InfoHub Logo

Álemdegi eń sulý jáne eń keremet ataý – «Ana». Onyń qadiri men qasıetin túsinip bitý múmkin emes. Óıtkeni tún uıqysyn tórt bólip, siz úshin ól-ólgenshe janyn beretin ananyń balaǵa degen mahabbaty máńgilik, sheksiz. Alǵash kózińdi ashqan kezde baýyryna basyp, «balam» degen anańnyń áldıi, baryn berip joǵyna qanaǵat tanytqan – anań. Dúnıede ana mahabbatynan qasıetti nárse joq. Ananyń alaqany – biz úshin eń jyly uıa. Ananyń jany sondaı náp - názik, meıirimdi jan ǵoı. Tún uıqysyn tórt bólip, shyryldasań ýatyp, álpeshtep, jyryn aıtyp,kıimińdi tazalap, dámdi as ishkizip mápeleıdi, erkeletedi, qanattyǵa qaqtyrmaı, tumsyqtyǵa shoqtyrmaı ósirip, baǵyp – qaǵady. Men anama qansha alǵys aıtsam da, ómir boıy anama qaryzdarmyn. Sebebi ol meni toǵyz aı, toǵyz kúnde júreginiń astynda aman saqtap, jaryq myna keremet ómirdi syılady.Mekkege jeti ret arqalap aparǵannyń ózinde qaryzyn óteı almassyń.  Ana sıaqty baqytyńdy oılap, tabanyńa kirgen tikendi mańdaıyna kirgenin qalaıtyn adam joq. Shyn baqytyńdy oılap, janyn qurban etýge daıar jalǵyz adam ol — ana. Ana – úıdiń berekesi, qyz balanyń ónegesi, sharýanyń nesibesi. Ananyń kózinen nur tógilip, jan-jaǵyna shýaǵyn tógedi. Osy shýaqpen jylynyp, asyl ananyń qushaǵynda meıir alyp júrgen biz – altyn anany máńgi qasterlep, eńbegin baǵalaıyq. Sebebi adam ómirde «adam» bolǵysy kelse, aldymen anany qasterleı bilýi kerek emes?!Kez kelgen adamnyń ádeptiligi men jan-dúnıesiniń sulýlyǵy eń aldymen balaǵa aq sútin berip, álpeshtep ósirgen ana júreginiń jylýynan bastalady. Bala boıyndaǵy eń jaqsy qasıetter de eń aldymen anadan taraıdy. Álemdegi eń keshirimdi, eń meıirimdi jan – ana. Ana balasy qandaı qatelik jasasa da keshiredi. Onyń meıirimdiliginde shek joq. Ana bolý - búkil ómirine ketetin rýhanı kúsh pen eren eńbek. Óz balasyn baǵyp-qaǵýda ana ózin-ózi umytyp, barlyq kúsh-jigerin perzentine jumsaıdy, ol arqyly ony jany nurlana, nárlene túsedi. Anany barynsha qurmet tutyp, qasterleý árbir balanyń boryshy. Ananyń meıirimi jan-jaǵyna óz shýaǵyn tógedi. Osy shýaqpen jylynyp, asyl ananyń qushaǵynda meıirim alyp júrgen barsha adamzat analardy máńgi ardaqtap, aıalaı bilse, budan asqan baqyt joq shyǵar.

Avtory: Nurjigit Balnur, Qazaqstan tarıh kafedrasynyń dosenti Djoldybaeva Ý.M

---