip keledi.
Arý kóktem:
Men kóńildi kóktemmin,
Byltyr kelip ketkenmin.
Kózin ashyp bulaqtyń,
Túbine tal ekenmin.
Gúl bop qyrda egilem,
Dán bop jerge sebilem.
Jańbyr bolyp jaýam da,
Nur bop kókten tógilem.
Shýaǵyn tógip álemge.
Jylýyn kúnniń ákelem.
Tabıǵattyń tósine tirshiligin syılaımyn.
Júrgizýshi. Amansyń ba, Arý kóktem? Ulan - baıtaq jerimizge qosh keldińiz. Shýaǵyńdy shattandyryp, nuryńdy mol tóge ber.
Kóktem: Mynaý meniń qushaǵym toly qyr gúlin, gúldeı jaınaǵan qyzdarǵa syılaǵym kelip otyr.- dep gúlderdi taratady. Osy gúldeı, qulpyra berińder, aıaýly analar, ájeler, merekelerińiz qutty bolsyn!
Júrgizýshi: Al, Arý kóktem bizdiń balalarymyzdyń ózińe arnalǵan.

Arý kóktem: Balalar senderge arnalǵan tapsyrmalarym bar
1tapsyrma:
Maǵan analaryńa arnalǵan qýanyshtaryńdy tilekterińdi qalaı jetkizesińder sony aıtyp berińdershi!
Júrgizýshi: Ananyń árbir sózi jylylyqqa toly. Ananyń kóz nury, meıirimi tastaı muzdy da jibitedi. Súıikti analar, sizderge degen balalarymyzdyń jyly lebizderin qabyl alyńyzdar.
Taqpaqtar:
Baný: Anamdy men jaqsy kórem,
Aıtqan tilin alyp júrem.
Qasymda anam júrgende
Shattanyp oınap kúlem.
Nazerke: Qýanyshy balanyń
Bizdi ósirgen anashym.
Saıa: Senen ósken balalar,
Batyrlar men danalar
Quttyqtaımyz meırammen
Qurmetti analar.
Gúljan: Shashymdy órip taraǵan,
Qabaǵyma qaraǵan
Úlken kishi demeıdi,
Syılaıdy ony bar adam.
Mýzyka shyǵady:
Arý kóktem: O qandaı ádemisińder keremet
2tapsyrma
Án shashýyn bılerińdi kóreıin dep turmyn
Tárbıeshi: Balalar búgin bizdiń merekege taǵy bir qonaq kele jatqan sıaqty.
Kóńildi mýzyka yrǵaǵymen Saıqymazaq kirip keledi.
Saıqymazaq: Jan - jaǵyma qarasam,
Qonaqtar óte kóp eken.
Uldar da kóp, qyzdar da kóp
Apaılarda munda kóp
Men saıqymazaqpyn,
Aqylyma kórkim saı.
Unaımyn jurttyń bárine
Úlkenge de, kishige.
Kelip qaldym men búgin,
Quttyqtaýǵa sizderdi.
Analardy, qyzdardy
Súıikti ájelerdi.
Tárbıeshi: Rahmet, saǵan Saıqymazaq!
Sharty: Balalar shelekten jýylǵan bet oramaldardy alyp berip turady, al ákeler jipke iledi. Birinshi bolǵan top shelekterin qoldaryna alyp oryndyqqa otyrady.
Aıananyń oryndaýynda án «Qoshaqanym»
Ata - analarǵa quttyqtaý sóz kezegin berý
Tárbıeshi: Súıkimdi ǵoı balalar
Ónerli ǵoı barshasy
Mine, osyndaı qoıylym
Kórsetti «Dostyq» baqshasy.
Qurmetti analar men ájeler! Sizderdi «Erketaı» tobynyń búldirshinderi atynan shyn júrekten quttyqtaımyz. Aıaýly analarymyz, ardaqty ájelerimiz, súıkimdi balalarymyz árqashan aman bolsyn
Uldar hormenen:
Dostyqty biz oılaımyz
Birge kúlip oınaımyz
Qyzdardy da quttyqtap
Merekeni toılaımyz dep qyzdarǵa syılyqtaryn tabys etedi.