InfoHub Logo

Aqtan degen shal qoıyn qoralap, kelini men qyzy mal saýyp jatypty. Atasynyń júrgenin ańǵarmaǵan kelini qaıyn sińlisine:

— Erkem, aqtanaý eshkini usta, — depti. Qyz:

— A, neni deısiń?

— Aqtanaý eshkini deımin, — dep qaıta atapty. Kúle júrip qyz eshkini ustaı almapty. Sonda jeńgesi:

— Ne bolǵan ózińe, andaǵy aq týshadan bólip qaıyr, — kúlki qysqan qyz aq týshamen qosarlana qashqan eshkini qýalaı beripti. Jeńgesi uzandap:

— Andaǵy aqtan bólip qaıyr deımin, bólip qaıyr! — degende, qyz odan ary kúlip otyra ketipti. Muny abaılap turǵan Aqtan shal qaqyrynyp qalypty. Sonda bir-aq sezgen kelini:

— Qalaı qoıǵan at ózi, ony aıtsań oǵan, muny aıtsań buǵan kete beretin, — dep betin basyp otyra ketken eken.

---