InfoHub Logo

Musylman er men áıel azat, aqyly tolyq bolsa, qajettiliginen artyq mólsherde maly nemese aqshasy bar bolsa, qurban aıtqa nıet etip, aıttyń úshinshi kúniniń keshine deıin bir mal soıýy ýájip bolady. Qajettilik zattary: 1 úı, 1 aılyq azyq-túlik, 3 qabat kıim, turmystyq zattar, qyzmetshiler, miner kólik quraldary, kásiptik kitaptar, qyzmetshiler jáne tóleıtin qaryzdary.

Qurbandyq — qoı, eshki, sıyr jáne túıeniń birin qurban aıttyń alǵashy 3 kúninde qurbandyq nıetimen soıý degen sóz. Sıyr nemese túıeni 7 adam birigip alyp, soıýyna bolady. Bul maldardy kedeı adamǵa nemese qaıyrymdylyq qoǵamdaryna tirideı sadaqa berý nemese aqshasyn berý qurbandyq bolyp sanalmaıdy.

Qurbandyq shalatyn nemese dinge saı etip soıatyn jerlerge, mysaly stýdentter men kedeılerge kómek beretin qaıyrymdyq qorlary sıaqty járdem uıymdaryna baryp, dinı dástúrge saı túrde soıǵyzý kerek.

Bir kózi kórmeıtin, aqsaq, tisteriniń jartysy joq, kóziniń, qulaǵynyń jáne quıryǵynyń basym bóligi, aldyńǵy nemese artqy bir aıaǵy kesilgen, óte aryq mal qurbandyqqa shalynbaıdy.

Qurbandyqqa shalynǵan mal men barlyq janýardyń jeti jerin jeýge bolmaıdy: aqqan qanyn, jynys múshesin, bezderin, qýyǵyn, ótin, urǵashy maldyń aldyn, jumyrtqa bezin.

Qurbandyq ettiń úshten birin úıine, úshten birin kórshilerine, qalǵanyn kedeılerge berý mústahab. Barlyǵyn kedeıge berýge nemese barlyǵyn úıde qaldyrýǵa da bolady. Terisi namaz oqıtyn kedeı adamǵa beriledi nemese úıde qoldanylady.

---