InfoHub Logo

İrgetasy 1934 jyly qalanǵan Ál Farabı atyndaǵy  QazUÝ barshanyń kózaıymyna aınalyp úlgerdi. Oǵan dálel – kóz tartar ásem tabıǵatymen, janǵa jaıly jataqhanasymen, jańa tehnologıalyq qural-jabdyqtarmen jasaqtandyrylǵan oqý korpýstarymen, demalys saıabaqtarymen aıryqsha kózge túsetin – QazUÝ qalashyǵy. Rasymen de, osyndaı jan-jaqty resýrstarmen qamtamasyz etilgen qalashyqty elemeı ótýge bolmaıdy. Oǵan qosa, barsha stýdenttiń talantyn, ónerin ortaǵa salýǵa múmkindik beretin kıeli sahna tóri ornalasqan Ó.A.Joldasbekov atyndaǵy Stýdentter saraıy alystan men mundalaıdy. Munyń bári - eren eńbektiń jemisi, jetistiktiń aıǵaǵy, birliktiń kórinisi.  

Endigi kezekte oqý korpýsy, oqý júıesine toqtalaıyq. Ár túrli mamandyq ıelerin daıarlaıtyn oqý korpýstary jeke-jeke ornalasqan. Búgingi tańda ýnıversıtet qabyrǵasynda 13 fakúltette 20 myńǵa jýyq bolashaq kadrlar dáris alyp keledi. Osyǵan sáıkes oqý ordasynda joǵary sanatty, tájirıbeli, bilimdi, eńbegń sińgen  profesorlar, dosentter, kandıdattar,  ustazdar ár dárisin stýdentterdiń qyzyǵýshylyqtaryn arttyrý maqsatynda erekshe túrde ótkizedi. Bul da erteńgi bolashaq ıesiniń jan-jaqty tárbıelenip ósýine kepildik beredi. Sondaı-aq, oqýlyqtarmen tolyq qamtamasyz etetin kitaphanada elektrondy júıede de tapsyrys berýge bolady. Bul múmkindik stýdentterdiń tehnologıalyq qurylǵylardy jetik meńgerýimen qatar, ýaqytyn únemdeýge kómektesedi.  

Ýnıversıtetimizde oqý júıesi Bolon úderisi boıynsha júzege asyrylady. Ár stýdent óz logıni, paroli arqyly kez kelgen ýaqytta oqý úlgerimimen tanys bola alady. Sonymen qatar, qosymsha tapsyrmalardy, qajetti materıaldardy, dáristiń qysqasha sıpattamasyn lezde elektrondyq jýrnal arqyly kóre alady.  

Osyndaı san múmkindikterge toly Ál Farabı atyndaǵy QazUÝ-niń stýdenti ataný - asqaq arman, úlken baqyt, zor mártebe. Sondyqtan biz úshin bul úlken abyroı, úlken maqtanysh!

QazUÝ - dyń Fılosofıa jáne saıasattaný fakúltetiniń Dintaný jáne mádenıettaný kafedrasynyń  Phd doktory  Ýtebaeva D.S. jáne oqytýshy Abdýllaev N.

QazÚý - dyń Dintaný jáne mádenıettaný kafedrasynyń 4-kýrs stýdentteri: Dıhambaev N. Ahmetov D. 

---