InfoHub Logo

Qazirgi kúnde elimizde kóptegen joǵarǵy oqý oryndary jalyndy, jigerli jastarǵa ár saladaǵy mamandyqtar boıynsha bilim berip jatyr. Solardyń ishinde eń úzdik bilim berý oshaqtarynyń biri, ári biregeıi - qara shańyraq ál-Farabı atyndaǵy Qazaq Ulttyq Ýnıversıteti.
Ýnıversıtetimizdiń negizi 1934 jyly qalanyp, 88 jyl boıy jastardy bilim nárimen sýsyndatyp, naǵyz bilikti mamandardy daıarlap keledi.  Búginde ýnıversıtettiń 14 fakúltetinde 32000 myńnan astam stýdent bolashaq bilikti maman bolýǵa daıarlanyp jatyr. Bilim alýshylarǵa barlyq jaǵdaı jasalǵan. Jalpy aýmaǵy 100 gektardy alyp jatqan QazUÝ qalashyǵynda Ó. Joldasbekov atyndaǵy stýdentter saraıy, "Keremet" stýdentterge qyzmet kórsetý ortalyǵy jáne medısınalyq ortalyq, kompúterlik ortalyq, jataqhanalar, Jas ǵalymdar úıi, sport kesheni men stadıon, sonymen qatar, maqtanyshymyzǵa aınalǵan, TMD elderindegi jalǵyz aýqymdy "ál-Farabı" kitaphanasy  stýdentter ıgiligi úshin jumys jasap keledi. Kitaphana sabaq oqýǵa óte jaıly, kópshilik stýdentterge, jáne maǵan da ol jerde ýaqyt ótkizgen unaıdy,  sabaq oqımyz, oqý zalynda bir topta, bir fakúltette oqıtyn dostarymyzben sóılesip, pikir almasyp, bir-birimizge sabaqqa kómektesemiz,  joǵarǵy qabatynda  konferensıa zalynda taǵylymdy tulǵalarmen kezdesýler jıi bolyp turady. Taǵy aıta ketetin  jaıt, QazUÝ qalashyǵy ornalasý jaǵynan yńǵaıly bolýy, bilim berý jaǵynyń joǵary deńgeıi, sondaı-aq jaıly, jyly stýdentter úıi men  qyzyqty stýdenttik ómir. Ýnıversıtet aıasynda stýdentterdiń kóshbasshylyq, uıymdastyrýshylyq, dostyq, janashyrlyq qasıetterin damytý maqsatynda kóptegen kásipodaqtar, stýdenttik uıymdar, klýbtar jumys jasaıdy. Sonyń biri, ári ózime ystyq "Altyn sapa" ıntellektýaldy pikirsaıys klýby. Men alǵash  osy klýbqa múshe bolyp qazan aıynda kastıngten ótip, qabyldandym. Klýb stýdentterdiń  pikirsaıys qabiletin arttyrýǵa, óz ustanymyn, pikirin, kez kelgen ortada, kez kelgen adamdarǵa jaqsy erkin jetkizýge baýlıdy. Aǵa býyn(3-4 kýrs stýdentteri), orta býyndar(2-kýrs) jáne jas býyn(1-kýrs) dep atalatyn stýdent jastardan quralǵan. Men munda kelgeli tulǵalyq damý ústindemin desem de bolady,  aǵalyq aqylyn aıtatyn týǵan aǵa, ápkedeı bolyp ketken janashyr jandar, birge ósken jaqynymdaı bolyp ketken qurdas dostar taptym.  Ózimizdiń oratorlyq qabiletimizdi shyńdaýdamyz. Kóptegen basqa ýnıversıtetterde basqa aımaqtarda uıymdastyrylatyn týrnırlerge qatysyp,baǵymyzdy synap, al aǵa býyndarymyzdyń jeńisterine kýá bolyp, sonymen qatar, basqa ýnıversıtet stýdentterimen de baılanys ornatyp, jańa tanystyqtar, jańa dostar da taptyq. Kózdi ashyp-jumǵansha stýdenttik shaǵymyzdyń alǵashqy kezeńi 1-kýrs oqý jylyn da támamdap qaldyq. Osy ýaqyt ishinde osyndaı keremet orta taýyp, osynshama múmkindikterge qol jetkizgenim úshin, Qazaq Ulttyq Ýnıversıtetke túskenime qýanyshty  ekenimdi, jáne tańdaýda qatelespegenimdi aıtqym keledi.

QazUÝ stýdenti bolǵanyma maqtanamyn!

Abdyqalyq Aıgerim; Jetekshisi: Ýrazgalıeva S.A; ál-Farabı atyndaǵy Qazaq Ulttyq Ýnıversıtetiniń mehanıka-matematıka fakúltetiniń 1 kýrs stýdenti

---