InfoHub Logo

Ananas (lat. Ananas comosus) kópjyldyq shóp tektes ósimdik. Ananastyq otany — Ońtústik Amerıka qurlyǵy. Qazirgi kezde tropıktik aımaqtarda ósiriledi. Bir qyzyǵy, tropıkten shalǵaı jatqan Golandıada (Nıderlandy) ananas ósimdigi jylyjaıda (teplısa) ósiriledi.

Ananas — jylýsúıgish, jaryqsúıgish jáne qurǵaqshylyqqa tózimdi ósimdik. Ananastyń jemisi óte dámdi ári paıdaly. Ananas shyrynyndaǵy fermentter as qorytý barysynda paıdasyn tıgizedi. Quramyndaǵy fermentterdiń atqaratyn qyzmeti trıpsın fermentine óte uqsas keledi, dıetalyq qasıetteri de bar. Ananas jemisin jegen kezde ol pisken bolýy kerek. Pispegen jemis erin men aýyz qýysyn zaqymdaıdy.

Ananastyń quramynda barlyq dárýmender men kóptegen mıneraldy zattar bar. Ananastyń quramyndaǵy mıneraldy zattar: kalıı, temir, mys, myrysh, marganes, magnıı, kálsı jáne ıod.

Ananas qan qysymyn tómendetýge jáne qan tamyrlarynyń qyzmetin jaqsartýǵa qyzmet etedi. Ananastyń kóptegen aýrýlardyń aldyn-ala habaryn alýǵa tıgizer kómegi de az emes.

Aǵzadaǵy asqorytý júıesinde aqaýlar paıda bolsa, bir stakan ananas shyrynyn iship, azdaǵan mólsherde jemisten jegen abzal. Ananas shyryny asqazan sóliniń belsendiligin arttyrady. Eger etti taǵam jegen bolsańyz, onda ananas shyrynyn iship, jemisin jeýdi umytpańyz. Ol ettiń ońaı qorytylýyna kómektesedi.

Ananastyń taǵamdyq qýattylyǵy tómen, nebary 100 gr.-ǵa 48 kkal. bolady. Al quramyndaǵy kalıı tuzy aǵzadaǵy artyq suıyqtyqtar men zattardy ketiredi, birneshe kelige deıingi artyq salmaqtan aryltady.

Ananastan jasalǵan desert denedegi artyq maılardy jaǵýǵa jáne zat almasý prosesin durystaýǵa óz yqpalyn tıgizedi.

Qazirgi tańda kóptegen zertteýshi-dáriger mamandar ananastyń quramyndaǵy fermentterdiń kómegimen rak aýrýlaryn (qaterli isik aýrýlary) emdeý isiniń tıimdiligin arttyrý maqsatynda jumystar jasaýda. Ananasty turaqty túrde qorek etýdiń paıdasy onkologıalyq aýrýlardy aldyn-ala eskertýge keremet ádis retinde sanalatynyn dáleldedi.

---