InfoHub Logo

Ertede Kúıik degen qalanyń mańyndaǵy Jylýan ózeniniń boıynda kempir men shal ómir súripti. Qartaıǵanda kórgen Esen esimdi jalǵyz balasy bolypty. Esenniń ákesi otbasyn asyraý úshin kún saıyn darıaǵa aý salyp, balyq aýlap nápaqasyn sonymen tabady eken. Anasy bolsa kúnde baqshaly jerdiń basyna baryp, kún uzaqqa ketpeni qolynan túspeıtin bolypty. Esenniń ózi buǵanasy qatpaǵan áli jas bala bolǵandyqtan bir mezgil úı jumysyn istep, sodan soń aýqattan artylǵan balyqty qala bazaryna baryp satyp keledi eken. Sóıtip júrgende bir kúni uıqyǵa keter aldynda Esenge tosyn oı kelip, qaǵaz betine jazyp, anasynyń jastyǵynyń astyna jasyryp ózi uıyqtap qalady.

Tańerteń anasy tósegin jıǵan kezde jastyǵynyń astynan bir qaǵaz taýyp alady. Ondaǵy jazý mynaý eken:

«Anasynyń Esenge kúndelikti bereshek aqshasy:

— balyqtardy tazalaǵany úshin – 50 teńge,

— otyn jınaǵany úshin – 30 teńge,

— til alǵysh bala bolǵany úshin – 50 teńge,

— ot jaqqany úshin – 50 teńge, barlyǵy 180 teńge».

Keshke Esen bazardan kelse anasy onyń suraǵan aqshasyn daıyndap qoıǵan eken. Bala aqshany kórgende qatty qýanady. Anasy teńgelerge qosa bir japyraq qaǵaz da qaldyrypty. Onda bylaı dep jazylǵan eken, — «Esenniń anasyna beretin qaryzy;

— Osy úıde ótkizgen 10 jyl baqytty ómiri úshin – eshteńe,

— 10 jyl ishinde iship-jegeni úshin – eshteńe,

— Aýyrǵan kezdegi baǵym-kútimi úshin –eshteńe,

— Jaqsy ana bolǵany úshin – eshteńe. Barlyǵy: eshteńe.

Qaǵazdy oqyǵan Esen uıalǵanynan qyzaryp ketip, baqshada júrgen anasyna júgirip baryp, keshirim surap, aqshany qaıtaryp beripti.

---