InfoHub Logo

Qazaly aýdany, Áıteke bı kenti,
№7 «Baldyrǵan» sanatorıalyq
bóbekjaı - balabaqshasynyń tárbıeshisi
Jumahanova Mıramkúl

«Anashym, sen bárinen de artyqsyń»
Maqsaty: Balalardyń oryndaý mádenıetin, shyǵarmashylyqqa qyzyǵýshylyqty, sahnada oryndaý talaptaryn damytýdy jalǵastyrý, basqa balalardyń sahnada oryndaǵandaryna emosıonaldy sezim, mýzykamen qarym – qatynastarynan qýanysh týǵyzý. Analaryna qurmet sezimin oıatý, analaryna qýanysh sylaý.
Váls yrǵaǵymen bı bılep kirý.

Tárbıeshi: Balalar, sender gúl kóktemniń júrekke jyly, meıirimdi, eń
alǵashqy merekesin bilesińder me?
Balalar: Bilemiz, ol 8 naýryz analar merekesi.
Tárbıeshi: Árıne balalar, ol óziniń jumsaq alaqany, jyly júzi, ystyq qushaǵy, meıirimge toly kózqarasy arqyly, halqymyzdyń tabyný kiltine aınalǵan, bizdiń arý analarymyzdyń merekesi.
Qymbatty da arý analar, merekelerińiz qutty bolsyn!

1 - bala: Syılaǵan ómir bizderge,
Myń alǵys sizge analar.
Merekemen quttyqtap,
Basymyzdy ıip sizderge,
Taǵzym etemiz analar. (Balalar taǵzym etedi)
Tárbıeshi: Shýaqty kóktem keldi gúlin alyp,
Kóktemniń merekesi búgin anyq.
Ómirdiń kóktemi de, gúli – analar,
Ana dep bas ıedi kúlli halyq.
Tárbıeshi: Merekelik quttyqtaý sózdi balabaqshamyzdyń meńgerýshisine sóz berý

Hor: «Kóktemde»
Tárbıeshi: Ana desem, sezim bıler tym ystyq,
Jarasymdy adamdarǵa týystyq.
Bar adamǵa berse ananyń meıirin,
Oranar edi álemde tek tynyshtyq.
Nuraı: Jadyratyp aınalany,
Kóktem keldi kúlimdep.
Kún qýanyp aımalady,
Sýlary aqty gúrildep.
Jerdiń beti túrlenip,
Kók maısalar jaıqalyp,
Ósimdikter gúldenedi,
Jupar ıisi baıqalyp.
Mıras: Báısheshekten bilemiz,
Kóktem kelip qalǵanyn.
Máz bolamyz, kúlemiz,
Kórsek gúlin jarǵanyn.
Tárbıeshi: Kúmbirge toly syrdy áýen,
Mereke án men jalǵassyn.
Mýzykalyq bir sálem,
Anaǵa endi arnalsyn.
Jeke án: «Shaqyrady kóktem» Begimsulý.
Erasyl: Jyl basy – naýryz mereke,
Aqnurǵa ásem boıandy.
Analar toıy bereke,
Tirshilik jańa oıandy.
Aqjan: Merekeni búgin,
Altyn anamnyń.
Syılaıynshy gúlin,
Jarqyn dalamnyń.
Kúnniń nuryndaı,
Ulym degen sózi,
Aqyn jyryndaı.
Arýjan: Árkim súıer óziniń,
Maqtan eter anasyn.
Bári jaqsy ananyń,
Bárin syılaý kerek – aý.
Biraq árbir balanyń,
Óz anasy bólek – aý.
Tárbıeshi: Araılap atty tańymyz,
Jaınaıdy baqsha baǵymyz.
Gúlderdeı qulpyryp,
Bı bıleımiz birimiz.
Bı: «Lentamen bı, top balalarymen»
Aıbol: Ananyń biz gúlimiz,
Ana bizdiń kúnimiz.
Ulandardy qýantyp,
Uzaq ómir súrińiz.
Begimsulý: Jarqyn júzdi jan anam,
Sendeı bolsyn bar adam.
Sendeı bolsa bar adam,
Shattyq ketpes baladan.
Sensiń ana, jan kúshi,
Sendeı bolsa bar kisi,
Sheksiz perzent alǵysy.
Erhan: Senen ósken balalar,
Batyrlar men danalar.
Quttyqtaımyz meıramyńmen,
Qurmetti analar!
Baǵlan: Aq anashym, appaǵym,
Óziń jaıly tappaǵym.
Óziń jaıly ánim de,
Arnadym saǵan bárinde.
Saǵynysh: Jer betiniń ǵumyry,
Kún nurymen araıly.
Bizdiń úıdiń jylýy,
Anamyzdan taraıdy.
Jeke án: «Baqshada» Nuraı.
Bı: «Sýmasshedshaıa vesna» Sultan, Arýjan, Aqjan, Aıgerim, Nartaı, Lıga
Janel: Anashymdy saǵynam,
Oǵan eshkim jetpeıdi.
Anasynyń janynan,
Bóbegi de ketpeıdi.

Tolyq nusqasyn júkteý