Kúıeý bala
Naqurystaý bir jigitke qyz tımeı kóp júripti. Onyń ákesi shalǵaı qystaqtaǵy bir tanysynyń úıine baryp buıymtaıyn aıtqan eken: «Aldymen balanyń ózi bir kórinip ketsin» dep qaıtarypty. Úıine qaıta oralǵan ol balasyna:
— Ol úıge barǵannan keıin ańdap sóıle, albaty sóılep, naqurystyǵyńdy baıqatyp alyp júrme. Ol úıdiń esiginiń aldynda eki túp tal bar eken, sóz yńǵaıy kelgende «Atamnyń myna eki túp taly kútimi kelse, keıin bir úılik jaqsy úı aǵash bolady eken» dep qoı, ol úıde jáne bıyl erterek týǵan eki erkek buzaý bar eken, taǵy bir sóz yńǵaıyn keltirip: «Atamnyń myna eki buzaýy baǵymy kelse, keıin eki jaqsy atan ógiz bolady eken» dep qoıarsyń dep balasyna bolashaq qaıynyna attandyrypty.
Jigit qyzdyń úıine barǵannan keıin sózdi az sóılep, jumysty kóp istepti. Eki kún keshte sóz kezegin keltirip, ákesiniń tapsyrýy boıynsha aǵash pen buzaýǵa baǵa bergen eken, qyzdyń áke-sheshesi qatty rıza bolyp: «Kúıeý balamyz aqyldy ári áńgimeshil eken, buǵan bersek, qyzymyz qor bola qoımas», — desipti.
Eki ret maqtaý estigen jigit, óziniń «zerektigin» onan ary baıqatý úshin bir kúni atasynyń qaıraǵyn kórsetip turyp:
— Atamnyń myna qaıraǵy baǵymy kelse, keıin jaqsy shańtas bolyp shyǵady eken, — depti.
You Might Also Like
-
Bir alarman Bóribaı degen jas dúkenshini dóńgeletip maqtaı jóneledi.
-
Ázilbaı aýyryp emhanaǵa barsa kórshi úıde turatyn bir tanysy da aýrý kórsetkeli sonda júripti. Dáriger bir, aýrýlar kóp bolǵan sebepti Ázilbaıdyń da kezek kútýine týra kelipti.
